Markos 14:31 - Ashiri Aeuitaknup Iyohaichish Yona 1897

³¹ Koroka, shinuma shi no yupke itak ani, Aokai tura no ku rai yakka, kuani E eshina shomoki kusu ne, ari itak. Samata, okai utara obitta nei no korachi ye nisa ruwe ne na.

Markos 14:31 ပူးပေါင်းရင်းမြစ်များ

Iyohaichish 30:6

Kuani anak, aeyaiepirikare an ita, Samma pakno shomo ku moimoyege kusu ne, ari ku itak.

Mattaios 10:33

Koroka, nen ne yakka moshima guru tek-samta en eshikashke guru an chiki, Kuani ne yakka kando otta an Ku goro Michi tek samta nei guru eshikashke kusu ne na.

Markos 10:39

Orota, eashkai ruwe ne, ari nei utara ye ruwe nisa ne. Orota Yesu ene itak-hi :— Ku iku kuni itangi echi ku kusu ne, samata, Ku uk kuni baptisma ani baptisma echi akore kusu ne na:

Markos 14:30

Orota Yesu ene itak-hi :— Son no e otta Ku ye, tanto, tan ukuran, tu shuine niwatori chikap hau koro etokota eani re shui ne En eshina kusu ne na, sekoro itak.

Markos 14:32

Orowa, Getsemane ani aye kotan ta araki: awa, Kuani inonno-itak Ku ki gusu, nei rapoketa teda echi rok yan, ari an itak ani Shinuma anak ne koikara utara otta ye nisa ruwe ne.

Roukos 23:23

Koroka, nei utara tunashi naa rui hawe ani, Shinuma utasa chikuni otta akungi kokikkik kune ne koramkon nisa ruwe ne na. Awa, nei hawe anu nisa ruwe ne.

Yoannes 13:37

Utarapa, hemanda gusu tane ne yakka E osh Ku ek eaikap ruwe he an? Aokai shirihine ku rai kusu ne, ari itak.