Markos 4:41 - Ashiri Aeuitaknup Iyohaichish Yona 1897

⁴¹ Orowa, utara poron no ishitoma wa utashpa ene itakhi :— Yakun, tan guru nen ne ruwe he an? Rera ne yakka atui ne yakka koro itak nu ruwe ne.

Markos 4:41 ပူးပေါင်းရင်းမြစ်များ

Iyohaichish 89:7

Kamui anak ne ashkanne utara ukoramkor-i ta shi no ashitomap ne, Shinuma okari ta obitta no okai utara orowa no akoishitoma ruwe ne.

Mattaios 14:32

Orowa, chip otta ahup chiki, rera okake an ruwe ne.

Mattaios 8:27

Orowa, nei utara iyokunnure wa ene itak-hi :— Tan guru nekon a an guru ne ruwe he an? Atui ne yakka rera ne yakka koro itak nu, sekoro itak.

Markos 4:40

Orowa, nei utara otta — Hemanda gusu echi ishitoma ya? Naa shomo echi eishokon ruwe he an; ari itak.

Markos 5:1

Orowa, atui kushta Gerasene un utara koro moshir ta shirepa nisa ruwe ne.

Markos 5:33

Koroka, nei shiwentep ishitoma wa tusushke hine otta akarabe eramʼan, aige, ek wa Shinuma kotchaketa hachiri hine son no an okaibe obitta nure nisa ruwe ne.

Markos 7:37

Orowa, utara shiri iyokunnure kashpa wa ene itak-hi :— Shinuma nep ne yakka pirika no kanʼnisa: ashpa guru ne yakka nure, shomo itak guru itakte ruwe ne, sekoro itak.

Roukos 4:36

Utara obitta eoyamokte wa utashpa ene itak-hi :— Tambe nep itak ne ruwe ta a? Mondum newa kiroro ani ichakkere ramat kashpaotte, orowa, oashin ruwe ne gusu ne na.

Roukos 8:25

Orowa, nei utara otta Shinuma ene itak-hi :— Echi koro eishokorʼi neita an ruwe he an? ani itak. Orowa, nei utara ishitoma wa enushkari, awa, utashpa ene itakhi :— Rera newa wakka kashpaotte chiki itak anu tan guru nen ne ruwe he an? ari itak nisa ruwe ne.

Hebraios 12:28

Tambe gusu, ashimoyere eaikap moshiri a un kore gusu, kooripak ambe newa ishitoma ambe tura, ani Kamui nupetnere yaishieiwangere iyaiiraige an keutum koro anro:

Ekambakbe 15:4

Aa Utarapa, shomo E kooripak, shomo E koiramye guru inan guru ne ya? Ouse Aokai patek ashkanne ruwe ne gusu ne na: E iki oupeka ikip anukara wa okai gusu obitta no okai moshiri uirup araki wa E kotchaketa ongami ki kusu ne gusu ne na.