Markos 1:27 - Ashiri Aeuitaknup Iyohaichish Yona 1897

²⁷ Utara obitta eoyamokte; awa, utashpa uwepekennu hine, — Tap ambe nep ta an? Ashiri epakashi! Shinuma mondum koro wa ichakkere ramat kashpaotte wa itaknu ruwe ne.

Markos 1:27 ပူးပေါင်းရင်းမြစ်များ

Mattaios 15:31

awa, topaha utara anak ne nei shomo-itak utara itak hawe hemhem, yaiewen guru aiwangere wa okai katu hemhem, hera utara apkash katu hemhem, shiknak utara ingara katu hemhem nukara chiki Israeru un utara koro Kamui ko-iramye nisa ruwe ne na.

Mattaios 8:9

Kuani ne yakka nrondum korope ku ne ruwe ne, en tutanu tumi-koro utara okai: shinen otta, oman ani ku itak chiki, oman; shui ek ani moshima guru otta ku ye koro, ek: orowa, ku usshiune guru otta tambe kara yan sekoro ku ye yakun, kan ruwe ne gusu ne na — sekoro nei tumi-koro utara esapane guru ye ruwe ne.

Mattaios 9:33

Nei nitne kamui aoshinge chiki, shomo-itak guru itak: orowa, inne utara iyokunnure wa ene itak-hi :— Israeru un utara tumugeta naa shomo tap ne kane okaibe anukara eramushkare na, ari itak.

Markos 1:26

Aige, ichakkere ramat shinuma yasa hine poro hau ani hawe ashte wa oashin nisa ruwe ne.

Markos 1:28

Orowa Shinuma gusu an assuruhu anak ne nani Gariraya moshir'ebitta shikapneka no aashte nisa ruwe ne.

Markos 10:24

Orowa, koikara utara Shinuma ye itak eoyamokte. Koroka, Yesu shui ese wa nei utara otta ene itak-hi :— Poho, aeoteknu ambe eyaikopashte utara Kamui moshiri orun ahup-i nep hokamba ruwe!

Markos 10:32

Orowa, nei utara Yerusarem kotan orun hemesu korʼan, awa, ru hontomota okai; Yesu nei utara ratchaot oman shiri an: aine, utara oyamokte; samata, osh paye utara ishitoma nisa ruwe ne Orowa, shui, Shinuma nei tun ikashima wa niu uk hine yaikota gusu hetuku kusu ne orushpe nure heashi wa ene okai-hi :—

Markos 16:5

Orowa no, tushiri otta ahup koro shimon samata a retara mipihi amire wa an shine upen ainu anukara; aige, nei utara kimatek nisa ruwe ne.

Markos 16:6

Orowa, nei shiwentep otta shinuma ene itak-hi :— Iteki kimatek yan, echi utara anak ne utasa chikuni otta a kungi kokikkik Nazaret kotan un Yesu echi hunara shiri okai: Shinuma hetopo-a-shiknure wa teda isama, utara Shinuma ande ushike ingara yan!

Markos 7:37

Orowa, utara shiri iyokunnure kashpa wa ene itak-hi :— Shinuma nep ne yakka pirika no kanʼnisa: ashpa guru ne yakka nure, shomo itak guru itakte ruwe ne, sekoro itak.

Roukos 4:36

Utara obitta eoyamokte wa utashpa ene itak-hi :— Tambe nep itak ne ruwe ta a? Mondum newa kiroro ani ichakkere ramat kashpaotte, orowa, oashin ruwe ne gusu ne na.

Roukos 9:1

Orowa, Shinuma nei tun ikashima wan koikara utara uwekarapare wa obitta no okai nitne kamui oashinge hemhem ki, tashum iwangere hemhem ki kuni kiroro newa mondum koropare nisa ruwe ne.

Apostoro ikip oma kambi 17:19

Orowa, nei utara anak ne shinuma kishima wa Areo nupuri ta tura hine ene itak-hi :— E ye tan ashiri epakashi nekon a ambe ne ya? un nure wa un kore.