Korosai 2:12 - Ashiri Aeuitaknup Iyohaichish Yona 1897

¹² aige, Shinuma tura baptisma eun aomare hine rai-i orowa no Shinuma hetopo-shiknure Kamui iki ikip ani eishokor-i ankushkerai Shinuma tura echi utara ne yakka hetopo-ashiknure nisa ruwe ne.

Korosai 2:12 ပူးပေါင်းရင်းမြစ်များ

Roukos 17:5

Orowa, Apostoro utara anak ne Utarapa otta ene itak-hi :— Chikoro eishokor-i naa porore wa

Apostoro ikip oma kambi 14:27

Aige, araki wa karisia uwekarapare chiki, tura no Kamui ikichi obitta no okaibe hemhem, Oya uirup gusu eishokor-i kuni an apa Shinuma maka orushpe hemhem ye wa nure nisa ruwe ne.

Apostoro ikip oma kambi 2:24

wa raigere nisa ruwe ne: Kamui anak ne rai gusu an nuwapbe pita chiki Shinuma hetopo-shiknure nisa: inambe gusu ne yakun, nei ambe ani Shinuma ashikkashima eaikapbe ne ruwe ne.

Apostoro ikip oma kambi 2:32

Kamui anak ne tan Yesu hetopo-shiknure nisa, nei ambe gusu paweteshu ki utara chi ne ruwe ne.

Roma 4:24

koroka, gusu aesanniyo kusu ne chi utara chikoro Utarapa ne Yesu rai orowa no hetopo-shiknure Kamui eishokoro wa okai chi utara gusu ne yakka nei ambe chieshinnuye wa an na;

Roma 7:4

Tambe gusu, ku iriwak utara, Kiristo kon netobake ankushkerai echi utara ne yakka tuitak epeka no rai utara ne akara; nei ambe anak ne moshimap otta rai orowa no hetopo-a-shiknure guru otta akore wa Kamui gusu ibehe hetukure kuni gusu an ap ne.

I Korintos 12:13

Inambe gusu ne yakun, Yudea un guru ne yakka Herenes un guru ne yakka, ausshiunere guru ne yakka, rengaine an guru ne yakka shine Ramat ani chi utara obitta shine netobake otta baptisma akore nisa ruwe ne; aine, shine Ramat aikure nisa ruwe ne.

I Korintos 15:20

Koroka, tane Kiristo anak ne rai orowa no hetopo-a-shiknure, mokoro wa okai utara koro atpake an aro-ibehe ne ruwe ne.

Garatea 3:27

Echi utara tumugeta Kiristo otta Baptisma akore obitta no okai utara anak ne Kiristo yaitomchiure nisa ruwe ne gusu ne na.

Epesos 2:8

inambe gusu ne yakun, irenga ani eishokor-i ankushkerai echi kashiaobiuki nisa ruwe ne; echi utara yaikota gusu an ambe shomo ne: koroka,

Epesos 3:17

ani atumashnure hemhem ki, orowa, eishokor-i an gusu Kiristo anak ne echi koro keutum ta okai, samata, echi utara anak ne omap ambe orun shinrit oma hine

Epesos 3:7

koro kiroro ikip an gusu a en koropare Kamui irenga ne korarape an korachi, kuani anak ne nei pirika shongo otta yaishieiwangerere guru ku ne ruwe ne na.

Epesos 4:5

Shine Utarapa, shine eishokor-i, shine baptisma, utara obitta enishpare gusu shine Michi ne Kamui an,

Epesos 5:14

anak ne pekere ne ruwe ne gusu ne na. Tambe gusu, Shinuma ene itak-hi — Mokoro wa an guru mosh wa rai-hi orowa no hetopo-shiknu yan, orowa, Kiristo anak ne e orun pekere atte kusu ne na.

Piripoi 1:29

inambe gusu ne yakun, Kiristo ankushkerai echi utara anak ne ouse Shinuma eishokoro patek shomo ne, koroka, Shinuma rengap gusu ayairamshitnere kuni-hi ne yakka echi otta akore ruwe ne:

Korosai 1:29

nei arabe gusu poka kuani anak, en onnaigeta kiroroashnu no iki, Shinuma kara arabe nei no kiroro yupu hine ku monraige ruwe ne.

Korosai 2:13

Orowa, echi utara anak ne, koro chikokatpak newa kam oma okarituye buri ankushkerai gusu rai okere echi utara anak ne, obitta no okai chikoro chikokatpak Shinuma tusare hine Shinuma orowa no Shinuma tura ashiknure nisa ruwe ne;

Hebraios 12:2

aige, chikoro eishokor-i esapane hemhem ki, eramushinnere hemhem ki Yesu orun ingara anro, Shinuma anak ne yaikotchaketa aatte wa an enupetne kunip gusu, aeyainikoroshmarep pange hine, utasa chikuni eyaishiporore nisa, orowa, Kamui araset oshimon samta a shiriki an.

Hebraios 6:2

Kamui gusu eishokor-i atte-i hemhem, baptisma gusu an epakashi hemhem, tekehe ande-hi hemhem, rai-i orowa no hetopo-shiknu ambe hemhem, orowa, otusashuishiri pakno gusu an koipishi ambe gusu hemhem an asamaha kanna-shui shomo ande no okai anro.

I Petros 3:21

nei wakka anak ne tane un kashiobiuki baptisma koro son no nokaha ne ruwe ne, tambe anak ne kara oma ichakkerep isamka gusu shomo ne, koroka, Yesu Kiristo hetoposhiknu-hi an gusu Kamui epeka no keutum yaikowepekere shomoki-i gusu an ambe ne ruwe ne;