Korosai 1:13 - Ashiri Aeuitaknup Iyohaichish Yona 1897

¹³ Shinuma anak ne kunne kiroro orowa no un ohaitare wa, koro omap an Toho koro moshiri orun un ahupte nisa ruwe ne;

Korosai 1:13 ပူးပေါင်းရင်းမြစ်များ

Mattaios 17:5

Shinuma naa ye rapoketa ingarʼan, peken nishkuru shinep enkashike kamu; orowa, ingarʼan, nei nishkuru orowa no hau anu wa ene hawe okai-hi :— Tambe anak Ku omap shi no Ku enupetne Poho ne ruwe ne, Shinuma nu yan, ari hawe ash.

Mattaios 25:34

Nei ita anak ne oshimon samta okai utara otta Moshiri Shikkashima guru ene itak-hi :— Ku Michi orowa no anunuke utara, araki wa moshiri asamaha aande pakihi wano echi utara gusu aetokooiki moshiri eikeshkoro yan:

Mattaios 3:17

orowa, ingarʼan, kando orowa no hawe anu wa ene itak-hi :— Tambe anak, Ku omap, Shi no ku enupetne Poho ne ruwe ne, ari itak nisa ruwe ne na.

Roukos 13:24

Orowa, utara otta Shinuma ene itak-hi :— Hutne apa otta ahup kuni etushmak yan: inambe gusu ne yakun, echi otta Ku ye, inne utara ahup kuni hunara kusu ne, koroka, ahup eaikap.

Roukos 22:53

Kuani kesto echi tura no Kamui kora kenru ta Ku an ita anak ne En kishima kuni shomo echi ki: koroka, tambe anak ne echi koro pakihi ne, kunne-i kiroro ne ruwe ne.

Yoannes 17:24

Michi, Aokai En kore utara anak ne Ku an ushiketa nei utara ne yakka En tura no okai kuni Ku kon rusui; nei utara anak ne Aokai En kore arakuru nukara kuni gusu ne na: Aokai anak ne moshiri heashi etokota En omap nisa ruwe ne gusu ne na.

Yoannes 3:35

Michi anak ne Poho omap wa nep ne yakka obitta koro teke orota omare nisa ruwe ne.

Yoannes 5:24

Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.

Apostoro ikip oma kambi 26:18

aige, nei utara kunne-i wano pekere otta hene, Satan koro kiroro wano Kamui otta hene ahosarire, aine, koro chikokatpak atusare hine En eishokoro ankushkerai gusu aashkannere utara tumta eikeshkorobe akore kuni ne ruwe ne gusu ne na, ari itak.

Roma 14:17

Kamui moshiri anak ne ibe hene ki iku hene ki ambe shomo ne, koroka, oupekap newa itomo irenga newa Ashkanne Ramat gusu akopuntekbe ne ruwe ne gusu ne na.

II Korintos 11:14

Tambe anak iyokunnure kuni ambe shomo ne; inambe gusu ne yakun, Satan poka yakota Kamui koro nupeki an hauturumbe nep kuni ne yainere ruwe ne.

II Korintos 4:4

tan moshiri gusu an Kamui anak ne eumbipka utara koro keutum shiknakte nisa ruwe ne; Kamui nokaha ne Kiristo koro nupeki otta an pirika shongo oma pekere anak naa shomo nei utara orun hetuku kuni gusu ne na.

Epesos 1:6

awa, Shinunra koro Omap an guru gusu un otta nuye an no koropare arakuru newa irenga gusu ramuaye kuni ne koro keutum pirikap rengaine ambe an korachi nei no ki nisa ruwe ne na:

Epesos 4:18

Kamui inotu orowa no uwoyakta an wa eraman kuni mondum akunnere wa an gusu apkash korachi, iteki nei no echi apkash yan;

Epesos 5:5

Echi utara pirika no tambe uonnere na, hoiyo ki guru hene, ichakkere guru hene, yaikoshipuinere ki guru hene, potoki ko-ongami guru hene, Kiristo newa Kamui moshiri oara eikeshkoro shomoki ruwe ne gusu ne na.

Epesos 5:8

inambe gusu ne yakun, teeda echi utara kurokokbe echi ne a koroka, tane anak Utarapa otta pekerebe echi ne ruwe ne gusu ne na:

Epesos 6:12

Inambe gusu ne yakun, chi ki ukotereke ambe anak ne kem newa kara tura ikip shomo ne, koroka, esapanep tura hene, mondum korobe tura hene, tapan kunne-i moshiri esapanep tura hene, kando un ushiketa okai wen ramat tura hene ukotereke ambe ne ruwe ne.

I Tessaronike 2:12

yaikota koro moshiri newa araguru orun echi nishuk Kamui kopakeot no echi apkash kuni ne hemhem ki wa paweteshu chi kon nisa sekorʼambe echi eraman korachi ne ruwe ne na.

Hebraios 2:14

Poho utara anak ne kem newa kam utura kon ruwe ne gusu, Shinuma yaikota ne yakka shem korachi nei ambe kon ruwe ne; tambe anak Shinuma rai ambe ani nitne kamui ari aye rai-i kiroro korobe isamka kuni gusu ne na;

I Petros 2:9

Koroka, kunne-i wano koro iyokunnure an pekere otta echi tak Kamui koro pirika ambe assuru ashte kuni ne echi utara anak ne anumge an utara echi ne, esapane guru koro Kamui otta yaishieiwangere utara echi ne, ashkanne uirup echi ne, Kamui yaikota shikkashima kuni utara echi ne ruwe ne:

II Petros 1:11

orowa, tapne kane chikoro Utarapa newa Kashiobiukip ne Yesu Kiristo koro shashuishiri pakno an moshiri orun ahup-i anak ne nuye an no echi kore an ruwe ne gusu ne na.

I Yoannes 2:8

Shui, ashiri ikashpaotte echi gusu ku nuye na, nei ambe anak ne Shinuma oshiketa ne yakka echi oshiketa ne yakka son no ambe ne; inambe gusu ne yakun, kunne-i okere koran, orowa, son no pekere nupeki atte wa an ruwe ne gusu ne na.

I Yoannes 3:14

Chi utara anak ne iriwak utara omap gusu rai-i orowa no paye wa ishu-i otta ahup ash nisa ari an ambe chi eraman ruwe ne. Shomo omap ki gurʼanak ne rai-i otta riya ruwe ne.

I Yoannes 3:8

oupekap ne ruwe ne; katpak ki guru anak ne nitnep orowa no an ambe ne; atpake wano nitnep anak katpak ki ruwe ne gusu ne na. Tambe gusu, Kamui poho anukan ruwe ne, nitnep ki ikip isamka kuni gusu ne na.