Markos 10:38 - Ashiri Aeuitaknup Iyohaichish Yona 1897

³⁸ Koroka, Yesu nei utara otta ene itak-hi :— Echi eikoramkorobe echi erampeutek ruwe ne. Echi utara anak ne Ku iku kuni itangi echi ku eashkai ya? Samata, Ku uk kuni baptisma ani baptisma echi uk eashkai ya?

Markos 10:38 ပူးပေါင်းရင်းမြစ်များ

Iyohaichish 75:8

Inambe gusu ne yakun, Ehoba teke otta tuki an, nei tonoto poppise kara; Aukopoyep ani eshik, aige Shinuma nei ambe echikiki ruwe ne: Son no newa moshiri un obitta no okai wen utara anak ne nei shirari ohetu wa iku kusu ne na.

Mattaios 26:39

Orowa, Shinuma pon no hoshiki no oman wa nanuhu koshirikata pakno hachiri wa inonno-itak hine ene itak-hi :— Aa Ku Michi, aeashkaibe ne yak anak ne, tan itangi En orowa no shimaka aoraye kuni ne ki wa En kore: koroka, Ku rengai ne korachi shomo ne, E rengai ne korachi ki wa En kore, ari itak.

Mattaios 3:6

Yoannes orota paye, orowa koro wen-buri eyaipushi wa Yorodan pet otta baptisma akore nisa ruwe ne.

Markos 14:36

Awa, ene itak-hi :— Abba, Michihi, Aokai ki eaikapbe nep ne yakka isama: tan itangi En orowa no uk wa En kore; koroka, Ku rengaine korachi shomo ne, E rengaine nei no ki wa En kore, ari itak.

Roukos 12:50

Koroka, uk kuni baptisma an, nei ambe auweomare okere pakno hemanda Ku ramu-pekamam humi!

Roukos 22:42

Michi, Aokai ramuoshma yakun, tan itangi En orowa no oyakta ande wa En kore: koroka, Ku rengaine gusu shomo ne wa E rengaine ki wa en kore, ari itak.

Yoannes 18:11

Tambe gusu, Petros otta Yesu ene itak-hi :— E koro emush shirika oro omare yan: En otta Ku Michi kore itangi shomo Ku iku kusu ne ya? ari itak.

Roma 8:26

Orowa, nei no korachi Ramat anak ne chikoro katchakbe ikashiu ruwe ne: inambe gusu ne yakun, nekon a inonno-itak ki kuni kusu ne a-i chi erampeutek; koroka, nei Ramat yaikota aye eaikap pakno an oromande wa un gusu yaikurukata koramkon ruwe ne;

Yakob 4:3

Echi koramkoro, aige, shomo akore na, eikaunu an no yaikota gusu nei ambe eiwange kuni ne wen no echi koramkoro ruwe ne gusu ne na.