Korosai 3:22 - Ashiri Aeuitaknup Iyohaichish Yona 1897

²² Ausshiune okai utara, nep ne yakka gusu kara epeka an echi esapane utara koitaknu yan; ainu nupetnere gusu aeshikkoingara kuni korachi shomo ne, koroka, Utarapa gusu iki nei no oheuge sak sarabe koro yan: nep ne yakka echi ki chiki,

Korosai 3:22 ပူးပေါင်းရင်းမြစ်များ

Iyohaichish 123:2

Ingarʼan, auitek utara koro shikihi anak ne kon nishpa koro teke orun ingara korachi, Auitek-mat utara koro shikihi anak ne chisei koro katkimat orun ingara korachi, Shinuma un orun irenga sange wa kore pakno, Chikoro shikihi chikoro Kamui ne Ehoba orun inganʼ ruwe ne.

Mattaios 6:22

Netobake gusu an ratchako anak ne shikihi ne ruwe ne: tambe gusu, echi shikihi pekashnu yakun netobake ebitta apekereka kusu ne.

Mattaios 8:9

Kuani ne yakka nrondum korope ku ne ruwe ne, en tutanu tumi-koro utara okai: shinen otta, oman ani ku itak chiki, oman; shui ek ani moshima guru otta ku ye koro, ek: orowa, ku usshiune guru otta tambe kara yan sekoro ku ye yakun, kan ruwe ne gusu ne na — sekoro nei tumi-koro utara esapane guru ye ruwe ne.

Roukos 6:46

Orowa, echi utara anak ne Ku yep nei no shomo iki yakun, nep gusu Utarapa, Utarapa, ani En ye ya?

Roukos 7:8

Kuani ne yakka nrondum koro guru ku ne, en pokta tumi koro utara okai: orowa, oman, ari nei guru otta ku ye chiki, shinuma oman; moshima guru otta, ek, ani ku ye yakun, shinuma ek ruwe ne; orowa, tambe kara yan, ani ku usshiune guru otta ku ye ko anak ne, shinuma kan ruwe ne gusu ne na.

Apostoro ikip oma kambi 2:46

Orowa, to pishno shine ikinne ramma keutum atte wa Kamui kora kenru ta okai hene ki, koro uni ta pan meshpa hene ki, aine, oheuge sak no an keutura koro wa yainuchattek no aep ibe hene ki,

II Korintos 7:1

Tambe gusu, iriwak utara, tan eitakamkire ambe chikoro wa okai gusu, kam newa ramat otta an obitta no okai turu gusu yaituru-sakte yanro, aine, Kamui koishitoma wa ashkanne ambe eramushinnere ki.

Garatea 1:10

Tane kuani anak ne utara onishnishi ruwe he an? Kamui onishnishi ruwe he an? Shui, utara nupetnere kuni ambe ku hunara ya? Tane poka utara nupetnere ku ki chiki, Kamui usshiune guru shomo ku ne ruwe ne na.

Korosai 3:20

Poho utara, nep ne yakka gusu echi koro eshikop koitaknu yan, tambe anak ne Utara nupetnere ambe ne ruwe ne gusu ne na.

I Tessaronike 2:4

koroka, pirika shongo a un shikkashimare kuni pakno an utara chi ne kunak Kamui anak esanniyo korachi; tambe nei no chi ye ruwe ne; utara nupetnere kuni korachi shomo ne, koroka chikoro sambe uwande wa ingara Kamui nupetnere kuni gusu itak ruwe ne.

Pirimon 1:16

tewa no ausshiunere wa an guru korachi shomo ne, koroka, ausshiunere wa an guru kasu no pasep korachi ne, aomap an iriwak ne guru korachi, makangane en gusu, koroka, kara otta ne yakka Utarapa otta ne yakka naa kasu no aokai gusu ne na.