Korosai 3:13 - Ashiri Aeuitaknup Iyohaichish Yona 1897

¹³ utomchiure yan; utashpa uwe-shiyupupu; nep ne yakka eiyonnuppa kuni ushike an chiki uweusaraye yan; Utarapa echi tusare korachi echi utara ne yakka nei no ki yan;

Korosai 3:13 ပူးပေါင်းရင်းမြစ်များ

Mattaios 5:44

koroka, echi otta Ku ye, echi epokba utara omap yan, echi keshke utara rengap gusu inonno itak ki yan;

Mattaios 6:12

Chi utara; anak ne chikoro ashosere utara tusare okere korachi, chikoro shosep ne yakka tusare wa un kore.

Markos 11:25

Orowa, kando otta an echi koro Michi anak ne echi koro chikokatpak tusare kuni ne, hembara ne yakka echi roshki wa inonno-itak ki ita moshima guru echi otta ki katpak an yakun tusare yan.

Roukos 11:4

Chikoro chikokatpak tusare wa un kore; Chi utara yaikota ne yakka un orowa ashohosere utara pishno tusare ruwe ne gusu ne na. Orowa, chi utara anak ne iteki akoramnukara kuni ne ki wa un kore.

Roukos 23:34

Orowa, Yesu ene itak-hi :— Ku Michihi, nei utara honnere wa En kore; hemanda ki shiri eramushkare wa okai ruwe ne gusu ne na, sekoro itak. Orowa, utashpa Shinuma koro mipihi eimek wa ukokonchi etaye nisa ruwe ne.

Roma 15:7

Tambe gusu, Kamui ramuayere kuni gusu Kiristo ne yakka echi shopki korachi, echi utara ne yakka utashpa uweshopki yan.

II Korintos 2:10

Koroka, gusu echi utara anak ne okaibe tusare guru, kuani ne yakka tusare ruwe ne: inambe gusu ne yakun, ku tusare okere okaibe anak, atusare ambe an yakun, Kiristo ankushkerai echi rengap gusu ku tusare nisa ruwe ne; tambe anak ne Satan iteki un annokara kuni gusu nep ne:

II Korintos 6:6

eramatu ambe otta hene, ramushiporore otta hene, ramuhauge-hi otta hene, Ashkanne Ramat otta hene,

Garatea 6:2

Uweutashpa koro ashikerep uweseire hine, Kiristo kore tuitak uweomare yan.

Epesos 4:2

orowa, gusu echi atak wa okai atak ambe kopakeot no apkash hene ki,

Epesos 4:32

orowa, utashpa uweramuhauge ki hine uweramuhapuru yan, Kamui anak ne Kiristo gusu ka echi koro chikokatpak tusare korachi, echi utara ne yakka uweutashpa tusare yan.

Epesos 5:2

Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

Korosai 3:12

Tambe gusu, Kamui koro anumge ashkanne newa aomap an utara korachi, rampokiwen an keutura hemhem, pirika irenga hemhem, yaieoripakka arabe hemhem, ramu-rotcha arabe hemhem, ramu-shiporore ambe hemhem,

Yakob 2:13

Inambe gusu ne yakun, erampokiwen wa kore shomoki guru anak ne shomo aerampokiwen wa akoipishi kusu ne na: koipishi ambe anak ne rampoken gusu anrapoki akari kusu ne ruwe tapan na.

I Petros 2:21

Tambe gusu, echi anishuk nisa ruwe ne; inambe gusu ne yakun, Kiristo ne yakka echi utara gusu ayairamshitnere, awa, nei kochi otta echi kari kuni ne, echi utara gusu aikoikarabe ande nisa ruwe ne: