Korosai 2:13 - Ashiri Aeuitaknup Iyohaichish Yona 1897

¹³ Orowa, echi utara anak ne, koro chikokatpak newa kam oma okarituye buri ankushkerai gusu rai okere echi utara anak ne, obitta no okai chikoro chikokatpak Shinuma tusare hine Shinuma orowa no Shinuma tura ashiknure nisa ruwe ne;

Korosai 2:13 ပူးပေါင်းရင်းမြစ်များ

Iyohaichish 119:50

Tambe anak ne ku yairamkoiki ita an en omaoma ambe ne: E koro itak en shiknure nisa ruwe ne gusu ne na.

Iyohaichish 32:1

AKI ohaita buri atusare, koro katpak akamure wa an gurʼanak ne anunuke ne ruwe ne.

Iyohaichish 71:20

Poron no okai yupke yairamhekomo ambe un nukare Aokai anak ne, Shui un shiknure wa, Toitoi ooho-i wano un yange kusu ne na.

Roukos 15:24

orowa, chi ibe ash wa nuchattek anro: inambe gusu ne yakun, tan ku po anak ne rai wa isam, awa, kanna shiknu wa an: aturainu wa an, awa, kanna apa nisa ruwe ne gusu ne na. Orowa, nei utara yainuchattek heashi ruwe ne.

Roukos 15:32

E akihi anak rai wa kanna shiknu, aturainu wa kanna-shui apa nisa ruwe ne, tambe gusu, nuchattek hemhem ki, yaikopuntek hemhem ki ambe anak ne, aki kunip ne ruwe tapan na.

Roukos 9:60

Koroka, Yesu nei guru otta ene itak-hi :— Rai guru anak ne rai guru tushiri otta omarere yan; orowa, e oman wa Kamui moshiri assuru ashte yan, ari itak.

Yoannes 5:21

Michi anak ne rai guru hetopo-hoshipire wa shiknure korachi, Poho ne yakka yaikota rengaine shiknure ruwe ne.

Yoannes 6:63

Shiknurep anak ne ramat ne ruwe ne; kam anak raka sakbe ne: echi otta Ku ye itak anak ne ramat ne, inotu ne ruwe ne.

Roma 4:17

Kamui samaketa obitta no okai chi utara koro michi ne ruwe ne (ene chieshinnuye wa an korachi ne :— Inne moshiri uirup koro michi e ne kuni Kuani e kara ash nisa ruwe ne na); nei Kamui anak ne rai-guru shiknure, orowa okai korachi isambe hotuyekan ruwe ne.

Roma 6:13

shui, oupeka-sakbe ki kuni gusu an eshipopkep nei no iteki echi koro awehe katpak otta koropare yan; koroka, rai-i orowa no shiknu korachi Kamui otta yaikota yaiyange, orowa, oupekap ki kuni gusu an eshipopkep nei no echi koro awehe Kamui otta yange yan.

Roma 8:11

Koroka, rai-i orowa no Yesu hetopo-shiknurep kon Ramat echi onnaigeta uni koro yakun, rai-i orowa no Kiristo Yesu hetopo-shiknurep anak ne echi onnaigeta uni koro Shinuma kon Ramat ankushkerai gusu echi koro rai kuni netobake shiknure kusu ne na.

I Korintos 15:36

Ramusak guru, aokai yaikota e etoitap anak ne rai shomoki chiki ashiknure shomoki ruwe ne.

I Korintos 15:45

Ene anuye wa an korachi :— Hoshike no an Ainu ne Adam anak ne shiknu ramat ne. Iyoshi no an Adam anak shiknure ramat ne ruwe ne.

II Korintos 3:6

Shinuma ka nei ashiri uitaknup gusu upak no an yaishieiwangere utara ne kuni un kara nisa ruwe ne; anuye ikiri gusu shomo ne, koroka, nei ramat gusu ne ruwe ne; inambe gusu ne yakun, anuye ikiri anak ne raige ruwe ne, koroka, ramat anak ne shiknure ruwe ne gusu ne na.

II Korintos 5:19

nei ambe anak ene an ambe ne, — Kamui anak Kiristo oshiketa an wa yai otta moshiri eramuritenka shiriki an, awa, moshiri koro ohaita buri shomo esanniyo; aige, ramuritenka gusu an itak un shikkashimare nisa ruwe ne.

Epesos 2:1

Kamui anak ne koro ouhaitap newa chikokatpak gusu rai okere echi utara kanna shiknure nisa ruwe ne;

Epesos 2:11

Tambe gusu, tambe uonnere yan, etokota kam gusu Oya utara echi ne wa, teke ani kam otta akara Okarituye buri akire utara orowa no, Shomo-okarituye buri akire utara ani echi aporose nisa ruwe ne;

Epesos 5:14

anak ne pekere ne ruwe ne gusu ne na. Tambe gusu, Shinuma ene itak-hi — Mokoro wa an guru mosh wa rai-hi orowa no hetopo-shiknu yan, orowa, Kiristo anak ne e orun pekere atte kusu ne na.

Korosai 2:12

aige, Shinuma tura baptisma eun aomare hine rai-i orowa no Shinuma hetopo-shiknure Kamui iki ikip ani eishokor-i ankushkerai Shinuma tura echi utara ne yakka hetopo-ashiknure nisa ruwe ne.

I Timoteos 5:6

Koroka, shiniwe patek gusu iki shiyompiyara shiwentep anak ne shiknu rapoketa rai wa an ruwe ne.

I Timoteos 6:13

Obitta no okaibe shiknu kuni ne koshiratki Kamui tek-samata ne yakka, Pontio Pirato kotchaketa pirika paweteshu ambe iki Kiristo Yesu shik-samata ne yakka e kashpaotte ash na;

Hebraios 6:1

Tambe gusu, Kiristo atpake an itak moshima no an wa aeramushinne an ap shikkashima anro; rai an ikip gusu shui yaikokatpak asamaha hemhem,

Hebraios 9:14

shashuishiri pakno an Ramat gusu opiri sak no Kamui otta yaikota yaiyange Kiristo koro kem anak ne echi utara ishu Kamui otta yaishieiwangere gusu echi koro keutura ta okai rai an ikip ashkannere kuni naa kasu no shomoki ruwe he an?

Yakob 2:17

Tap korachi eishokor-i anak ne ki ikip sak no an chiki, yaikota gusu rai wa an ruwe ne.

Yakob 2:20

Aa haita guru, ki ikip sak no an eishokor-i anak ne toirenbe ne sekoro onnere shomoki ya?

Yakob 2:26

Inambe gusu ne yakun, ramat sak no an netobake anak ne rai korachi, tambe nei no ki ikip sak no an eishokor-i anak ne rai wa an ap ne ruwe ne na.

I Yoannes 2:12

Nokan utara, Shinuma kon reihei rengap gusu echi koro katpak atusare wa an, tambe gusu echi gusu