Korosai 1:23 - Ashiri Aeuitaknup Iyohaichish Yona 1897

²³ echi utara anak ne nei eisbokor-i ta asamaha ande hine yaiatte wa kando choropoketa an obitta no okaibe otta echi nu okere aeupaskuma pirika shongo gusu an chipachipa arabe orowa no shomo oyakta okai wa echi okai yakun, nei no an ruwe ne; Pauros ne kuani anak ne gusu yaishieiwangere guru ku ne ruwe ne na.

Korosai 1:23 ပူးပေါင်းရင်းမြစ်များ

Iyohaichish 125:5

Koroka, koro oheuge ruhu otta Losari wa paye utara, Ehoba anak ne irarape ikichi utara tura no apkashte kusu ne. Israeru kata itomo irenga an na.

Markos 16:15

Orowa, Shinuma nei utara otta ene itak-hi :— Ingi moshirʼotta echi paye wa obitta no okai utara otta Pirika shongo eupaskuma yan.

Roukos 22:32

koroka, e koro eishokor-i anak ne iteki nin kuni ne, eani gusu inonno-itak Ku ki nisa ruwe ne; orowa, eani anak ne kanna hoshipi wa an ita e koro ainu uiriwak tumashnure yan, sekoro itak.

Roukos 6:48

Nei ainu anak ne chisei kara guru koheraye ruwe ne, ooho pakno ouri wa watara kata asama ande ruwe ne: orowa, pe san wa wakka chiu hine nei chisei epeka yakka moimoigere eaikap: pirika no akara chisei ne ruwe ne gusu ne na.

Yoannes 15:6

Ainu anak ne En oshiketa an shomo ne chiki, ni-tek korachi oyakta aosura wa shumumge ruwe ne: orowa, utara nei ambe eumashnu wa abe otta osura, aige, auhuyeka ruwe ne.

Apostoro ikip oma kambi 1:17

Inambe gusu ne yakun, nei guru anak un tura aepishki wa tan yaishieiwangere-hi otta iki kuni ikip akore nisa ruwe ne.

Apostoro ikip oma kambi 1:25

Apostoro ki kuni ambe ukouina gusu tan tun otta Aokai numgep inambe ne ya sekoro un eramande wa un kore, ani itak,

Apostoro ikip oma kambi 1:8

Koroka, Ashkanne Ramat echi kashiketa an chiki, kiroro echi akore kusu ne: orowa, echi utara anak ne Yerusarem kotan otta hene, Yudea moshirʼebitta hene, Samaria moshirʼotta hene, moshiripa pakno moshirigesh pakno hene, En gusu paweteshu ki utara echi ne kusu ne, sekoro itak.

Apostoro ikip oma kambi 11:23

aige, shinuma ek wa Kamui irenga nukara chiki nupetne nisa ruwe ne; orowa, nei utara obitta keutum yupu hine Utarapa otta ko-okai kuni ne onishnishi nisa ruwe ne;

Apostoro ikip oma kambi 14:22

eishokor-i ta ramma okai kuni onishnishi hemhem ki, samata, inne no okai aeramchuptekbe akush wa Kamui moshiri ta ahup kuni etokosh ruwe ne ari an ambe nure nisa ruwe ne.

Apostoro ikip oma kambi 2:5

Nei ita kando choropoketa obitta no okai moshiri uirup wano araki aainukoro Yudea un utara Yerusarem kotan ta oshiroma nisa ruwe ne.

Apostoro ikip oma kambi 20:24

Koroka, ku inotu anak ne en gusu aoshkorobe ne sekoro ku esanniyo shomoki, aine, ku iki kuni ushike ku okere hemhem ki, Kamui irenga gusu an pirika shongo epaweteshu kuni ari an Utarapa ne Yesu orowa no a en kore yaishieiwangere-hi hemhem ku ki kuni an ap ne ruwe ne.

Apostoro ikip oma kambi 26:16

Koroka, e hopuni wa chikiri kata ash yan: inambe gusu ne yakun, tapan ikkeu gusu e orun Ku yainukare nisa, otta eani en nukara okere okaibe gusu hemhem eani otta Ku yainukare kusu ne okaibe gusu hemhem paweteshu hene ki otta eani aeyaishieiwangerere ash hene ki kusu kuni gusu ne na;

Apostoro ikip oma kambi 4:12

Shinuma gusu shomoki yakun kashiobiuki ambe isam ruwe ne: inambe gusu ne yakun, kando choropoketa utara tumta akore nei reihei moshima un kashiobiuki kuni reihei isam ruwe ne gusu ne na.

Roma 10:18

Koroka, ku ye; nei utara shomo nu nisa ruwe he an? Ruwe un, son no poka, Nei utara ki hawe moshirʼebitta orota aun, Koro itak moshiripa pakno moshirigesh pakno oman nisa ruwe ne na.

Roma 15:16

Kamui orowa no a en kore irenga gusu, kuani Oya un utara gusu an Kiristo Yesu koro yaishieiwangere guru ku ne; nei ambe anak ne Oya un utara ayange-hi Ashkanne Ramat ani Aashkannere wa Kamui nupetnerep ne kuni ne Kamui pirika shongo gusu ku yaishieiwangere ruwe ne na.

Roma 2:7

pirika ikip kara kuni yaiyupupu hine nupeki newa aeoripakbe newa shomo muninbe hunara utara otta otusashuishiri pakno no an inotu:

Roma 5:5

inambe gusu ne yakun, Kamui omap-hi anak ne chikoro keutum ta a un koropare Ashkanne Ramat ani aohetu nisa ruwe ne.

I Korintos 15:58

Tambe gusu, ku omap an iriwak ne utara, kiroro atte wa moimoyege shomoki no okai yan, ramma Utarapa gusu ki kuni ikip kara yan; Utarapa gusu ki kuni ikip shomo raka-sakbe ne sekoro ku eraman ruwe ne gusu ne na.

I Korintos 3:5

Yakun, Aporros anak ne nep ta? Pauros nep ta ruwe he an? Ankushkerai echi eishokoro yaishieiwangere utara ne ruwe ne; pishno pishno Utarapa shinuma kore korachi ne ruwe ne na.

II Korintos 10:1

Echi tumugeta an ita yaieoripakka, koroka, tane oyakta an wa echi epeka rametokkoro Pauros ne kuani anak ne, Kiristo gusu an ramushiroma ambe newa rotcha ambe gusu echi onishnishi ash na:

II Korintos 11:23

Abraham sanikiri ne ya? Kuani ne yakka ene ani ne. Kiristo otta yaishieiwangere utara ne ya? (ramu-isam guru korachi ku ye) Kuani naa kasu no ne ruwe ne: nei utara kasu no poron no ku iki; nei utara kasu no poron no upakashnu chisei ta ku an; poron no a en shirikik mashkin, kanna-kanna rai otta ku an ruwe ne na.

II Korintos 3:6

Shinuma ka nei ashiri uitaknup gusu upak no an yaishieiwangere utara ne kuni un kara nisa ruwe ne; anuye ikiri gusu shomo ne, koroka, nei ramat gusu ne ruwe ne; inambe gusu ne yakun, anuye ikiri anak ne raige ruwe ne, koroka, ramat anak ne shiknure ruwe ne gusu ne na.

II Korintos 4:1

Tambe gusu, chi utara anak ne tan yaishieiwangere gusu an kunip koro wa okai gusu, aerampokiwen wa akore korachi shomo ramurai ruwe ne:

II Korintos 6:1

Orowa, ukomonraige wa iteki raka isam no Kamui irenga echi akore kuni ne ne yakka koramkoro ash ruwe ne.

Garatea 4:11

Ikineipeka kuani raka-sak no echi utara gusu ku iki sekorʼambe ku shitoma ruwe ne.

Garatea 5:5

chi utara anak ne chipachipa ki hine eishokor-i ani Ramat gusu oupeka ambe untere ruwe ne gusu ne na.

Garatea 5:7

Echi utara anak ne pirika no hoyuppa nisa, awa, son no ambe shomo echi ki kuni shinnetush guru nen ne ruwe?

Garatea 6:9

Orowa, pirikap iki gusu iteki yaishingere; inambe gusu ne yakun, ramurai shomoki chiki, paha epa ita nanke kusu ne gusu ne na.

Epesos 1:18

shui, echi keutura ta okai shikihi makke hine, gusu echi utara ahotuyekara an chipachipa ambe hemhem, Ashkanne utara eikeshkoro kusu ne nupeki gusu an oteknu ambe hemhem,

Epesos 2:21

Shinuma otta pishno okai aashte kunip anak ne auweunu wa Utarapa gusu Ashkanne kenru ne

Epesos 3:17

ani atumashnure hemhem ki, orowa, eishokor-i an gusu Kiristo anak ne echi koro keutum ta okai, samata, echi utara anak ne omap ambe orun shinrit oma hine

Epesos 4:16

Shinuma gusu pishno okai ikra koropare ambe an gusu, netobake ebitta irammakaka aurukire wa uweyupu hine pishno an awehe ki ikip an korachi, omap ki wa netobake shukupte wa yaiashte ruwe ne.

Korosai 1:25

otusashiri wano okai uirup ikiri otta eshina wa an mukkep ne Kamui itak uweomare kuni gusu, echi utara epeka a en kore Kamui en kara ambe nei no korachi,

Korosai 2:7

aepakashnu an korachi poka, iyaiiraige an keutura koro wa echi ki eishokor-i atte yan.

I Tessaronike 3:3

tambe anak, inan guru ne yakka tapan aeramchuptekbe gusu shomo amoimoigere kuni gusu an ap ne; inambe gusu ne yakun, chi utara anak ne tambe gusu aatte utara chi ne sekoro echi yaikota eraman ruwe ne gusu ne na.

I Tessaronike 3:5

Tan ikkewehe an gusu kuani poka, naa yaishiporore eaikap chiki, echi iki eishokor-i eraman kuni ne ku teshkan nisa ruwe ne, nekon a poka ika nei a ikoranmukarape echi koramnukara, aige, chi utara iki monraige iteki raka-sak kuni gusu ne na.

I Tessaronike 5:8

Koroka, chi utara anak ne tokap to un utara chi ne ruwe ne gusu, eishokor-i newa omap an rerara-kotukbe unu hine yairamatte wa okai anro; samata, kane-pon-kasa gusu kashichiobiuki ne chipa-chipa arabe koro anro.

II Tessaronike 2:16

Tane chikoro Utarapa ne Yesu Kiristo yaikota hemhem un omap wa irenga ankushkerai otusashiri pakno an omaoma ambe newa pirika chipachipa ambe un koropare chikoro Michi ne Kamui hemhem anak ne,

I Timoteos 1:12

En eashkaire chikoro Utarapa ne Kiristo Yesu ku koyaiiraige na, Shinuma anak ne ikipniukesh guru ku ne sekoro esanniyo hine otta ku yaishieiwangere kuni ne en atte nisa ruwe ne gusu ne na;

I Timoteos 2:7

nei ambe assuru ashte guru newa Apostoro ne kuni gusu a en atte okere (sonep ku ye, ku shunge shomoki,) eishokor-i newa sonep Oya un utara epakashnu gusu a en atte an na.

I Timoteos 3:16

Orowa, shomo aye a yakka, Kamui kooripak gusu an mukke ambe anak ne poro ruwe ne; Shinuma anak ne kam oshiketa anukara, ramat oshiketa oupekap ne aesanniyo, Kamui hau-turumbe orowa no anukara, moshiri uirup tumuge ta aeupaskuma, moshiri kata aeishokoro an, arakuru orun auk okere na.

Titus 3:7

tambe anak ne chi utara Shinuma koro irenga gusu aoupekare wa otusashuishiri pakno an inotu echipachipa ambe an korachi eikeshkoro utara ne akara kuni gusu an ambe ne ruwe ne.

Hebraios 10:38

Koroka, ku goro oupeka guru eishokor-i gusu shiknu kusu ne: Aige, Shinuma yaishietaye yakun, Shinuma gusu shomo ku keutum enupetne ruwe ne.

Hebraios 3:14

inambe gusu ne yakun, okese pakno chi utara anak ne shiyuppa no akoro aatte oibe shikkashima yakun, Kiristo tura no ukouina utara no akan ruwe ne na;

Hebraios 3:6

koroka, Kiristo anak ne poho korachi Shinuma kora kenru esapanep ne; aige, chi utara anak ne okese pakno tumashnu no rametok koro wa chipachipa gusu an yaiyomonnure-hi shikkashima yakun, Shinuma kora kenru chi ne na.

Hebraios 4:14

Tambe gusu, kando oboso wa ahun Kamui otta yaishieiwangere iyotta pase guru ne Kamui koro Poho Yesu an gusu, chikoro eishokoro ambe shiyuppa no shikkashima anro.

Hebraios 6:19

nei ambe anak ne chikon ramat gusu an chip kaite nepkorʼan ambe ne, nishuwamne newa oshinnu hine nei otbe oshmake un ahun;

I Petros 1:3

Okese an ita eishokor-i ani kashiaobiuki wa okai kunak anukara kuni ne aetoko-oiki wa okai Kamui kiroro ani aepungine echi utara,

I Petros 1:5

chikoro Utarapa ne Yesu Kiristo koro Michi newa Kamui anak ne airamye an na.

I Yoannes 2:27

Echi utara gusu Shinuma orowa no echi kore an kashiaota ambe anak ne echi oshiketa oshiroma chiki echi epakashnup isam yak pirika na; koroka, nep ne yakka Shinuma ki kashiota ambe echi epakashnu, aige, nei ambe son no ambe ne wa shunge shomo ne gusu, echi aepakashnu wa an korachi, Shinuma oshiketa echi oshiroma ruwe ne.

Ekambakbe 2:10

Tane e iki kusu ne a ramushitnere okaibe gusu iteki ishitoma yan: ingarʼan, echi utara auwande kuni ne nitnep anak ne echi sereke okai utara ipakashnu chisei ta omare kuni etokooiki korʼan ruwe ne; aige, wan to uturuta echi eramchuptek kusu ne na. Rai pakno ikipniukesh no okai yan, yakun, Kuani inotu oma sapa-umbe e kore ash kusu ne na.