Markos 16:16 - Ashiri Aeuitaknup Iyohaichish Yona 1897

¹⁶ Eishokoro wa baptisma akore guru anak ne kashi-a-obiuki kusu ne; koroka, eumbipka guru anak ne katpak kon ruwe ne sekoro aesanniyo kusu ne na.

Markos 16:16 ပူးပေါင်းရင်းမြစ်များ

Mattaios 28:19

Tambe gusu echi paye wa ingi-moshiri uirup ani koikara gunʼne kara yan, aige, Michi reihei otta ne yakka Poho reihei otta ne yakka Ashkanne Ramat reihei otta ne yakka baptisma kore:

Markos 1:15

Pakihi uweaomare an, Kamui moshiri ehange: echi yaikokatpak wa pirika shongo eishokoro yan.

Roukos 8:12

Ru parurugeta okaibe anak ne nu utara ne; orowa, nitne kamui ek wa nei utara iteki eishokoro wa kashiaobiuki kuni ne keutura orowa no itak etaye ruwe ne.

Yoannes 20:31

koroka, teda anuye wa an okaibe anak ne, Yesu anak Kiristo ne, Kamui Poho ne, sekoro echi utara eishokoro kuni gusu chieshinnuye wa an; orowa, echi eishokoro wa Shinuma reihei ani inotu echi koro kuni gusu ne na.

Yoannes 3:36

Poho eishokoro gurʼanak ne ramma okere shomoki inotu kon ruwe ne; koroka, Poho eishokoro shomoki gurʼanak ne inotu nukara shomoki, Kamui kinrakarape shinuma kashiketa an wa an ruwe ne na.

Yoannes 3:5

Yesu ene ese-hi :— Son no, son no e otta Ku ye, Ainu anak ne wakka newa Ramat ani hekatu shomoki chiki Kamui moshiri orun ahun eaikap ruwe ne.

Yoannes 5:24

Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.

Yoannes 6:29

Orota Yesu ese wa ene itak-hi :— Kamui aomande guru echi eishokoro kuni ambe anak ne, tambe anak Kamui ikip ne ruwe ne.

Yoannes 6:35

Nei utara otta Yesu ene itak-hi :— Kuani anak ne inotu oma aep Ku ne ruwe ne: En orun ek gurʼanak ne sambe-chinoiba shomoki, En eishokoro guru

Yoannes 6:40

Inambe gusu ne yakun, Ku Michi irenga anak ne tapne ne; nen ne yakka Poho nukara wa eishokoro guru anak ne ramma okere shomoki inotu koro kunip ne; orowa, okese an toho ta Kuani anak ne shinuma hetopo Ku shiknure kusu ne na.

Yoannes 8:24

Tambe gusu echi utara anak ne yaikota echi ki katpak echi koro wa rai kusu ne, sekoro Ku itak nisa ruwe ne: inambe gusu ne yakun, Kuani anak ne Shinuma ne sekoro echi eishokoro shomoki yakun, koro katpak echi koro wa echi rai kusu ne gusu ne na.

Apostoro ikip oma kambi 10:43

Nen ne yakka Shinuma eishokoro guru anak ne Shinuma kon reihei ankushkeraipo katpak atusare kusu ne sekoro Shinuma gusu obitta no okai uweingara utara paweteshu ki ruwe ne na.

Apostoro ikip oma kambi 13:39

Mose sange tuitak ani echi utara aoupekare eaikap obitta no okaibe gusu nen ne yakka eishokoro ki guru anak ne Shinuma ani aoupekare ruwe ne.

Apostoro ikip oma kambi 13:46

Orowa, Pauros newa Barnabas anak ne rametokkon no ye wa ene itak-hi :— Iyotta hoshiki no Kamui itak echi orun anure kuni ambe anak aki kunip ne. Aige, echi utara anak ne nei ambe emaka wa otusashuishiri pakno an inotu uk kuni utara shomo echi ne sekoro esanniyo gusu, ingarʼan, Oya uirup orun chi paye ash na.

Apostoro ikip oma kambi 2:38

a chi ki yak pirika ya? — ari itak. Orota Petros ene itak-hi :— Yaikokatpak yan, orowa, koro katpak atusare gusu pishno pishno Yesu Kiristo kon reihei otta baptisma uina yan; yak anak ne Ashkanne Ramat ari an korarabe akore kusu ne na.

Apostoro ikip oma kambi 2:41

Tata otta shinuma ye itak uina utara anak ne baptisma akore nisa: aige, nei toho ta shinuma utara otta san sen nin ne utara tura no akopishki nisa ruwe ne.

Apostoro ikip oma kambi 22:16

Aige, tane hemanda e ehuye ya? Hopuni wa baptisma akore hine Shinuma reihei konishuk, orowa, chikokatpak furaye wa isamka yan, ari itak.

Roma 3:6

Ara shomo: nei no ne yak anak ne hemanda Kamui anak moshiri koipishi kusu ne ya?

Roma 4:24

koroka, gusu aesanniyo kusu ne chi utara chikoro Utarapa ne Yesu rai orowa no hetopo-shiknure Kamui eishokoro wa okai chi utara gusu ne yakka nei ambe chieshinnuye wa an na;

II Tessaronike 1:8

utara epeka tasa iramuchuptekka wa kore ambe hemhem, aeramchuptekka wa okai echi utara un tura no asbinire arabe hemhem anak ne Kamui tek-samata oupeka ambe ne nangon na:

II Tessaronike 2:12

tambe anak ne sonep eishokoro shomoki wa oupeka-sakbe enupetne obitta no okai utara akoipishi kuni gusu an ap ne ruwe ne.

I Petros 1:21

echi utara anak ne Kamui otta eishokoro hene ki chipachipa hene ki kuni ne, Shinuma rai-i orowa no hetopo-shiknure wa otta nupeki koropare Kamui otta, Shinuma gusu eishokor-i ki utara echi ne ruwe ne.

I Petros 3:21

nei wakka anak ne tane un kashiobiuki baptisma koro son no nokaha ne ruwe ne, tambe anak ne kara oma ichakkerep isamka gusu shomo ne, koroka, Yesu Kiristo hetoposhiknu-hi an gusu Kamui epeka no keutum yaikowepekere shomoki-i gusu an ambe ne ruwe ne;

Ekambakbe 20:15

Orowa inan guru ne yakka nei inotu oma kambi-sosh kata reihei shomo anuye wa an sekoro anukara chiki, nei abe to orota aeyapkiri nisa ruwe ne na.

Ekambakbe 21:8

Koroka, ashitoma utara hemhem, eumbupka iki utara hemhem, aetunne utara hemhem, kewe-uk utara hemhem, hoiyo utara hemhem, ponitak-hi utara hemhem, nokaha koongami utara hemhem, orowa obitta no okai shunge ki utara hemhem abe newa iwau ani paraparase to oshiketa akore kunip uk kusu ne: tambe anak ne tutanu an rai-ambe ne ruwe ne.