Korosai 3:16 - Ashiri Aeuitaknup Iyohaichish Yona 1897

¹⁶ orowa, yaiiraige an no okai yan. Shi no wayashnu no nuye an no Kiristo korʼitak echi oshiketa oshironmre yan; iyobaichish ani hene, shinotcha ani hene, ramat oma yairap ani hene echi koro keutura ta irenga koro wa Kamui otta shinotcha ki wa utashpa uwe-epakashnu hemhem ki, uwe-onishnishi hemhem ki yan.

Korosai 3:16 ပူးပေါင်းရင်းမြစ်များ

Iyohaichish 119:11

Kuani ika E epeka no wen-be ku ki kuni ne, E koro itak ku keutum ta eumashnu wa an na.

Iyohaichish 119:54

Ku payekai chisei E koro ekambakbe ku shinotcha ki nisa ruwe ne.

Iyohaichish 138:1

RAMUOSSHI wano E koyaiiraige ash na: Kamui utara kotchaketa E orun iramyep ku shinotcha ki kusu ne.

Iyohaichish 28:7

Ehoba anak ne ku goro kiroro ne ku kikhumbe ne; Ku keutum anak ne Shinuma gusu eyaikopashte nisa ruwe ne, awa, a en kashiobiuki ruwe ne: Tambe gusu, ku keutum poron no nupetne; Ku goro shinotcha ani Shinuma orun ku reika kusu ne na.

Iyohaichish 32:7

Aokai anak ne ku nuina ushike E ne; aerannakbe gusu Aokai anak ne en koshiratki kusu ne; Kashiobiuki oma shinotcha ani Aokai anak ne en nikkotama kusu ne na. [Sera.]

Iyohaichish 71:23

E orun shinotcha ku ki ita ku papush anak ne poron no nupetne kusu ne, Orowa, E kikiraye ku ramat ne yakka nei no ki kusu ne na.

Mattaios 26:30

Orowa, shine shinotcha ki okere chiki soyumba wa Kanran-ush nupuri orota paye nisa ruwe ne na.

Roukos 2:51

Orowa, Shinuma eshikop tura no oman hine Nazaret kotan ta arapa, orowa, koro eshikop koitaknu nisa ruwe ne; koro habo anak ne tan orushpe obitta koro keutum ta shikkashima nisa ruwe ne.

Yoannes 15:7

Echi utara En oshiketa okai, orowa, Ku itak anak echi oshiketa an chiki, nep ne yakka echi rengaine koramkoro yakka, echi gusu akara kusu ne na.

Roma 10:17

Tambe gusu, eishokor-i anak ne nu gusu an ambe ne, nu ambe anak Kiristo koro itak gusu an ambe ne ruwe ne.

Roma 15:14

Orowa, ku iriwak utara, echi utara yaikota pirikap ani aeshik, obitta no okai eramushbe ani aeshik, aine, utashpa uepakashnu eashkai kuni ku eishokon ruwe ne na.

I Korintos 14:15

Yakun, nekon ne ya? Kuani anak ne ramat ani ne yakka, eraman mondum ne yakka, inonno-itak ku ki kusu ne; ramat ani ne yakka, eraman mondum ani ne yakka, shinotcha ku ki kusu ne na.

I Korintos 14:26

Yakun, nekon a iriwak utara? Echi utara uwekarapa ita pishno pishno iyohaiochish an, epakashi an, aeramandep an, oya itak an, itak itasare ambe an. Nep ne yakka utara ashte gusu aki kuni kara yan.

Epesos 1:17

aige, chikoro Utarapa ne Yesu Kiristo koro Kamui, nupeki koro Michi, echi utara Shinuma eramande kuni ne echi wayashnure newa eramande gusu an ramat echi koropare;

Epesos 5:17

Tambe gusu iteki ramu-sak no okai yan, koroka, Utarapa irenga nekon a ambe ne ya esanniyo yan.

Epesos 5:19

iyohaiochish ani hene, shinotcha ani hene, ramat oma yairap ani hene, uweutashpa itak, orowa, koro keutum ta Utarapa gusu shinotcha ki wa hau ashte yan;

Epesos 5:26

Shinuma nei no ki ambe anak ne, itak ani wakka otta furaye wa nei karisia turu-sakte, aige, ashkannere hene ki wa,

Korosai 1:28

chi utara anak ne pishno an ainu Kiristo oshiketa aeramushinne wa atte kuni ne, wayashnu no pishno an ainu onishnishi hene ki, pishno an ainu epakashnu hene ki hine, Kiristo eupaskuma ash ruwe ne;

Korosai 1:9

Tambe gusu, chi utara ne yakka, nei orushpe nu toho orowa no echi utara anak ne obitta no okai ramat oma wayashnu ambe newa eraman-i otta Shinuma koro irenga eramanbe ani echi aeshikno an kuni hene,

Korosai 4:6

Nekon a katu ani pishno an guru orun koese kunip ne ya sekoro echi eraman kuni ne, ramma kane echi ye itak irenga tura asange wa shippo eomare yan.

I Tessaronike 1:8

Inambe gusu ne yakun, Utarapa koro itak echi orowa no assuru-aashte okere, ouse Makedonia newa Akaya otta patek shomo ne, koroka, inan ushiketa ne yakka Kamui epeka no an echi koro eishokor-i anak ne assuru an na; tambe gusu nepka chi ye shomoki yakka aeraman ruwe ne.

I Tessaronike 4:18

Tambe gusu, tap okai itak ani uwe-utashpa onishnishi yan.

II Tessaronike 3:15

Yakka aepokba kuni guru ne sekoro iteki esanniyo, koroka, iriwak ne guru nei no epakashnu yan.

I Timoteos 6:17

Tan moshiri ta okai wa oteknu utara anak ne iteki yaiesanniyorire hene ki, iteki autumotne an ikoro eyaikopashte hene ki, koroka, ani eyainupetnere kuni gusu nuye an no obitta no okaibe un kore Kamui eyaikopashte kuni ikashpaotte yan;

II Timoteos 3:15

orowa, Kiristo Yesu oshiketa an eishokor-i ankushkerai kashichiobiuki gusu e wayashnure eashkai Ashkanne kambi ponram orowa no e eraman ruwe ne na.

Titus 3:6

Shinuma anak ne chikoro un kashiobiukip ne Yesu Kiristo ankushkerai nuye an no nei ambe un kashita echikiki nisa ruwe ne;

Yakob 1:5

Koroka, echi utara tumugeta wayashnu-i gusu eikohaye guru an chiki, nuye an no obitta no okai utara otta koropare hine kosakayokara shomoki Kamui otta koramkoro yan; yakun akoropare kusu ne na.

Yakob 3:17

newa obitta no okai wen-buri an gusu ne na. Koroka, rik orowa no an wayashnu-i anak ne hoshiki no turusakbe ne, orowa, itomo irenga korobe ne, rotcha ne, yairotchare kasush ne ambe ne, rampoken newa pirika ikip ani aeshik, utomotne shomoki, kankapkapeka shomoki ruwe ne.

Yakob 5:13

Echi tumugeta wenbe gusu yairamkoiki guru an ya? yakun, inonno-itak ki yan. Yainuchattek guru an ya? yakun, iramye shinotcha ki yan.

I Yoannes 2:14

echi otta kambi ku nuye. Michi utara, tambe gusu, atapake wano an guru echi eamkiri gusu, echi otta kambi ku nuye. Upen utara, echi utara okirashnu wa an, Kamui itak echi onnaigeta an, samata, echi utara anak ne wenbe annokara okere gusu, tambe gusu echi utara otta kambi ku nuye na.

I Yoannes 2:24

Echi utara gusu atpake wano echi nu orushpe echi oshiketa oshironmre yan. Atpake wano echi nu orushpe echi oshiketa oshiroma chiki, echi utara poka Poho oshiketa hemhem, Michi oshiketa hemhem oshiroma kusu ne.

I Yoannes 2:27

Echi utara gusu Shinuma orowa no echi kore an kashiaota ambe anak ne echi oshiketa oshiroma chiki echi epakashnup isam yak pirika na; koroka, nep ne yakka Shinuma ki kashiota ambe echi epakashnu, aige, nei ambe son no ambe ne wa shunge shomo ne gusu, echi aepakashnu wa an korachi, Shinuma oshiketa echi oshiroma ruwe ne.

II Yoannes 1:2

tambe anak ne un oshiketa oshiroma wa ramma pakno un tura no okai sonep rengap gusu an ambe ne ruwe ne:

Ekambakbe 14:3

orowa, nei utara anak ne ashiripe noine an yairap nei amset kotchaketa newa ine shiknu okaibe newa nei ekashi kotchaketa newa ki ruwe ne: aige, moshiri orowa no ahok nei ju-shi-man nin ne ainu ikashima shi-sen nin ne ainu moshima nei yairap eyaihannokkara eashkai guru isam ruwe ne.

Ekambakbe 15:3

Orowa, nei utara anak ne Kamui usshiune guru Mose koro shinotcha-ibehe newa nei Pon-hitsuji koro shinotcha-ibehe shinotcha ki wa ene itak-hi :— Aa Utarapa ne Kamui, Nep ne yakka ki eashkaibe, E iki ikip anak ne poro wa iyokunnurep ne; Otusashuishiri wano okai utara esapanep E ne wa E iki ambe anak ne oupeka newa sonep ne ruwe ne.

Ekambakbe 19:10

Aige, otta koongami gusu shinuma kotchaketa ku yaihachire nisa ruwe ne. Awa, en orun shinuma ene itak-hi :— Iteki en koongami yan: Kuani ne yakka Yesu paweteshu ambe koro e tura no ne yakka e koro iriwak utara tura no ne yakka iki auitekbe ku ne ruwe ne: Kamui koongami yan: Yesu gusu an paweteshu ambe ikip anak ne uweingara ramat ne ruwe ne gusu ne na.

Ekambakbe 5:9

Orowa, nei utara anak ne ashiri shinotcha iki wa ene itak-hi :— Aokai anak ne nei kambi-sosh uk hemhem iki, nei han maka hemhem iki kuni oupakbe E ne ruwe ne: inambe gusu ne yakun, Aokai anak ne araige an, awa, obitta no okai ainu ikiri wano hemhem, parumbe wano hemhem, utara wano hemhem,