Markos 16:15 - Ashiri Aeuitaknup Iyohaichish Yona 1897

¹⁵ Orowa, Shinuma nei utara otta ene itak-hi :— Ingi moshirʼotta echi paye wa obitta no okai utara otta Pirika shongo eupaskuma yan.

Markos 16:15 ပူးပေါင်းရင်းမြစ်များ

Iyohaichish 22:27

Obitta no okai moshiri kese anak ne Ehoba eshikarun wa otta hosari kusu ne: Moshirʼun uirup utara obitta E kotchaketa ongami kusu ne na.

Iyohaichish 96:3

Moshiri uirup tumugeta Shinuma koro nupeki nure, Utara tumta Shinuma ki iyokunnure ikip ashte yan.

Iyohaichish 98:3

Israeru chisei un utara eshkarun gusu son-i newa erampoken ki ruwe ne: Moshiripa pakno moshirigesh pakno obitta chikoro Kamui kashiobiuki-i nukan nisa ruwe ne na.

Mattaios 28:19

Tambe gusu echi paye wa ingi-moshiri uirup ani koikara gunʼne kara yan, aige, Michi reihei otta ne yakka Poho reihei otta ne yakka Ashkanne Ramat reihei otta ne yakka baptisma kore:

Markos 13:10

Orowa, ingi moshirʼun uirup otta Pirika shongo hoshiki no aeupaskuma kusu ne na.

Yoannes 15:16

Echi utara anak ne En numge shomoki, koroka, echi paye wa ibe o, samata, echi o ibehe okai kuni gusu Kuani echi numge wa ande nisa ruwe ne; orowa, nep ne yakka Ku reihei rengap gusu Michi otta echi koramkorobe anak ne akore kuni gusu ne ruwe ne.

Yoannes 20:21

Orowa, shui nei utara otta Yesu ene itak-hi :— Echi otta itomo anro; Michi anak ne En omande korachi, Kuani echi payere ash ruwe ne, sekoro itak.

Apostoro ikip oma kambi 1:2

Shinuma arikinde toho pakno kara hemhem ki epakashnu hemhem ki heashire obitta no okaibe gusu ku nuye nisa ruwe ne:

Apostoro ikip oma kambi 1:8

Koroka, Ashkanne Ramat echi kashiketa an chiki, kiroro echi akore kusu ne: orowa, echi utara anak ne Yerusarem kotan otta hene, Yudea moshirʼebitta hene, Samaria moshirʼotta hene, moshiripa pakno moshirigesh pakno hene, En gusu paweteshu ki utara echi ne kusu ne, sekoro itak.

Roma 10:18

Koroka, ku ye; nei utara shomo nu nisa ruwe he an? Ruwe un, son no poka, Nei utara ki hawe moshirʼebitta orota aun, Koro itak moshiripa pakno moshirigesh pakno oman nisa ruwe ne na.

Roma 16:26

tane uweingara utara nuye kambi ani nukare anuinap aekambakte-i nei no, otusashuishiri wano otusashuishiri pakno an Kamui ikashpaotte gusu moshiri uirup eishokor-i atte wa aitaknure kuni gusu an ambe nei no echi ashte eashkaibe otta;

Epesos 2:17

orowa, Shinuma ek wa ukattuima no okai echi utara otta itomo gusu an pirika shongo eupaskuma ki, shui, ehange no okai utara otta ne yakka itomo irenga eupaskuma ki nisa ruwe ne na:

Korosai 1:23

echi utara anak ne nei eisbokor-i ta asamaha ande hine yaiatte wa kando choropoketa an obitta no okaibe otta echi nu okere aeupaskuma pirika shongo gusu an chipachipa arabe orowa no shomo oyakta okai wa echi okai yakun, nei no an ruwe ne; Pauros ne kuani anak ne gusu yaishieiwangere guru ku ne ruwe ne na.

Korosai 1:6

nei ambe poka moshirʼebitta ta okai wa ibehe hetukure hine shipiraspa, aige, nei arabe echi nu wa son no ka un Kamui irenga echi eraman toho wano echi otta ne yakka korachi ne;

I Yoannes 4:14

Orowa chi nukara, awa, Michi anak ne moshiri kashiobiukip ne kuni gusu nei Poho ette nisa ruwe ne ari an ambe paweteshu chi ki ruwe ne.

Ekambakbe 14:6

Orowa, otusashuishiri pakno an pirika shongo koro hine moshiri kata oshiroma utara otta, obitta no okai moshiri uirup otta hemhem, ainu ikiri otta hemhem, parumbe otta hemhem, utara otta hemhem eupaskuma kuni gusu an kando tumugeta hopumba naa shine hauturumbe ku nukara; awa, shinuma anak ne poro hawe ani ene itak-hi :—