Markos 10:52 - Ashiri Aeuitaknup Iyohaichish Yona 1897

⁵² Shinuma orota Yesu ene itak-hi :— Paye yan; e koro eishokor-i anak ne e iwangere nisa ruwe ne na, ari itak. Orowa, nei guru nani nukara wa ru otta Yesu osh oman nisa ruwe ne na.

Markos 10:52 ပူးပေါင်းရင်းမြစ်များ

Iyohaichish 146:8

Ehoba anak ne shiknak utara koro shiki maka; Ehoba anak ne hotku utara hopunire; Ehoba anak ne oupeka utara omap ruwe ne;

Iyohaichish 33:9

Inambe gusu ne yakun, Shinuma itak, aige, akara; Shinuma kashpaotte, aige, tumashnu no roshki nisa ruwe ne.

Mattaios 11:5

shiknak utara aingare, hera utara aapkashte, munin tashum ki utara aashkannere, ashpa utara ainure, rai utara hetopo-ashiknure, orowa, pirika shongo anak ne irapokkari utara otta anure ruwe ne.

Mattaios 12:22

Tande imakake nitne kamui shikatkari gusu shiknak shomo-itak guru shinen Shinuma otta atura, awa, Shinuma nei guru ingara hemhem ki, itak hemhem ki

Mattaios 15:28

sekoro itak, orowa, Yesu nei guru orota ese wa ene itak-hi :— Aa shiwentep, e koro eishokor-i anak ne porobe ne ruwe; eani e kon rusui korachi aki kusu ne, sekoro itak. Orowa, neita nani koro matne-po aiwangere nisa ruwe ne na.

Mattaios 21:14

Orowa, shik-nak utara newa hera utara anak ne Kamui kora kenru ta an Shinuma orun ahup nisa ruwe ne; aige, Shinuma nei utara iwangere nisa ruwe ne.

Mattaios 8:3

Orowa Yesu tekehe tun wa nei guru tomoshma hine ene itak-hi :— Ku ramuoshma na, e ashkannere ash na — sekoro itak: orowa, munin tashum anak ne nani isam nisa ruwe ne na.

Mattaios 9:22

Koroka, Yesu hosari wa nei shiwentep nukara hine ene itak-hi :— Matkachi, keutum ratchire, e koro eishokoro i anak ne e kashiobiuki nisa ruwe ne na, sekoro itak. Aige, nani nei shiwentep kaobiuki wa an ruwe ne na.

Markos 1:31

nani nei shiwentep orushpe Shinuma anure: orowa, Shinuma ek wa nei shiwentep koro teke kishima hine punire ruwe ne; aige, seisek mau tashum aisamka, orowa, shinuma anak ne okai utara otta yaishieiwangere nisa ruwe ne na.

Markos 5:34

Orota Shinuma ene itak-hi :— Matne-po e koro eishokoro-i anak ne e kaobiuki nisa ruwe ne, ino no paye wa e ki shiyeye eshini yan, ari itak.

Markos 8:25

Orowa, shui Shinuma nei guru shiki kata teke ande ruwe ne; orowa, shinuma irammakaka ingara koro aiwangere, aige, nep ne yakka irammakaka nukan nisa ruwe ne na.

Roukos 7:50

Orowa, Shinuma nei shiwentep otta ene itak-hi :— E koro eishokor-i anak ne e kashiobiuki nisa ruwe ne, itomo kon no paye yan, ari itak nisa ruwe ne.

Roukos 9:48

Nen ne yakka Ku reihei rengap gusu tan pon guru uk guru anak ne En uk ruwe ne: samata, nen ne yakka En uk gurʼanak ne En omande guru uk ruwe ne: inambe gusu ne yakun, obitta no echi utara tumugeta an iyotta pon guru anak ne, nei guru anak pase ruwe ne, sekoro itak.

Yoannes 9:32

Moshiri heashi wano ainu anak ne shiknak wa hekatu an guru koro shiki maka orushpe naa anu shomoki ruwe ne.

Yoannes 9:39

Aige, Yesu ene itak-hi :— Nukara shomoki utara ingara, nukara wa okai utara shiknak ne kuni ne, koipishi ki gusu tan moshirʼotta Ku ek nisa ruwe ne, ari itak.

Apostoro ikip oma kambi 26:18

aige, nei utara kunne-i wano pekere otta hene, Satan koro kiroro wano Kamui otta hene ahosarire, aine, koro chikokatpak atusare hine En eishokoro ankushkerai gusu aashkannere utara tumta eikeshkorobe akore kuni ne ruwe ne gusu ne na, ari itak.