Markos 11:32 - Ashiri Aeuitaknup Iyohaichish Yona 1897

³² Koroka, ainu orowa no ekbe ne ani chi ye chiki :— Utara ko-ishitoina: Yoannes anak ne uweingara guru ne ani utara obitta eishokon nisa ruwe ne gusu ne na.

Markos 11:32 ပူးပေါင်းရင်းမြစ်များ

Mattaios 11:9

Koroka, nep gusu echi paye ya? Uweingara guru nukara kuni gusu ne ruwe he an? Son no un; Kuani echi otta Ku ye; uweingara guru kasu no pase guru nukara gusu echi paye nisa ruwe ne na.

Mattaios 14:5

shinuma Yoannes raige kuni ramu, awa, inne utara koishitoma ruwe ne, nei guru anak ne uweingara guru ne ani utara esanniyo nisa ruwe ne gusu ne na.

Mattaios 21:46

Orowa, Shinuma kishima kuni hunara chiki, inne utara koishitoma ruwe ne, inambe gusu ne yakun, Shinuma anak ne uweingara guru ne sekoro esanniyo nisa ruwe ne na.

Markos 11:31

Orowa, nei utara utashpa upaore wa ene itakhi :— Kando orowa no ekbe ne ani chi ye ko anak ne, yakun, nep gusu echi utara shinuma eishokoro shomoki ya? ari an itak ani Shinuma ye nangoro.

Markos 11:33

Orowa, Yesu otta, Chi eramushkare ani ese itak ki nisa ruwe ne. Orota Yesu ene itak-hi :— Nep mondum Ku goro wa gusu tap okaibe Ku ki ya hene shomo echi nure ash na, ari itak.

Markos 12:12

Orowa, utara anak ne Shinuma kishima rusui a koroka, inne utara ko-ishitoma, nisa ruwe ne; Shinuma nei utara epeka no nei itak-maukushte-itak ye shiri ramepakari wa okai ruwe ne gusu ne na; orowa no, nei utara Shinuma moshima no ande wa paye nisa ruwe ne na.

Markos 6:20

inambe gusu ne yakun, Herod anak Yoannes koishitoma, shinuma oupeka newa ashkanne guru ne sekoro eramʼan wa irammakaka shikkashima nisa ruwe ne gusu ne na. Orowa, shinuma nu chiki usa keutum utumashi ki: samata, yaikopuntek wa shinuma ye itak nu nisa ruwe ne na.

Roukos 20:19

Orowa, nei i epakigeta anak ne kambi-nuye utara newa Kamui kora kenru esapane utara Shinuma kishima kuni hunara ruwe ne: awa; okai utara ko-ishitoma; orowa, yaikota epeka no Shinuma nei itak-maukushte-itak ye nisa ruwe ne, sekoro, nei utara ramepakari nisa ruwe ne gusu ne na.

Roukos 22:2

Aige, Kamui kora kenru esapane utara hemhem, kambi-nuye utara hemhem hemanda Shinuma raige ika hunara wa okai; awa, utara koishitoma nisa ruwe ne.

Yoannes 10:41

Awa, inne utara Shinuma orota araki wa ene itak-hi: Son no poka, Yoannes anak ne shirosh ki shomoki: koroka, tan guru gusu Yoannes ye obitta no okai orushpe anak ne son no ambe ne, sekoro itak.

Apostoro ikip oma kambi 5:26

Tata otta Kamui kora kenru epungine pase nishpa anak ne tono utara tura arapa wa niwen shomoki no nei utara ani nisa; inambe gusu ne yakun, ikineipeka utara orowa no shuma ari apiyekara kuni aramu wa koishitoma wa okai ruwe ne gusu ne na.