Markos 3:8 - Ashiri Aeuitaknup Iyohaichish Yona 1897

⁸ samata, Yudea wano hene, Yerusarem wano hene, Idumea wano hene, Yorodan pet ikushta wano hene, Tiros newa Sidon kotan okari wano hene, poro inne utara hemanda porobe Shinuma kara katu nu wa okai gusu orota araki nisa ruwe ne.

Markos 3:8 ပူးပေါင်းရင်းမြစ်များ

Iyohaichish 45:12

Orowa, Turos koro matne po ayangep koro wa an; Utara tumugeta okai oteknu utara ne yakka e koro irenga koramkoro kusu ne na.

Iyohaichish 87:4

En eamkiri utara tumugeta Rahab newa Babyronia okai-hi korachi ku ye kusu ne: Piristia newa Turos newa Etiopia tura ingara yan: Tan guru anak ne nei oshiketa shiko nisa ruwe ne.

Mattaios 11:21

Aa Korazin kotan, aeyaisambepokashbe e ne humi! Aa Betsaida kotan aeyaisambepokashbe e ne humi! Echi oshiketa Ku ki kiroro yupu ikip anak ne Turos kotan ta hene Sidon kotan ta hene akara yak anak ne, nei utara fushkone hai ani akara amip newa uina ani yaikokatpak kusu ne.

Mattaios 4:25

Orowa no, Gariraya moshiri hemhem, Dekaporis moshiri hemhem, Yudea moshiri hemhem, orowa, Yorodan pet kushta okai utara hemhem, shi no inne no Shinuma osh paye nisa ruwe ne na.

Markos 7:24

Orowa, Shinuma hopuni wa nei kotan wano paye hine Turos newa Sidon kotan orun oman nisa ruwe ne. Awa, chisei orun ahun wa nen ne yakka shomo eramʼan kuni kon rusui; koroka, anuina eaikap ruwe ne.

Markos 7:31

Orowa, shui Shinuma Turos kotan hoppa hine Sidon kotan orun arapa, aige, Dekaporis kotan noshike kush wa Gariraya atui orun ek.

Roukos 6:17

Shinuma nei utara tura san wa kapara ushketa inne topaha utara, Shinuma nu gusu hemhem, koro tashum aiwangere gusu hemhem akire gusu Yudea moshiri ebitta wano hene, Yerusarem machiya wano hene, Tiros newa Sidon kotan un atui sam wano hene araki inne utara tura no ash wa an ruwe ne;