I Yoannes 5:13 - Ashiri Aeuitaknup Iyohaichish Yona 1897

¹³ Shiokere shomoki inotu echi koro koran ruwe ne a ambe echi eramande kuni ne Kamui poho kon reihei eishokoro utara gusu echi otta tap okaibe ku nuye nisa ruwe ne na.

I Yoannes 5:13 ပူးပေါင်းရင်းမြစ်များ

Yoannes 1:12

Koroka, obitta no okai Shinuma uk utara otta, Shinuma kon reihei eishokoro utara otta, Kamui Poho ne kuni mondum koropare nisa ruwe ne.

Yoannes 2:23

Kamakush marapto gusu Shinuma Yerusarem kotan ta an, awa, marapto uturuta, Shinuma ki shirosh nukara gusu, inne utara Shinuma kon reihei gusu eishokon nisa ruwe ne na.

Yoannes 20:31

koroka, teda anuye wa an okaibe anak ne, Yesu anak Kiristo ne, Kamui Poho ne, sekoro echi utara eishokoro kuni gusu chieshinnuye wa an; orowa, echi eishokoro wa Shinuma reihei ani inotu echi koro kuni gusu ne na.

Yoannes 21:24

Tan okaibe gusu paweteshu hemhem ki, tan okaibe nuye hemhem ki guru anak ne nei koikara guru ne ruwe ne; orowa, nei guru ki paweteshu-i anak ne son no ambe ne sekoro echi eraman ruwe ne.

Yoannes 3:18

Shinuma eishokoro guru anak ne shomo akoipishi ruwe ne, shomo Shinuma eishokoro guru anak akoipishi okere nisa ruwe ne, Kamui shinen ne Poho reihei eishokoro shomoki nisa ruwe ne gusu ne na.

Yoannes 5:24

Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.

Apostoro ikip oma kambi 3:16

Orowa, tane echi nukara wa eamkiri guru anak ne, Shinuma reihei eishokoro ankushkeraipo atumashnure a an: ruwe un, Shinuma gusu an eishokor-i anak ne, obitta no okai echi utara kotchaketa tapan ara nisashnu ambe hetukure nisa ruwe ne.

Apostoro ikip oma kambi 4:12

Shinuma gusu shomoki yakun kashiobiuki ambe isam ruwe ne: inambe gusu ne yakun, kando choropoketa utara tumta akore nei reihei moshima un kashiobiuki kuni reihei isam ruwe ne gusu ne na.

II Korintos 5:1

Chikoro kash ne toitoi oma chisei isam yakun, isam shomoki kando oshiketa Kamui orowa no akarape an, teke ani shomo akarape chisei an ari an ambe chi eraman ruwe ne gusu ne na.

Garatea 4:6

Orowa, echi utara poho echi ne wa gusu, Kamui anak ne koro Poho kon Ramat chikoro keutura ta ahunge wa, Abba, Michihi, yere nisa ruwe ne.

I Petros 5:12

Chikoro ikipniukesh iriwak ne sekoro ku esanniyo Sirouanos ani takne no echi gusu kambi ku nuyere yara, aine, onishnishi ku ki, samata, tambe anak ne Kamui son no irenga ne sekoro, paweteshu ku ki ruwe ne; nei ambe otta utumashi shomoki no roshki yan.

I Yoannes 1:4

orowa, tap okaibe chi nuye ikkewehe anak ne echi utara anupetnere ambe aeshik kuni gusu ne ruwe ne na.

I Yoannes 2:1

Ku goro nokair utara, echi utara anak ne iteki katpak ki kuni ne tap okaibe echi gusu ku nuye ruwe ne. Orowa, nen ne yakka katpak ki guru an chiki, Michi otta chi utara gusu eikotchanep an, oupeka Yesu Kiristo ne;

I Yoannes 2:21

Echi utara son no ambe shomo eraman gusu ku nuye shomoki,, koroka, son no ambe echi eraman, samata, son no ambe orowa no hetuku shungep isam ruwe ne gusu ku nuye na.

I Yoannes 2:25

Un gusu Shinuma eitakamkire uitaknup anak ne shiokere shomoki inotu ne ruwe ne.

I Yoannes 2:26

Echi shiren wa turainure utara gusu tap okaibe ku nuye nisa.

I Yoannes 3:23

Orowa, chi utara anak ne Shinuma koro Poho Yesu Kiristo kon reihei eishokoro, samata, un kashpaotte korachi utashpa uwe-omap kuni an ambe anak ne, tambe anak Shinuma sange ikashpaotte ne ruwe ne.

I Yoannes 4:9

Shinuma rengap gusu chi utara ishu kuni ne Kamui anak ne yaikota koro Shinen ne Poho moshirʼotta sange nisa ruwe ne gusu, tambe ani chi utara gusu Kamui omap ambe anukare nisa ruwe ne na.

I Yoannes 5:10

Kamui poho eishokoro gurʼanak ne, koro oshiketa nei paweteshu-hi koro: shomo Kamui eishokoro guru anak ne Shinuma shungere nisa ruwe ne; inambe gusu ne yakun, koro Poho gusu Kamui ki paweteshu-hi eishokoro shomoki nisa ruwe ne gusu ne na.

I Yoannes 5:11

Orowa, nei aki paweteshu ambe anak ne tambe ne, Kamui un otta shiokere shomoki inotu un koropare, orowa, tan inotu anak ne Shinuma koro Poho otta an ruwe ne Nei Poho koro gurʼanak ne nei inotu koro;

I Yoannes 5:20

ingi-moshiri anak ne wenbe otta okai ruwe ne. Orowa, sone an guru chi eamkiri kuni ne Kamui Poho ek wa un otta eraman mondum koropare nisa ruwe ne sekorʼambe chi eraman, orowa, sone an guru otta, Shinuma koro Poho Yesu Kiristo otta, chi okai ruwe ne. Tambe anak son no Kamui ne, shiokere shomoki inotu ne ruwe ne.