Markos 12:14 - Ashiri Aeuitaknup Iyohaichish Yona 1897

¹⁴ Awa, orota araki chiki Shinuma otta ene itak-hi :— Epakashnu guru, Aokai anak ne sone an gunʼne, nen ne yakka E ko-ishitoma shomoki ruwe ne shiri chi eramʼan: ainu katuhu Aokai esanniyo shomoki no son no newa Kamui ru epakashnu ruwe ne gusu ne na: Kaisaros otta yakuichen koropare-ambe anak ne kashpaotte nei no an ambe ne ya, shomo ya?

Markos 12:14 ပူးပေါင်းရင်းမြစ်များ

Iyohaichish 120:2

Shunge papush newa kokandama parumbe orowa no Aa Ehoba, ku kon ramat ohaitare wa en kore.

Iyohaichish 55:21

Koro paroho anak ne kiripu korachi teshnatara ruwe ne, Koroka, keutum ta tumi an: Koro itak anak ne shum kasu no hapuru ruwe ne, Yakka, aetaye an rangetam nepkoro ne ruwe ne na.

Mattaios 22:16

Awa, shinuma utara koro koikara utara Herodian un utara tura Shinuma otta payere wa ene itakte-hi :— Epakashnu guru, Aokai an at ne sone an guru ne ruwe ne, orowa, son no Kamui ruhu epakashnu wa nen ne yakka koishitoma shomoki ruwe ne; ainu E esanniyo shomoki ruwe ne gusu ne na.

Mattaios 22:17

Tambe gusu, nekon a E yainu ya? Un nure wa un kore, — Kaisaros otta yatu koropare-i anak ne oupeka ambe ne ya? Shomo ne ya?

Markos 12:13

Orowa no, Shinuma oitaksakte kuni ne utara anak ne Parisee un utara newa Herodian un utara Shinuma orota payere nisa ruwe ne.

Markos 12:15

Chi utara anak ne nei ambe sange kunip ne ya, shomo sange yak pirika ya? ari itak. Koroka, Shinuma nei utara kankapkapeka ambe eramʼan wa orota ene itak-hi :— Nep gusu echi En koramnukara ya? Denaria shinep koro wa araki wa En nukare.

Markos 14:45

Orowa, nei guru ek chiki nani Shinuma otta arapa hine, ene itak-hi :— Rabbi he! Aige, chopchopsekan nisa ruwe ne.

Roukos 20:22

ari an ambe chi eramʼan: Chi utara anak ne Kaisaros otta yaku koropare ambe anak ne ikashpaotte nei no an ambe ne ya, shomo ne ya?

Roukos 23:2

Awa, eiyonnuppa heashire wa ene itak-hi :— Tan guru anak ne chikoro moshirʼun utara eshishire hine Kaisaros otta yaku sange kuni hattoki, samata, Shinuma yaikota Moshiri shikkashima guru Kiristo ne ruwe ne, ani itak.

Yoannes 7:18

Yaikota orowa no itak sange guru anak ne yaikota airamyere kuni gusu hunara ruwe ne: koroka, yaikota omande guru ramu-a-yere kuni gusu hunara guru anak ne, nei guru anak son no ambe ne, Shinuma oshiketa oupeka sak-i isam ruwe ne.

Roma 13:6

keutum gusu ne yakka itaknu kusu ne ap Tambe gusu echi utara yaku ne yakka sange ruwe ne; nei utara anak ne tap ambe gusu ramma Kamui mongo ki uitek utara ne ruwe ne gusu ne na.

II Korintos 2:17

Chi utara anak ne Kamui itak eoyap kopoye shiriki inne utara nepkoro shomo chi ne: koroka, an korachi nepkoro ki utara, Kamui orowa no an korachi; Kamui tek-samata an korachi, Kiristo oshiketa chi ye ruwe ne gusu ne na.

II Korintos 2:2

Inambe gusu ne yakun, kuani echi ramusarakka ash chiki, ku ramusarakka ash utara moshima, en nupetnere guru inan guru ne ruwe he an?

II Korintos 4:1

Tambe gusu, chi utara anak ne tan yaishieiwangere gusu an kunip koro wa okai gusu, aerampokiwen wa akore korachi shomo ramurai ruwe ne:

II Korintos 5:11

Tambe gusu, Utarapa ashitoma ambe eraman gusu, chi utara anak ne ainu utara onishnishi ruwe ne a koroka, Kamui otta aeyainukare an na; aine, echi koro keutum ta ne yakka a un aeyainukare kuni ambe ku chipachipa ruwe ne.

II Korintos 5:16

Tambe gusu, tewa no poka, chi utara anak ne kam gusu an ainu eamkiri shomoki: aige, kam gusu an Kiristo chi eamkiri nisa a yakka, tane anak ne nei no chi eamkiri shomoki ruwe ne gusu ne na.

Garatea 1:10

Tane kuani anak ne utara onishnishi ruwe he an? Kamui onishnishi ruwe he an? Shui, utara nupetnere kuni ambe ku hunara ya? Tane poka utara nupetnere ku ki chiki, Kamui usshiune guru shomo ku ne ruwe ne na.

Garatea 2:6

Koroka, pase ne aesanniyo utara orowa (nei utara anak nekon a ambe ne a yakka, en gusu isam korachi ne: Kamui anak ainu ne nep koro shomo uk ruwe ne); nei pase ne aesanniyo utara anak nep ne yakka en kore shomoki ruwe ne,

I Tessaronike 2:4

koroka, pirika shongo a un shikkashimare kuni pakno an utara chi ne kunak Kamui anak esanniyo korachi; tambe nei no chi ye ruwe ne; utara nupetnere kuni korachi shomo ne, koroka chikoro sambe uwande wa ingara Kamui nupetnere kuni gusu itak ruwe ne.