I Yoannes 4:18 - Ashiri Aeuitaknup Iyohaichish Yona 1897

¹⁸ okai ruwe ne gusu ne na. Omap-hi otta ishitomap isama; koroka, aeramushinne an omap ambe anak ne ishitoma ambe soyumbare ruwe ne; ishitoma ambe otta panakte-i okai ruwe ne gusu ne na; orowa, ishitoma ki guru anak ne omap-hi otta seenne aeramushinnere ruwe ne.

I Yoannes 4:18 ပူးပေါင်းရင်းမြစ်များ

Iyohaichish 119:120

E koishitoma gusu ku kam anak ne tusushke ruwe ne; Orowa, E koro aesanniyo-hi gusu ku ishitoma ruwe ne.

Iyohaichish 73:19

Hemanda nei utara anak ne kuripanpange no awende humi! Ishitoma wa nei utara ara aisamka ruwe ne.

Mattaios 9:34

Koroka, Parisee un utara anak ne, Shinuma nitne kamui esapanep ani nitne kamui oashinge ruwe ne na, sekoro itak.

Roma 8:15

Echi utara ishitoma gusu kanna-shui ausshiune utara ne kuni gusu ramat akore shomoki, koroka, nei ambe ani Abba, Michihi, ari an itak ani ye kuni poho ne akara kuni gusu an ramat echi kore nisa ruwe ne na.

II Timoteos 1:7

Inambe gusu ne yakun, Kamui anak ne ishitoma kuni gusu an ramat un kore shomoki, koroka, kiroro newa omap ambe newa keutum yaieashirikara kuni ramat un kore nisa ruwe ne.

Hebraios 12:28

Tambe gusu, ashimoyere eaikap moshiri a un kore gusu, kooripak ambe newa ishitoma ambe tura, ani Kamui nupetnere yaishieiwangere iyaiiraige an keutum koro anro:

Yakob 2:19

Kamui shinep ne sekoro eani eishokoro ki; nei ambe pirika ne: nitnep ne yakka eishokoro wa tusushke ruwe ne.

I Yoannes 4:12

Hembarata ne yakka Kamui nukara ainu isam: chi utara utashpa uweomap ki chiki, Kamui un oshiketa riya ruwe ne, orowa, un oshiketa Shinuma omap-hi aeramushinne an ruwe ne;