Korosai 2:18 - Ashiri Aeuitaknup Iyohaichish Yona 1897

¹⁸ Iteki nenka iki rengaine an yaieoripakka ambe newa Kamui hauturumbe koongamire ambe ani echi koro iwayehe eikkare yan; nei no ikichi gurʼanak ne anukarabe an arabe kata roshki,

Korosai 2:18 ပူးပေါင်းရင်းမြစ်များ

Mattaios 24:24

Inambe gusu ne yakun, inne shunge Kiristo newa shunge uweingara guru hetuku wa poro shirosh poro iyokunnurep nukare; orowa, eashkai chiki anak ne anumge utara ne yakka kokandama kusu ne.

Roma 1:25

nei utara anak ne koro shunge ani Kamui sonep itasare hene, okaibe kara Kamui shirine akarabe koongami hene ki, otta yaishieiwangere hene ki nisa ruwe ne gusu ne na; Shinuma anak ne otusashuishiri pakno anunukep ne ruwe ne. Amen.

Roma 16:18

Inambe gusu ne yakun, nei utara anak ne Utarapa ne Kiristo otta yaishieiwangere shomoki no koro honihi eyaishieiwangere utara ne; orowa koro hauge-itak koro pirika-itak ani wen-buri sak utara koro sambe kokandama ruwe ne.

I Korintos 13:4

Omap ambe anak ne ramushiporore wa ramuhaugep ne; omap ambe anak ne shomo eyaitunnap ki; omap ambe anak ne shomo shiokunnere,

I Korintos 3:3

tane poka ne yakka echi uk eaikap ruwe ne; inambe gusu ne yakun, echi utara tane ne yakka kam oma utara echi ne: echi tumugeta eyaitunnap newa upaore ambe an chiki, kam echi oma wa ainu utara korachi shomo echi apkash ruwe he an?

I Korintos 4:18

Echi orun shomo ku ek kusu ne korachi sereke utara pittarane okai ruwe ne gusu ne na.

I Korintos 4:6

Orowa, ku iriwak utara ne echi utara gusu itakmaukushte an shirosh ani tap okaibe kuani yaiotta newa Aporros otta ne yakka ku kotukka nisa ruwe ne; chi utara gusu iteki chieshinnuye wa an okaibe kama kuni ne echi eyaihannokkara; samata, nen ne yakka uwe-epeka echi tumugeta iteki an guru gusu pittarane kuni gusu ne na.

I Korintos 8:1

Tane potoki otta ayangep gusu, chi utara obitta eramush ruwe ne ari chi eraman.

I Korintos 9:24

Hoyuppa uwetushmak ushiketa hoyuppa utara anak ne obitta hoyuppa, koroka, ouse Shinen aungeraitere ari an ambe shomo echi eraman ya? Echi utara eungeraitep aukte kuni ne hoyuppa yan.

II Korintos 11:3

Koroka, ikineipeka nekon a ka, okokko irara wa Hefa kokandama korachi, echi koro keutum anak Kiristo epeka kuni gusu an sonep newa turu-sakbe gusu awende kuni ku ishitoma ruwe ne.

II Korintos 12:20

Ikineipeka ku ek ita anak ne nekon a ka shomo ku kon rusui nei no echi anukara, samata, shomo echi kon rusui nei no a en nukara kuni ambe ku ishitoma ruwe ne; ikineipeka nekon a ka ika upaore ambe hene, eyaitunnap hene, kinrakarape hene, sakayo hene, ohaigekara ambe hene, pinu no itakbe hene, pittarane ambe hene, achatchari ambe hene an na;

Epesos 4:17

Tambe gusu, tapne ku ye wa Utarapa gusu paweteshu ku ki:— Oya utara ka keutum raka-sakbe otta, koro oshike un ramusakbe gusu, koro sarabe nishte wa gusu,

Epesos 5:6

Oha itak ani nenka orowa no iteki aeyaikokandama kuni okai yan: inambe gusu ne yakun, tap okaibe an gusu itakkashi utara kashiketa Kamui irushka-hi kashiaomare ruwe ne gusu ne na.

Piripoi 3:14

aige, Kiristo Yesu oshiketa Kamui rik oro atak kuni aoshkorobe ari an oshikpekarep orun ku keshke ruwe ne.

Korosai 2:23

Tap an okaibe anak ne rengaine an keutura ani Kamui koongami ambe gusu hemhem, yaieoripakka ambe gusu hemhem, netobake epeka eramu-yupke kore ambe gusu hemhem wayashnu kotom arabe ne sekoro anukara; koroka, kam iki rusuibe epeka raka-sak no an ambe ne ruwe ne.

Korosai 2:4

Inan guru ne yakka iteki shisak itak ani echi kokandama kuni ne, tambe ku ye ruwe ne.

Korosai 2:8

Kiristo gusu shomo ne, koroka, utara koro oina gusu hene, moshiri gusu an isaika epakashi gusu hene, koro aeramasure eramushbe newa oira kokandama itak ani iteki echi shiren guru an kuni yaitubare yan:

I Timoteos 1:7

nei utara anak ne yaikota sange itak hene shiyuppa no ye orushpe ikkeu hene erampeutek a yakka, tuitak epakashnu utara ne rusui ruwe ne.

I Timoteos 4:1

Koroka, okake an pakihi ta sereke okai utara anak ne kokandama ramat newa nitne kamui utara koro epakashi inu hine shunge itak ki utara kankapkapeka

II Petros 2:14

koro shikihi anak ne omoinu ani aeshik; katpak okakeanka eaikap; utumashi keutum shiren; koro sarabe yaikoshipuinere shiri ki; aiyoitakushi poho; oupeka ruhu emaka,

I Yoannes 2:26

Echi shiren wa turainure utara gusu tap okaibe ku nuye nisa.

Ekambakbe 12:9

Orowa, nei poro kinashutunguru, nei fushko okokko, nei Satan hene nitne kamui hene ari an reihei ani aporose ingi-moshiri uirup kokandama ambe anak ne aetopara; moshiri shirikata pakno aetopara, koro uitek utara ukotura aetopan nisa ruwe ne na.

Ekambakbe 13:14

Aige, nei chikoikip kotchaketa akire kuni gusu an shirosh ankushkerai shinuma anak ne moshiri kata oshiroma utara kokandama; nei a rangetam eshirikik piri koro wa shiknu chikoikip gusu nokaha kara kuni ne moshiri kata oshiroma utara otta ye ruwe ne.

Ekambakbe 13:8

Orowa, moshiri asamaha aande i otta araige Pon-hitsuji chikoikip koro inotu oma kambi-sosh kata kon reihei shomo anuye wa an moshiri kata oshiroma utara obitta shinuma koongami kusu ne.

Ekambakbe 19:10

Aige, otta koongami gusu shinuma kotchaketa ku yaihachire nisa ruwe ne. Awa, en orun shinuma ene itak-hi :— Iteki en koongami yan: Kuani ne yakka Yesu paweteshu ambe koro e tura no ne yakka e koro iriwak utara tura no ne yakka iki auitekbe ku ne ruwe ne: Kamui koongami yan: Yesu gusu an paweteshu ambe ikip anak ne uweingara ramat ne ruwe ne gusu ne na.

Ekambakbe 3:11

Tunashino Ku ek ruwe ne: nenka ika e koro sapa-umbe uk kuni ne, shiarikiki no e koro wa an okaibe shikkashima yan.