I Yoannes 5:3 - Ashiri Aeuitaknup Iyohaichish Yona 1897

³ Koro ikashpaotte shikkashima ambe auak ne, tambe anak Kamui omap ambe ne ruwe ne gusu ne na; orowa Shinuma koro ikashpaotte anak ne sei hokambap shomo ne ruwe ne.

I Yoannes 5:3 ပူးပေါင်းရင်းမြစ်များ

Iyohaichish 119:140

E koro itak anak ne shi no aturu-sakbe ne, Tambe gusu E koro uitek guru nei ambe omap ruwe ne.

Iyohaichish 119:45

Orowa, ku rengaine ku apkash kusu ne; E koro ipawetenge ku hunara nisa ruwe ne gusu ne na.

Mattaios 23:4

Ruwe un, nei utara anak ne pase wa sei hokamba shikehe kara wa ainu utara tapsutu kata ande, koroka, koro shine ashikepet ani nei ambe koshnere shomoki ruwe ne.

Yoannes 14:15

Echi utara En omap yakun, Ku ki ikashpaotte echi shikkashima kusu ne.

Yoannes 15:10

Ku omap ambe oshiketa echi okai yan. Echi utara Ku ki ikashpaotte shikkashima chiki, Ku omap ambe oshiketa echi okai kusu ne; Kuani anak Ku Michi ki ikashpaotte Ku shikkashima wa Shinuma omap ambe oshiketa Ku an korachi ne ruwe ne.

Yoannes 15:14

Echi utara anak ne Ku ki ikashpaotte nei no ki yakun, Ku katairotki utara echi ne ruwe ne.

Roma 7:12

orowa, ani en raige nisa ruwe ne gusu ne na. Tambe gusu, nei tuitak anak ne ashkannep ne, orowa, nei ikashpaotte anak ne ashkannep, oupekap, pirikap ne ruwe ne.

Roma 7:22

Onnaige un ainu esanniyo chiki, Kamui tuitak ku enupetne ruwe ne:

Hebraios 8:10

Utarapa ene itak-hi :— Nei toho okaketa Israeru chisei tura ku iki kushki euitaknup anak ne tambe ne ruwe ne; Koro keutum ta Ku goro tuitak Ku omare kusu ne, Orowa, koro sambe kata nei ambe Ku nuye kusu ne: Shui, nei utara gusu Kamui Ku ne kusu ne, Aige, En gusu nei utara uirup ne kusu ne na:

I Yoannes 2:3

Shinuma ki ikashpaotte shikkashima ash yakun, tata ani chi utara Shinuma eamkiri ruwe ne sekoro chi eraman.

II Yoannes 1:6

Shinuma ki ikashpaotte nei no apkash ambe anak ne, tambe anak omap ambe ne. Otta apkash kuni gusu an atpake wano echi nu ikashpaotte tambe ne ruwe ne na.