Jona 2:9 - Ashiri Aeuitaknup Iyohaichish Yona 1897

⁹ Koroka, kuani anak ne iramye hau ani Aokai otta yangep ku yange kusu ne; Ku ekambakte-i ku yange kusu ne, Kashiobiuki-i anak ne Yehoba orowa no ekbe ne ruwe ne.

Jona 2:9 ပူးပေါင်းရင်းမြစ်များ

Iyohaichish 107:22

Orowa, nei utara iramye kuni ayange kunip yange wa, Shinuma ki ikip shinotcha ani assuru ashte yanro.

Iyohaichish 27:1

EHOBA anak ne ku pekere ne, en kashiobiukip ne ruwe ne; en ishitomarep nen ne ruwe? Ehoba anak ne ku inotu un kiroro ne; inan guru gusu ku kimatek ruwe be an?

Iyohaichish 3:8

Annokara ambe anak ne Ehoba korobe ne, E korʼirenga E koro utara kata an kuni akoramkon na. [Sera.]

Iyohaichish 50:14

Iyaiiraige, ambe Kamui otta yange, Iyotta Rikunbe orun itaknu ki yan;

Iyohaichish 50:23

Iyaiiraige yangep yange gurʼ anak ne Eri ko-oripak ruwe ne; Orowa, kon ruhu etoko-oiki guru otta Kamui kashiobiuki-hi ku nukare kusu ne na.

Iyohaichish 68:20

Kamui anak ne chi utara gusu kashiobiuki ki Kamui ne; Orowa, rai-i anak ne Utarapa ne Ehoba korobe ne.

Iyohaichish 95:2

Yaiiraige koro Shinuma tek-samata araki, Iyohaichish ani Shinuma otta nupetne hau ashtero.

Yoannes 4:22

Echi eramushkarep echi koongami ruwe ne: chi utara anak ne eramu ambe ongami ash ruwe ne: inambe gusu ne yakun, kashiobiuki-i anak ne Yudea un utara wano an ambe ne ruwe ne gusu ne na.

Apostoro ikip oma kambi 4:12

Shinuma gusu shomoki yakun kashiobiuki ambe isam ruwe ne: inambe gusu ne yakun, kando choropoketa utara tumta akore nei reihei moshima un kashiobiuki kuni reihei isam ruwe ne gusu ne na.

Roma 12:1

Tambe gusu, iriwak utara, echi kon netobake ishu, ashkanne, Kamui nupetnere ayange kunip echi yange kuni ne, Kamui rampoken ankushkerai echi onishnishi ash ruwe ne, tambe anak ne echi ki kuni gusu an ongami kunip ne ruwe ne gusu ne na.

Hebraios 13:15

Yakun, Shinuma ankushkerai ramma-kane chi utara Kamui orun iramye an ayange kunip yange anro, tambe anak, Shinuma kon reihei orun eyaipushi papush wano hetuku ambe ne ruwe ne.

Ekambakbe 7:10

orowa, nei utara poro hawe ashte wa ene itak-hi :— Nei amset kata rok chikoro Kamui otta hemhem, Pon-hitsuji otta hemhem kashiobiuki ambe an na, ari itak.