Korosai 3:12 - Ashiri Aeuitaknup Iyohaichish Yona 1897

¹² Tambe gusu, Kamui koro anumge ashkanne newa aomap an utara korachi, rampokiwen an keutura hemhem, pirika irenga hemhem, yaieoripakka arabe hemhem, ramu-rotcha arabe hemhem, ramu-shiporore ambe hemhem,

Korosai 3:12 ပူးပေါင်းရင်းမြစ်များ

Mattaios 24:22

Orowa, nei toho ataknere shomoki chiki anak ne, nen ne yakka shomo kashi a-obiuki ruwe ne a an na: koroka, anumge wa okai utara gusu nei toho ataknere kusu ne.

Mattaios 24:24

Inambe gusu ne yakun, inne shunge Kiristo newa shunge uweingara guru hetuku wa poro shirosh poro iyokunnurep nukare; orowa, eashkai chiki anak ne anumge utara ne yakka kokandama kusu ne.

Mattaios 24:31

Ainu Poho nukara kusu ne Orowa, rappa poro humi ashte hawe tura Shinuma anak ne koro uitekbe payere wa ine rera orowa no kando-pa wano kando-gesh wano koro numge utara uwekarapare kusu ne.

Markos 13:20

Orowa, Utarapa anak ne nei toho taknere shomoki chiki, nen ne yakka shomo kashi-a-obiuki ruwe ne, koroka, Shinuma numge anumge utara rengap gusu nei toho ataknere nisa ruwe ne.

Markos 13:22

inambe gusu ne yakun, shunge Kiristo shunge uweingara utara hetuku wa eashkai chiki anumge utara shiren wa turainure kuni gusu shirosh newa iyokunnurep nukare kusu ne na.

Markos 13:27

Orowa no, Shinuma anak ne koro hauturumbe payere wa moshiripa pakno moshirigesh pakno, kando-pa wano kando-gesh pakno ine rera wano koro numge utara uwekarapare kusu ne na.

Roukos 1:78

Chikoro Kamui ramu-hauge rampoken an gusu Rik oro nisat pekere un otta hetukure wa

Roukos 18:7

Orowa, tokapto ta hene kunne to ta hene orota ko-hawe ashte koro anumge wa okai utara gusu Kamui anak ne otta eramushiporore wa ikemnu kara shomoki ya?

Roma 1:7

Roma kotan ta obitta no okai Kamui orowa no aomap an utara, ashkanne utara ne kuni gusu akonishuk utara otta: echi utara otta chikoro Michi ne Kamui newa Utarapa ne Yesu Kiristo orowa no irenga newa itomo an na.

Roma 13:14

Koroka, Utarapa ne Yesu Kiristo yaimire wa kam gusu an kon rusuibe gusu iteki etokooiki yan.

Roma 9:11

nei okaibe naa shomo shiko, shui, naa shomo pirikap hene wenbe hene ki etokota, anumge an-i korachi

I Korintos 13:4

Omap ambe anak ne ramushiporore wa ramuhaugep ne; omap ambe anak ne shomo eyaitunnap ki; omap ambe anak ne shomo shiokunnere,

II Korintos 6:6

eramatu ambe otta hene, ramushiporore otta hene, ramuhauge-hi otta hene, Ashkanne Ramat otta hene,

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Epesos 1:4

chi utara anak ne Shinunra teksamata omap ki hine, ashkanne newa pirisak no okai kuni ne, moshiri naa shomo akara etoko wano Kiristo gusu nei Kamui anak ne un numge nisa ruwe ne:

Epesos 4:2

orowa, gusu echi atak wa okai atak ambe kopakeot no apkash hene ki,

Epesos 4:24

oupekap gusu hemhem, son no unbe newa turu-sakbe otta hemhem akara ashiri ainu yaimire kuni ambe ne ruwe ne na.

Epesos 4:32

orowa, utashpa uweramuhauge ki hine uweramuhapuru yan, Kamui anak ne Kiristo gusu ka echi koro chikokatpak tusare korachi, echi utara ne yakka uweutashpa tusare yan.

Piripoi 1:8

Yesu Kiristo koro keutura ta obitta no okai echi utara gusu ku yaikatekara ambe Kamui paweteshu ruwe ne.

Korosai 3:10

nei arabe anak ne orowa no akara Kamui koro katuhu nei no eramanushbe gusu ashinno akara korʼan ruwe ne:

I Tessaronike 5:15

Wenbe gusu iteki nen ne yakka wenbe eumontasa kuni ingara yan; koroka, uwe-utashpa hemhem, obitta no okai utara epeka hemhem, ramma pirikap iki yan.

II Timoteos 1:9

Shinuma anak ne un kashiobiuki nisa, ashkanne nushuk ambe ani un tak, iki ikip nei no an korachi shomo ne, koroka, otusashuishiri an pakihi etokota Kiristo Yesu oshiketa okai wa un kore Shinuma yaikota koro keutura newa irenga an korachi nep;

II Timoteos 2:10

Tambe gusu, anumge wa okai utara gusu obitta no okaibe ku eyaishiporore ruwe ne, nei utara ne yakka Kiristo Yesu tura otusashuishiri pakno an arakuru ne kashiobiuki ambe akore kuni gusu ne na.

Titus 1:1

Kamui koro usshiune guru ne, samata, Kamui koro anumge wa okai utara atte eishokor-i newa Kamui kooripak ambe nepkoro an sonep eramu ambe nei no an wa Yesu Kiristo koro Apostoro ne Pauros

I Petros 1:2

Pontus, Garatia, Kappadokia, Asia newa Bitunia ta chichari hine riya wa okai anumge utara otta kambi omande: irenga newa itomo echi gusu aporore an na.

II Petros 1:10

Tambe gusu, iriwak utara, echi atak an ambe newa anumge an ambe anak ne atumashnure kuni ne naa shiarikiki no kara yan: inambe gusu ne yakun, tap okaibe echi kara chiki, ramma pakno shomo echi ureepetchiu kusu ne na:

I Yoannes 4:19

Shinuma hoshiki no un omap nisa ruwe ne gusu, chi utara omap ki ruwe ne.

II Yoannes 1:13

E koro anumge an turesh koro poho anak ne e korangarap ki na.

Ekambakbe 17:14

Tan utara anak ne nei Pon-hitsuji chikoikip epeka tumi-koro kusu ne, aige, Pon-hitsuji chikoikip anak nei utara anrapokikara wa annokara kusu ne, Shinuma anak ne Utarapa utara koro Utarapa ne, moshiri shikkashima utara koro Moshiri Shikkashima Kamui ne ruwe ne gusu ne na; orowa, Shinuma tura no okai utara anak ne anishuk wa an, anumge an, ikipniukesh utara ne ruwe ne.