Jona 1:6 - Ashiri Aeuitaknup Iyohaichish Yona 1897

⁶ Tambe gusu, chip esapane guru Yona otta ek wa ene itak-hi:— Mokon-nuye guru nekon a e ki ya? Hopuni wa e koro Kamui ko-hotuyepa yan, yak anak ne Kamui chi utara shomo aisamka kuni un esanniyo kuni ka aramu.

Jona 1:6 ပူးပေါင်းရင်းမြစ်များ

Iyohaichish 107:6

Nei ita nei utara anak ne yairamkoiki wa Ehoba konishuk, Awa, Shinuma nei a yairamshitnere-i wano ohaitare nisa ruwe ne.

Iyohaichish 78:34

Shinuma anak ne nei utara ronnu ita aepishi, aige: Hoshippawa earikinne Shinuma hunara nisa ruwe ne.

Jona 3:8

koroka, ainu hene chikoikip hene hai ani akara mipihi amire wa yupke no Kamui otta ko-hotuyepa anro: nen ne yakka koro wenburi newa tekehe otta okai wen monihi wano kiru anro.

Jona 3:9

Chi okai utara iteki aisamka kuni ne Kamui keutum kiru wa koro niwen irushka-i orowa no ekohopi ya shomo ya eramu an guru nen ne ruwe ta an? sekoro itak.

Apostoro ikip oma kambi 21:13

Tata otta Pauros ene ese-hi :— Hemanda gusu echi chish wa ku sambe iuninkare ya? Kuani anak ne ouse atupetupe kuni patek shomo ne, koroka, Yerusarem kotan ta Utarapa ne Yesu kon reihei gusu rai kuni yak pirika ruwe ne, ari itak.

Roma 13:11

Orowa, tambe shui, paha onnere yan, tane anak mokoro orowa no shi no mosh gusu an pakihi ne ruwe ne; chi utara anak ne eishokoro eatpake kasu no tane anak un kashiobiuki-hi ehange no an ruwe ne gusu ne na.

Epesos 5:14

anak ne pekere ne ruwe ne gusu ne na. Tambe gusu, Shinuma ene itak-hi — Mokoro wa an guru mosh wa rai-hi orowa no hetopo-shiknu yan, orowa, Kiristo anak ne e orun pekere atte kusu ne na.