Korosai 3:11 - Ashiri Aeuitaknup Iyohaichish Yona 1897

¹¹ nei ushiketa Herenes hene Yudea unbe hene, okarituye buri akore arabe hene okarituye buri shomo akore ambe hene, oya kotan un guru hene, Skitia un guru hene, ausshiune an guru hene, rengaine an guru hene isama: koroka, Kiristo anak ne obitta no okaibe okkashi an, obitta no okaibe onnaigeta an ruwe ne na.

Korosai 3:11 ပူးပေါင်းရင်းမြစ်များ

Iyohaichish 117:2

Shinuma koro rampoken un orun an; Orowa, Ehoba koro sonep anak ne otusashuishiri pakno epa ruwe ne. Yah ramye yan.

Yoannes 14:23

Orota Yesu ese wa ene itak-hi :— Ainu En omap yakun Ku itak shikkashima kusu ne: orowa, Ku Michi anak ne nei guru omap kusu ne, orowa, nei guru otta chi araki ash wa tura no oshiroma ash kusu ne ruwe ne.

Yoannes 15:5

Kuani anak ne pungara Ku ne, echi utara nei ni-tek ne ruwe ne: En oshiketa an wa, samata, oshiketa Ku an guru anak ne, nei guru anak poron no ibe o ruwe ne: En oyakta an chiki nep ne yakka echi ki eaikap ruwe ne gusu ne na.

Yoannes 17:23

nei utara shinep otta aokere kuni gusu, Kuani nei utara oshiketa Ku an, orowa, Aokai En oshiketa E an; samata, Aokai anak ne En omande wa En omap korachi, nei utara ne yakka Aokai omap shiri moshiri eraman kuni gusu ne na.

Apostoro ikip oma kambi 15:17

Tambe anak ne oyokane wa okai utara, samata, Kashita Ku reihei aye Oya uirup utara Utarapa hunara kuni gusu an ambe ne.

Apostoro ikip oma kambi 28:2

Awa, nei moshiri uirup anak ne pon no patek shomo ne an no un eramuhauge wa kore: aige, tane apto ash gusu hemhem me an gusu hemhem, abe are wa un obitta shopki nisa ruwe ne.

Apostoro ikip oma kambi 28:4

Aige, nei kotan un uirup anak ne nei chikoikip shinuma koro teke wano ratki wa an ambe nukara chiki utashpa ene itak-hi :— Tan guru anak ne son no keweuk guru nangoro, atui orowa no aeyaiohaitare yakka, Oupeka nep anak ne shinuma shiknure shomoki ruwe ne, ari itak.

Roma 1:14

Kuani Herenes un utara gusu ne yakka, Oya un utara gusu ne yakka, wayashnu utara gusu ne yakka, wayasap utara gusu ne yakka,

Roma 10:12

Yudea un guru newa Herenes un guru gusu uwechutko no an ambe isama: inambe gusu ne yakun, nei ukorachi an ambe anak ne obitta no okai utara gusu shine Utarapa ne, aige, otta ko-nishuk guru gusu oteknu ruwe ne gusu ne na:

Roma 3:22

nei ambe anak Yesu Kiristo eishokor-i ani obitta no okai eishokor-i atte utara gusu an Kamui oupeka ambe ne; uweshinnai no an ambe isam ruwe ne gusu ne na;

Roma 3:29

Kamui anak ne Yudea un utara koro Kamui patek ne ruwe he an? Shui, Oya uirup koro Kamui shomo ne ruwe he an? Ruwe un, Oya utara koro Kamui ne yakka ne ruwe ne:

I Korintos 12:13

Inambe gusu ne yakun, Yudea un guru ne yakka Herenes un guru ne yakka, ausshiunere guru ne yakka, rengaine an guru ne yakka shine Ramat ani chi utara obitta shine netobake otta baptisma akore nisa ruwe ne; aine, shine Ramat aikure nisa ruwe ne.

I Korintos 14:11

Tambe gusu itak hawe ikkeu ku erampeutek chiki; itak sange guru gusu oya kotan un guru korachi ku nu, orowa, itak sange guru ne yakka en gusu oya kotan un guru korachi ne nangoro.

I Korintos 7:19

Okarituye-buri anak ne nepka shomo ne, shui, shomo okarituye-buri akire-hi ne yakka nep ka shomo ne; koroka, Kamui ikashpaotte shikkashima ambe anak ne nepka ne ruwe ne.

Garatea 2:20

Kuani Kiristo tura no utasa chikuni otta akotukka okere; yakka, ku ishu wa an; kuani shomo ne, koroka, en oshiketa Kiristo ishu ruwe ne: orowa, tane kam otta ku ishu inotu anak eishokoro ambe an gusu an ambe ne ruwe ne, nei ambe anak en omap wa en gusu yaiyange Kamui Poho gusu an ambe ne ruwe tapan na.

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Epesos 1:23

chikiri choropoketa ande wa itaknure, samata, koro netobake ne, ani nep ne yakka shikte Kamui koro shikte-i ne, karisia gusu obitta no okaibe esapanere nisa ruwe ne na.

Epesos 2:14

Shinuma anak ne chikoro itomo ne wa gusu, nei tup ani shinep ne kara,

Epesos 2:15

Shinuma nei tumugeta ash wa usaraye gusu an tumama hokushte wa ikashpaotte oshiketa okai ipawetenge gusu an tuitak, koro kam ani nei uwe-epokba ambe isamka ruwe ne; tambe anak ne Shinuma nei tup ani yaikota yaioshiketa shine ashiri ainu kara wa itomo hetukure kuni gusu an ambe ne;

Epesos 3:17

ani atumashnure hemhem ki, orowa, eishokor-i an gusu Kiristo anak ne echi koro keutum ta okai, samata, echi utara anak ne omap ambe orun shinrit oma hine

Epesos 3:6

Oya utara anak ne pirika shongo gusu uko eikeshkoro utara ne, ukotura shine netobake un awehe ne, Kiristo Yesu koro eitakamkire ambe uko-uina utara ne ruwe ne;

Epesos 6:8

Utarapa otta iki korachi yaishieiwangere yan: aige, nep ne yakka pishno okai echi utara ki pirikap gusu, usshiune guru ne a yakka, rengaine an mondum koro guru ne a yakka shui nei ambe Utarapa orowa no

Korosai 2:10

aige, Shinuma oshiketa echi utara aeramushinnere an na, aine, Shinuma anak ne obitta no okai esapanep newa nrondum korobe koro sapaha ne ruwe ne:

I Yoannes 5:20

ingi-moshiri anak ne wenbe otta okai ruwe ne. Orowa, sone an guru chi eamkiri kuni ne Kamui Poho ek wa un otta eraman mondum koropare nisa ruwe ne sekorʼambe chi eraman, orowa, sone an guru otta, Shinuma koro Poho Yesu Kiristo otta, chi okai ruwe ne. Tambe anak son no Kamui ne, shiokere shomoki inotu ne ruwe ne.

II Yoannes 1:9

Nen ne yakka iki wa Kiristo koro epakashi otta oshiroma shomoki gurʼanak ne, Kamui koro shomoki ruwe ne: Shinuma koro epakashi otta oshiroma gurʼanak ne, Shinuma anak Michi hemhem Poho hemhem kon ruwe ne na.