Markos 2:20 - Ashiri Aeuitaknup Iyohaichish Yona 1897

²⁰ Koroka, nei mat-ahupkara guru auk toho ek kusu ne, nei toho ta utara shomo ramnu ki kusu ne na.

Markos 2:20 ပူးပေါင်းရင်းမြစ်များ

Iyohaichish 45:11

Yakun, Esapane guru anak ne e shiritokbe kon rusui: Shinuma anak ne e koro Utarapa ne; Shinuma orun ko-ongami yan.

Mattaios 26:31

Nei ita Yesu nei utara otta ene itak-hi :— Echi utara obitta tan ukuran En gusu aepetchiure kusu ne: inambe gusu ne yakun, hitsuji pungi Ku shirikik, orowa hitsuji anak ne oyakta achatchari kusu ne sekorʼambe anuye wa an ruwe ne gusu ne na.

Mattaios 9:15

Orowa, Yesu nei utara otta ene itak-hi :— Tane matakore guru an rapoketa, nei marapto gusu an utara anak ne yaituwashkarap eashkai ruwe he an? Okaketa tane matakore guru auk toho ek kusu ne, nei ita shomo ramnu ki kusu ne na.

Markos 2:19

Orota Yesu ene itak-hi :— Tane mat-ahupkara guru koro tumbu ta ahup utara anak ne nei mat-ahupkara guru an ita shomo ramnu ki eashkai ruwe he an? Tane mat-ahupkara guru anak ne utara tura no an rapoketa shomo ramnu ki eaikap ruwe ne na.

Markos 2:21

Chiworo-at ani fushko amip utapke guru isam; nei no ki yakun autapke ashiribe anak ne fushko ambe orowa no yara, orowa, nei yara ushike naa aporore ruwe ne.

Roukos 17:22

Orowa, koro koikara utara otta Shinuma ene itakhi :— Echi utara anak ne Ainu Poho toho shinep echi nukan rusui toho ek kusu ne, koroka, echi nukara shomoki kusu ne na.

Roukos 5:35

Koroka, nei mat-ahupkara guru auk toho ek, nei toho ta shinuma utara shomo ibe shomo iku hemhem ki kusu ne na.

Yoannes 12:8

Irapokkari utara ramma echi tura no okai, koroka, Kuani anak ramma echi tura no an shomo ne ruwe ne gusu ne na, ari itak.

Yoannes 13:33

Nokan utara! naa pon no uturuta echi tura no Ku an. Echi utara En hunara kusu ne; orowa, Yudea un utara otta, — Ku oman ushike un echi araki eaikap ruwe ne, Ku ye korachi, tane echi otta Ku ye ruwe ne.

Yoannes 16:28

Kuani Michi orowa no Ku ek wa moshirʼotta Ku an shiri ne: shui, moshiri Ku hoppa wa Michi orota Ku oman ruwe ne.

Yoannes 16:7

Yakka, son no ambe echi nure ash na; Kuani Ku oman-i anak ne echi utara gusu pirikap ne: inambe gusu ne yakun, Ku oman shomoki chiki nei Kotchane ki kunip echi otta ek shomoki kusu ne na; koroka, Ku oman yakun echi otta Shinuma Ku omande kusu ne na.

Yoannes 17:11

Orowa, naa moshiri otta Ku an shomo ne, tan utara anak ne moshiri otta okai, orowa, E otta Ku ek. Ashkanne Michi, Chi utara shinep ne korachi, nei utara shinep ne an kuni gusu En otta Aokai koropare utara E reihei otta shikkashima wa En kore.

Yoannes 17:13

Koroka, tane anak ne E orun Ku ek; aige, nei utara otta Ku yaikopuntek-i auweomare kuni gusu tap okaibe moshiri otta Ku ye.

Yoannes 3:29

Tane machi ne kusu ne shiwentep koro ainu auak mat-ahupkara guru ne; koroka mat-ahupkara guru koro ikatairotke utara okai wa nei mat-ahupkara guru hawe nu gusu shi no yaikopuntek ruwe ne: tambe gusu, ku yaikopuntek ambe anak ne auweomare no an ruwe ne.

Apostoro ikip oma kambi 1:9

Orowa, nei okaibe Shinuma ye okere chiki, utara ingara korʼan rapoketa, Shinuma arikinde nisa ruwe ne; awa, nei utara shiksam wano nishkuru Shinuma uk nisa ruwe ne.

Apostoro ikip oma kambi 14:23

Orowa, obitta no okai karisia oshiketa nei utara gusu ekashi atek-numgere hene ki, shomo ramnu ti wa inonno-itak ki okere chiki, gusu eishokoro Utarapa orun iko-ande nisa ruwe ne.

Apostoro ikip oma kambi 3:21

obitta no okaibe kanna aatte pakihi pakno kando anak ne Shinuma uk kunip ne; nei ambe gusu moshiri heashi wano koro Ashkanne uweingara utara paroho ani Kamui itak nisa ruwe ne. Mose ene itak-hi :—

I Korintos 7:5

Ouse iruka an pakihi gusu inonno-itak gusu moshima iteki utashpa uwe ehunara yan, orowa, echi yai-yaishik-kashima eaikapbe gusu Satan anak ne iteki echi koramnukara gusu kanna-shui ukotura koan yan.

II Korintos 11:2

Kamui san ikoitupa ambe ani echi utara gusu ku ikoitupa ruwe ne: inambe gusu ne yakun, shine hoku ne guru otta kuani echi kore okere, turu-sak-mat nei no Kiristo otta kuani echi yange ash kuni gusu ne na.

II Korintos 11:27

shunge iriwak utara tumugeta ayaikikipi an, imontabire wa nuwap; kanna-kanna shiruwande ki, ibe rusui iku rusui, kanna-kanna shomo-ramnu ki, meraige newa atusa ruwe ne.

II Korintos 6:5

aeishiramne-hi otta hene, yairamkoiki ambe otta hene, shirikik ambe otta hene, ipakashnu chisei otta aomare ambe otta hene, sakayo otta hene, moni otta hene, shiure ambe otta hene, shomo ramnu ki ambe otta hene; turu-sakbe otta hene,

Ekambakbe 19:7

Nupetne wa shiri yainuchattek yanro, Shinuma pasere yanro: nei Pon-hitsuji mat-akore kuni pakihi ek an wa akore kuni machihi yaietokooikire an ruwe ne gusu ne na.

Ekambakbe 21:9

Orowa, iyotta okake an nei arawan shirikikbe o arawan domburi koro hauturumbe un shinen anak ne en orun ek wa ukoitak hine ene itak-hi :— Eteun ek yan, yakun, nei Pon-hitsuji koro machi ne a akore kuni shiwentep e nukare ash kusu ne, ari itak. Aige,