Markos 5:15 - Ashiri Aeuitaknup Iyohaichish Yona 1897

¹⁵ Aige, Yesu otta araki wa nitne kamui shikatkari guru, hoshiki no nei Region koro guru a hine mi ambe ami wa keutum yai eashirikara wa an-i nukara: awa, ishitoma nisa ruwe ue.

Markos 5:15 ပူးပေါင်းရင်းမြစ်များ

Iyohaichish 14:5

Nei ita, shinuma utara kimatek wa ishitoma: Kamui anak ne oupeka utara sanikiri tura no an ruwe ne gusu ne na.

Mattaios 12:29

Shui, Ainu anak ne hoshiki no okirashnu guru tupetupe shomoki yakun, nekon a iki wa shinuma kot chisei ta ahun wa nei okirashnu guru korope akoisamka kusu ne ya? Atupetupe okere chiki kot chisei koisamka kusu ne na.

Mattaios 26:53

Ku Michi otta Ku koramkoro yakun, tane Shinuma En otta tu ikashima wan Regeon pakno an hauturunbe ette shomoki kuni echi ramu ya?

Mattaios 4:24

Orowa, Siria moshirʼebitta Shinuma shiassuru ashte wa an, awa, usa okai tashum koro utara hemhem, usa okai iunin newa shiyeyepa utara hemhem, nitnep shikatkari utara hemhem nochi-iush utara hemhem, tushushke tashum ki utara hemhem, obitta atura wa Shinuma orota araki, aige, aiwangere nisa ruwe ne.

Mattaios 9:33

Nei nitne kamui aoshinge chiki, shomo-itak guru itak: orowa, inne utara iyokunnure wa ene itak-hi :— Israeru un utara tumugeta naa shomo tap ne kane okaibe anukara eramushkare na, ari itak.

Markos 5:14

Orowa, nei buta reshpa utara kira wa machiya otta hene kotan otta hene nei orushpe assuru ashte nisa ruwe ne. Orowa, nekon a orushpe hetuku nisa ruwe he an ingara gusu utara anak ne araki nisa ruwe ne.

Markos 5:16

Orowa, nei okaibe nukara utara anak ne nitne kamui shikatkari guru orushpe hene, buta orushpe hene nure nisa ruwe ne.

Markos 5:18

Orowa, chip oruu ahun korʼan ita hoshiki nitne kamui shikatkari guru Shinuma ukoiram no an-i koramkoro.

Markos 5:4

nei guru kanna-kanna chikiri eok shinkop newa kani shinkop ani atupetupe, yakka kani shinkop yasa chikiri eok shinkop kaye nisa ruwe ne gusu ne ne; samata, shinuma ratchire gusu eipak kiroro koro guru isam ruwe ne na.

Markos 5:9

Orowa, nekon a reihei e koro ya, ari Shinuma nu. Chi utara inne ne gusu, ku reihei anak ne Region ne ruwe ne, ari itak.

Roukos 10:39

Nei shiwentep otta Maria ani an reihei koro turesh-mat an ruwe ne, shinuma anak ne Utarapa koro chikiri samaketa a wa koro itak nu koro an nisa ruwe ne.

Roukos 8:27

Awa, Shinuma ya ta yap chiki machiya orowa no ek nitne Kamui shikatkari shine ainu etunangara; nei guru ohon no imi shomoki no an, orowa, chisei otta riya shomoki wa tushiri otta an ruwe ne.

Korosai 1:13

Shinuma anak ne kunne kiroro orowa no un ohaitare wa, koro omap an Toho koro moshiri orun un ahupte nisa ruwe ne;

II Timoteos 1:7

Inambe gusu ne yakun, Kamui anak ne ishitoma kuni gusu an ramat un kore shomoki, koroka, kiroro newa omap ambe newa keutum yaieashirikara kuni ramat un kore nisa ruwe ne.