Markos 3:23 - Ashiri Aeuitaknup Iyohaichish Yona 1897

²³ Orota Shinuma nei utara shikekote hotuyepakara wa itak-maukushte-itak ani ene itak-hi :— Satan anak ne nekon a ki wa Satan oashinge eashkai ya?

Markos 3:23 ပူးပေါင်းရင်းမြစ်များ

Iyohaichish 49:4

Itak-maukushte-itak orun ku nu kusu ne: Koto rekte wa ku goro kunne itak ku sange kusu ne na.

Mattaios 13:3

Awa, itak-maukushte-itak ani Shinuma usausa okaibe nei utara otta ye, aige, ene itak-hi :—

Mattaios 13:34

Tan orushpe obitta Yesu itak-maukushte-itak ani nei inne topaha utara otta ye wa nure nisa ruwe ne, aige, itak-maukushte-itak isam no nep ne yakka utara otta ye shomoki:

Mattaios 4:10

Orowa shinuma orun Yesu ene itak-hi :— Satan, oyakta oman, E koro Utarapa ne Kanrui otta ongami, ouse Shinuma otta patek yaishieiwangere e ki kusu ne na, sekorʼan itak anuye wa an ruwe ne gusu ne na, sekoro ye nisa ruwe ne.

Markos 12:1

Orowa, itak-maukushte-itak ani utara otta ye heashi nisa ruwe ne. Shine ainu anak ne hat toi etoita, nei okari ankura ashte, orowa, orun tonoto kara kuni nishu oma gusu shui ouri, samata, shiniwe chisei kara, aige, toi-kara utara otta eirusa wa oya moshiri orun oman nisa mwe ne.

Markos 3:24

Moshiri uirup anak ne yaikota gusu utashpa uwekopi wa okai chiki, nei moshiri ash eaikap ruwe ne.

Markos 4:11

Orowa, orota Shinuma ene itak-hi :— Kamui moshiri gusu an anuina ambe anak ne echi otta akore; koroka, soita okai utara otta obitta no okaibe itak-maukushte-itak ani akan ruwe ne;

Markos 4:2

Orowa, itak-maukushte itak ani inne orushpe epakashnu nisa ruwe ne; epakashnu rapoketa ene itak-hi :—