Markos 10:33 - Ashiri Aeuitaknup Iyohaichish Yona 1897

³³ Ingarʼan, chi utara Yerusarem kotan orun hemespa; orowa, Ainu Poho anak ne Kamui kora kenru esapane utara newa kambi-nuye utara otta aekoshi; orowa, nei utara Shinuma raige kuni esanniyo wa Oya uirup utara otta ekoshi; nei utara anak ne Shinuma eoyaitak hemhem ki,

Markos 10:33 ပူးပေါင်းရင်းမြစ်များ

Mattaios 16:21

Nei i orowa no Yesu anak ne Yerusarem kotan orota oman wa ekashi orowa no hemhem Kamui kora kenru esapane utara orowa no hemhem, kambi-nuye utara orowa no hemhem inne okaibe gusu ramuashitnere, aige, araige hine rere-ko an ita hetopo-a-shiknure kusu ne ari an ambe koro koikara utara otta epakashnu heashi nisa ruwe ne.

Mattaios 26:66

Nei utara ese wa ene itak-hi :— Araige kuni gusu ne a guru ne ruwe ne, sekoro itak.

Mattaios 27:2

Yesu raige kuni eukoramkon nisa ruwe ne: awa, Shinuma tupetupe wa itura hine kotan shikkashima guru Pirato otta ekoshi nisa ruwe ne na.

Markos 14:64

Nei koatchap echi nu: nekon a echi yainu ya? Orowa, utara obitta Shinuma araige kuni guru ne sekoro esanniyo nisa ruwe ne.

Markos 15:1

Orowa, kunneiwano an ita nani Kamui kora kenru esapane utara anak ne ekashi utara newa kambi-nuye utara newa obitta ukoramkoro utara tura eukoramkoro, orowa, Yesu tupetupe wa tura wa paye hine Pirato otta ekoshi nisa ruwe ne.

Markos 8:31

Orowa, Ainu Poho poron no aramushitnere wa ekashi utara orowa no hemhem, Kamui kora kenru esapane utara orowa no hemhem, kambi-nuye utara orowa no hemhem aemaka hine araige, samata, rereko an ita hetopo-shiknu kuni orushpe nei utara otta epakashnu heashi nisa ruwe ne.

Markos 9:12

Orota, Shinuma ene itak-hi :— Son no ka un, Ericha hoshiki no ek wa nep ne yakka iki: orowa, Ainu Poho hemanda okaibe ani ayairamshitnere wa otta shomo yaikatanu aki katu chieshinnuye wa an a?

Markos 9:31

Orowa, Shinuma koikara utara epakashnu wa, ene itak-hi :— Ainu Poho anak ne utara teke otta aekoshi, aige, nei utara Shinuma raige kusu ne; araige okere chiki rereko orowa no hetopo-shiknu kusu ne, ari itak.

Roukos 23:21

Koroka, nei utara hawe ashte hine :— Utasa chikuni otta Shinuma kungi kokikkik, utasa chikuni otta kungi kokikkik yan, ani ye.

Roukos 9:22

Ainu Poho anak ne poron no aeyairamushitnere kusu ne, aige, ekashi utara orowa no hene, Kamui kora kenru esapane utara orowa no hene, kambi-nuye utara orowa no hene aemaka, orowa, araige wa rereko an ita hetopo-a-shiknure kusu ne na, ari itak.

Yoannes 18:28

Tambe gusu, utara anak ne Kaiapa orowa no Yesu tura wa ipishi tumbu otta ahunge: awa, aro-kunnei-wano ne; orowa, nei utara anak ne iteki yaituru-ushte, koroka, Kamakush marapto ibe kuni gusu, yaikota ipishi tumbu otta ahup shomoki nisa ruwe ne.

Yoannes 18:32

tambe anak, nekon a rai ambe ani Shinuma ekot ya sekoro Yesu ye wa epeka no an itak auweomare kuni gusu an orushpe ne ruwe ne.

Yoannes 19:11

Otta Yesu ene ese-hi :— Kik orowa no e koropare shomoki yak anak ne En epeka no mondum e koro shomoki kusu ne ruwe ne: tambe gusu, e otta En ekoshi gurʼanak ne naa poro katpak an, sekoro itak.

Apostoro ikip oma kambi 13:27

Inambe gusu ne yakun, Yerusarem un utara newa koro sapane utara anak ne Shinuma hemhem, Kamui to kesto range aoro-oitak wa an uweingara utara koro hau hemhem, erampeutek wa Shinuma koipishi hine katpakte gusu nei ambe uweomare nisa ruwe ne.

Apostoro ikip oma kambi 20:22

Orowa, tane ingarʼan, ramat atupetupe wa Yerusarem orun ku arapa, aige, nei ita nekon a orushpe en gusu hetuku kusu ne ya ku erampeutek:

Yakob 5:6

Katpak kore wa oupeka guru echi raige; shinuma eshishire shomoki ruwe ne na.