Korosai 2:23 - Ashiri Aeuitaknup Iyohaichish Yona 1897

²³ Tap an okaibe anak ne rengaine an keutura ani Kamui koongami ambe gusu hemhem, yaieoripakka ambe gusu hemhem, netobake epeka eramu-yupke kore ambe gusu hemhem wayashnu kotom arabe ne sekoro anukara; koroka, kam iki rusuibe epeka raka-sak no an ambe ne ruwe ne.

Korosai 2:23 ပူးပေါင်းရင်းမြစ်များ

Roma 13:14

Koroka, Utarapa ne Yesu Kiristo yaimire wa kam gusu an kon rusuibe gusu iteki etokooiki yan.

Epesos 5:29

yaikota koro kam etunne guru shinen ka isam; koroka, Kiristo anak ne koro karisia poka omap korachi, utara anak ne koro kara ne yakka reshpa wa nitata ruwe ne;

Korosai 2:18

Iteki nenka iki rengaine an yaieoripakka ambe newa Kamui hauturumbe koongamire ambe ani echi koro iwayehe eikkare yan; nei no ikichi gurʼanak ne anukarabe an arabe kata roshki,

Korosai 2:22

(nei arabe anak, iteki teke ani kishima, iteki sapke, iteki tomooshma ari an ap ne).

Korosai 2:8

Kiristo gusu shomo ne, koroka, utara koro oina gusu hene, moshiri gusu an isaika epakashi gusu hene, koro aeramasure eramushbe newa oira kokandama itak ani iteki echi shiren guru an kuni yaitubare yan:

I Timoteos 4:3

nei utara matakore ambe hattoki hemhem ki, sonep eishokoro wa eraman utara iyaiiraige koro auina kuni Kamui kara aep gusu shomo ramnu ki ambe kashpaotte hemhem ki ruwe ne.

I Timoteos 4:8

Orowa, Kamui kooripakbe ani yaikota yairiterite yan: inambe gusu ne yakun, netobake gusu an yairiterite ambe anak ne pon no ka epirikare kunip ne, koroka, Kamui kooripak ambe anak ne nep ne yakka gusu epirikare kunip ne, aige, tane an inotu gusu ne yakka, okaketa an inotu gusu ne yakka eitakamkire aeoma an ambe ne ruwe ne gusu ne na.