Markos 2:8 - Ashiri Aeuitaknup Iyohaichish Yona 1897

⁸ Koro ramat ani nani Yesu anak ne shinuma utara keutum oshiketa nei no okaibe upaore katu eramʼan koro, orota ene itak-hi: Hemanda gusu echi keutum ta tap okaibe echi upaore ya?

Markos 2:8 ပူးပေါင်းရင်းမြစ်များ

Iyohaichish 139:2

Ku a shiri ash shiri-hi Aokai eraman, Ehangeko no an ushike wano Aokai anak ne ku yainu-hi ramepakari ruwe ne.

Mattaios 12:15

Aige, Yesu tambe eraman gusu nei kotan wano ekohopi wa oman:

Mattaios 16:7

Aige, nei utara anak ne utashpa uwe-upaure wa ene itak-hi :— Tap ambe anak ne pantak chi oira gusu an itak ne, ari itak.

Mattaios 9:4

Yesu nei utara yainu-hi eramu an wa ene itak-hi :— Hemanda gusu echi utara keutumu ta wen no echi yaikoshiramse ya?

Markos 2:7

Tan guru hemanda gusu nei no itak ya? Kamui koatcha ruwe ne: Shinen moshima, Kamui moshima katpak tusare eashkaibe nen ne ruwe? ari iki ruwe ne.

Markos 2:9

Tusushke tashum ki guru otta e koro katpak atusare wa an sekoro itak ye newa hopuni wa atarape ani wa apkash yan, sekoro itak ye anak ne, inambe ye itak katu isaika itak ne ruwe he an?

Markos 7:21

Inambe gusu ne yakun, oshike wano, ainu utara keutum wano wen yainu-hi hene,

Roukos 24:38

Orota Shinuma ene itak-hi :— Nep gusu echi yaikowepekere ruwe? orowa, hemanda gusu echi keutura oshiketa upaorep hetuku ya?

Roukos 5:22

Koroka, Yesu nei upaore ambe eramʼan wa orota ese wa ene itak-hi :— Nep gusu echi utara keutura ta upaore ki ya?

Roukos 6:8

Koroka, Shinuma nei utara yainu i eramʼan: aige, teke shipeshte guru otta — Hopuni wa utara tumugeta ash yan — ani itak.

Yoannes 21:17

Re otutanu shui orota, — Yoannes poho Simon, aokai En omap ya? ari itak. Re shuine aokai En omap ya? ani an itak ani orota ye gusu, Petros anak ne oknatara ruwe ne. Awa, orota ene itak-hi :— Utarapa, Aokai anak ne nep ne yakka E eraman; Kuani E omap ash shiri Aokai eraman ruwe ne, ani itak. Orota, Ku hitsuji ibere yan, ani an itak ani Yesu itak.

Yoannes 6:64

Koroka, eishokoro shomoki utara echi tumugeta okai, ani itak. Yesu anak ne atpake wano shomo eishokoro utara hemhem, Shinuma ekoshi kusu ne guru hemhem, eraman nisa ruwe ne gusu ne na.

Apostoro ikip oma kambi 5:3

Koroka, Petros ene itak-hi :— Ananias, Ashkanne Ramat otta koshunge wa nei toi oro emkoho anire kuni ne nep gusu Satan anak ne e koro sambe shiktere nisa ruwe he an? nei ambe an ita anak ne eani yaikota korope shomo ne ya?

Apostoro ikip oma kambi 8:22

Tambe gusu, tan e ki wenburi gusu yaikokatpak yan, orowa, Utarapa orun koramkoro, yak anak ne e keutum ta e esanniyo yainu-hi atusare kusu ne nangon na.

Hebraios 4:13

Orowa, Shinuma shik-samata shomo anukara okaibe ara isam ruwe ne: koroka, gusu chi iki ambe koro shiki kotchaketa nep okaibe ne yakka obitta atusa hine asarare wa an na.

Ekambakbe 2:23

Orowa, rai ambe ani nei shiwentep koro poho utara Ku ronnu kusu ne; aige, Kuani anak ne kinop newa sambe chimichimi guru Ku ne ruwe ne ari an ambe obitta no okai karisia utara eraman kusu ne: samata, echi ikip an nei no pishno okai echi utara orota Ku kore kusu ne na.