Korosai 4:2 - Ashiri Aeuitaknup Iyohaichish Yona 1897

² Shiyuppa no inonno-itak ki, iyaiiraige koro wa iki hine shiruwande yan;

Korosai 4:2 ပူးပေါင်းရင်းမြစ်များ

Iyohaichish 109:4

Inambe gusu ne yakun, ku katairotke utara anak en epokba: Koroka, inonno-itak ku ki na.

Mattaios 26:41

Iteki akoramnukara kuni ne shiruwande wa inonno-itak ki yan: ramat anak ne ki rusuibe ne, koroka kam anak katchakbe ne ruwe ne.

Markos 13:33

Ouse Michi patek eramʼan ruwe ne. Yairamatte wa shiruwande hemhem ki, inonno-itak hemhem ki yan: nei pakihi hembara ta an ya echi erampeutek ruwe ne gusu ne na.

Roukos 18:1

Orowa, utara anak ne ramma inonno-itak ki wa iteki ramu-rai kuni gusu shine itak-maukushte-itak ye wa ene itak-hi :—

Roukos 21:36

Echi utara anak ne araki kusu ne tap obitta no an okaibe ohaita eashkai hine Ainu Poho kotchaketa roshki kuni ne, inan pakihi ta ne yakka shiruwe wa inonno-itak ki yan.

Apostoro ikip oma kambi 1:14

Tan utara obitta shineikinne shiwentep utara tura, samata, Yesu koro habo Maria newa Shinuma koro akihi utara tura ramma-kane inonno-itak shiriki okai korʼan nisa ruwe ne na.

Roma 12:12

chipachipa wa nupetne; aeramchuptek ita yaiyupupu;

Epesos 6:18

shui, ramma-kane Ramat otta obitta no okai inonno newa koramkorobe ani inonno-itak ki, orowa, nei okaibe gusu shiure wa obitta no okai ashkanne utara gusu yaishiporore hine koramkoro,

Piripoi 4:6

Utarapa ehange no an. Nep ne yakka gusu iteki nishomap yan; koroka, nep ne yakka gusu iyaiiraige wa inonno-itak ani, koramkor-i ani echi eishiramnep Kamui nure yan.

Korosai 1:9

Tambe gusu, chi utara ne yakka, nei orushpe nu toho orowa no echi utara anak ne obitta no okai ramat oma wayashnu ambe newa eraman-i otta Shinuma koro irenga eramanbe ani echi aeshikno an kuni hene,

Korosai 2:7

aepakashnu an korachi poka, iyaiiraige an keutura koro wa echi ki eishokor-i atte yan.

Korosai 3:15

Shui, Kiristo koro itomo echi keutum ta esapanere yan, tambe gusu ka shine netobake otta echi ahotuyekara wa okai ruwe ne na;

Korosai 3:17

Orowa, itak otta hene ikip otta hene nep ne yakka echi ki chiki Utarapa ne Yesu Kiristo reihei ankushkeraipo ki, aine, Shinuma korʼirenga gusu Michi ne Kamui otta ko-yaiiraige yan.

Korosai 4:12

Echi tumuge wano an Kiristo Yesu koro usshiune guru ne Epapras anak ne echi ekap na, echi utara aeramushinne no roshki hine Kamui koro oma-irenga utumashi shomoki no eraman kuni ne, ramma kane shinuma shiyuppa no inonno-itak ruwe ne.

I Petros 4:7

Koroka, obitta no okaibe aokere-hi anak ne ehange ruwe ne; tambe gusu, keutum yaieashirikara hine yairamatte wa inonno-itak ki yan: orowa, utashpa