Korosai 3:3 - Ashiri Aeuitaknup Iyohaichish Yona 1897

³ Inambe gusu ne yakun, echi utara anak ne rai nisa ruwe ne, echi koro inotu Kiristo tura

Korosai 3:3 ပူးပေါင်းရင်းမြစ်များ

Mattaios 11:25

Nei ita Yesu ese wa ene itak-hi :— Kando newa moshiri koro Utarapa ne Ku Michi, tan orushpe wayashnu utara newa oramush utara gusu nuina wa aiai otta nukare nisa ruwe ne gusu, Ku yaiiraige ash na:

Yoannes 14:19

Naa nisako ta moshiri anak ne En nukara shomoki kusu ne, koroka, echi utara anak En nukan ruwe ne: Kuani ishu gusu, echi utara ne yakka ishu kusu ne.

Yoannes 3:16

Inambe gusu ne yakun, Kamui anak ne koro Shinen ne Poho koropare pakno moshiri omap ruwe ne, nen ne yakka nei Poho eishokoro guru obitta aisamka shomoki no nei pakno ne yakka ishu ramat koro kuni ne kore nisa ruwe ne.

Yoannes 4:14

koroka, nen ne yakka Ku koropare wakka iku guru anak ne ramma pakno iku rusui shomoki; koroka, otta Ku kore wakka anak ne ramma okere shomoki inotu otta purupuruge wakka shimpui nei kusu ne na.

Yoannes 5:21

Michi anak ne rai guru hetopo-hoshipire wa shiknure korachi, Poho ne yakka yaikota rengaine shiknure ruwe ne.

Yoannes 5:24

Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.

Yoannes 5:40

orowa, inotu echi koro kuni gusu En orun echi araki shomoki ruwe ne.

Roma 5:10

Inambe gusu ne yakun, epokba utara chi ne a rapoketa, koro Poho rai ambe ankushkerai Kamui eramuriten yak anak ne, tane mashkin, aeramuriten wa okai gusu Shinuma koro inotu otta kashiobiuki kusu ne na;

Roma 5:21

nei ambe anak, rai otta katpak anak ne esapane ki nisa ruwe ne a korachi, tambe nei no chikoro Utarapa ne Yesu Kiristo rengap gusu irenga anak ne aoupekarep ankushkerai otusashuishiri pakno an inotu otta esapane kuni gusu an na.

Roma 6:11

ishu inotu anak Kamui otta shiknu ruwe ne na. Nei no korachi echi utara ne yakka yaikota anak katpak otta son no echi rai nisa ruwe ne sekoro esanniyo yan, koroka, Kiristo Yesu gusu Kamui otta ishu ruwe ne ani sanniyo yan.

Roma 6:2

Ara shomo. Katpak otta rai okere chi utara anak ne hemanda tewa no nei ambe otta shiknu kusu ne ya?

Roma 8:2

Inambe gusu ne yakun, Kiristo Yesu oshiketa inotu oma Ramat un tuitak anak ne, katpak newa rai ambe un tuitak orowa no en honnere nisa ruwe ne.

I Korintos 15:45

Ene anuye wa an korachi :— Hoshike no an Ainu ne Adam anak ne shiknu ramat ne. Iyoshi no an Adam anak shiknure ramat ne ruwe ne.

I Korintos 2:14

Rengaine an ainu anak ne Kamui Ramat gusu an okaibe shomo uk ruwe ne: shinuma gusu nei okaibe ramusakbe ne ruwe ne gusu ne na; shui, shinuma nei ambe eraman eaikap, ramat ani koipishi kuni gusu an okaibe ne ruwe ne gusu ne na.

II Korintos 5:14

Inambe gusu ne yakun, Kiristo koro omap ambe anak ne un ekarire ruwe ne; Shinen anak ne obitta no okai utara gusu rai nisa, tambe gusu obitta no okai utara rai okere ruwe ne ari chi esanniyo ash ruwe ne;

II Korintos 5:7

chi utara anak ne nukarabe gusu shomo ne koroka eishokor-i gusu apkash ash ruwe ne); chi utara rametok koro ari ku ye,

Garatea 2:20

Kuani Kiristo tura no utasa chikuni otta akotukka okere; yakka, ku ishu wa an; kuani shomo ne, koroka, en oshiketa Kiristo ishu ruwe ne: orowa, tane kam otta ku ishu inotu anak eishokoro ambe an gusu an ambe ne ruwe ne, nei ambe anak en omap wa en gusu yaiyange Kamui Poho gusu an ambe ne ruwe tapan na.

Epesos 3:9

samata, obitta no okai ikiri wano nep ne yakka kara Kamui oshiketa mukke wa an asbikkashimarep obitta no okai utara otta nure kuni irenga a en koropare nisa ruwe ne;

Piripoi 4:7

Orowa, obitta no okai eraman kuni mondum akkari kara Kamui itomo irenga, Kiristo Yesu gusu echi yainu-hi hemhem echi keutura hemhem epungine kusu ne na.

Korosai 1:5

Kiristo Yesu otta echi ki eishokor-i hene, obitta no okai ashkanne utara gusu echi ki omap ambe hene chi nu nisa ruwe ne gusu ne na:

Korosai 2:20

Tam moshiri gusu an isaika ambe epeka Kiristo tura echi rai nisa ruwe ne a yakun,

Korosai 2:3

Kamui mukkep eraman kuni gusu nep; nei mukkep anak ne Kiristo ne, aige, Shinuma oshiketa wayashnu ambe newa eramushbe oma aeoteknup anuina wa an na.

Korosai 3:4

Kamui otta anuina wa an ruwe ne. Chikoro inotu ne Kiristo anak ne anukara kusu ne ita, nei ita anak echi utara ne yakka Shinuma tura no nupeki otta anukara kusu ne na.

Hebraios 7:25

Tambe gusu, Shinuma anak ne utara gusu koramkoro kuni ne ramma ishu shiriki, aine, Shinuma kari Kamui koehange no araki utara earikinne kaobiuki eashkai ruwe ne na.

I Petros 3:4

Kamui tek-samata shi no ataye nupuru, keutum oshiketa anuina wa an guru, munin shomoki ramu-shiroma newa rotcha keutum ani yaitomte kara yan.

I Petros 4:2

tambe anak ne echi utara tewa no poka utara koro eikaunu ambe gusu kara otta shomo echi utara ishu, koroka, Kamui irenga nei no ki wa moshiri echi ko-ishu kuni gusu ne na.

I Yoannes 3:2

Aomap an utara, tane anak ne chi utara Kamui poho chi ne ruwe ne, koroka, nekon a okaibe chi ne kusu ne ya sekorʼambe naa shomo anukare ruwe ne. Shinuma anak ne anukara chiki, chi utara Shinuma koheraye kusu ne sekorʼambe chi eraman; Shinuma an korachi chi nukara ash kusu ne gusu ne na.

Ekambakbe 2:17

Kisara koro gurʼanak ne karisia utara orun Ramat ye itak ambe nu yan. Annokara iki guru otta, Shinuma otta anuina wa an manna Ku ibere kusu ne, orowa, retara shuma Ku kore, nei shuma kata akore guru moshima eraman guru isam no an ashiri reihei chieshinnuye wa an na.