I Yoannes 3:8 - Ashiri Aeuitaknup Iyohaichish Yona 1897

⁸ oupekap ne ruwe ne; katpak ki guru anak ne nitnep orowa no an ambe ne; atpake wano nitnep anak katpak ki ruwe ne gusu ne na. Tambe gusu, Kamui poho anukan ruwe ne, nitnep ki ikip isamka kuni gusu ne na.

I Yoannes 3:8 ပူးပေါင်းရင်းမြစ်များ

Mattaios 12:28

Koroka, Kuani anak ne Kamui Ramat ani nitnep soyumbare yakun, Kamui moshiri echi orota ek wa an ruwe ne.

Mattaios 13:38

pirika piyehe anak ne moshirʼun gunʼne; zizania mun anak ne nitnep koro poho ne; nei

Mattaios 4:3

Aige ikoranmukarape Shinuma orota ek wa ene itakhi :— Aokai anak ne Kamui Poho E ne chiki, tan shuma aep ne akara kuni gusu kashpaotte yan, sekoro itak.

Markos 1:24

Nazaret un Yesu un otta nep irenga an a? Un isamka gusu E ek a? Aokai nen ne ruwe sekorʼambe ku eramʼan, Kamui Ashkannep E ne ruwe ne, ari itak.

Roukos 10:18

Orota Shinuma ene itak-hi :— Satan anak ne imeru korachi kando orowa no ran shiri Ku nukan nisa.

Yoannes 12:31

Tane anak ne tan moshiri koipishi an ruwe ne; tane anak ne tan moshiri un esapanep aoashinge kusu ne na.

Yoannes 16:11

koipishi ambe gusu an ap anak, tan moshiri un esapanep akoipishi nisa ruwe ne gusu ne gusu ne na.

Yoannes 8:44

ruwe ne gusu ne na. Echi utara anak ne nitne kamui ne echi koro michi orowa no okai, orowa, echi koro michi ki rusui buri echi ki kuni echi ramu. Shinuma anak ne atpake wano keukbe ne, orowa, sonep otta ash shomoki, koro onnaigeta sonep isam ruwe ne gusu ne na. Shunge itak ki chiki yaikota kerobe ye: Shinuma anak shunge guru ne, shunge koro michi ne ruwe ne gusu ne na.

Roma 16:20

Orowa itomo irenga koro Kamui anak ne naa pon no shiran ko echi koro chikiri pokta Satan piriore kusu ne na, Chikoro Utarapa ne Yesu Kiristo korʼirenga echi tura no an kuni akoramkon na.

Epesos 2:2

teeda echi utara tane an ainu ikiri kara korachi nei ouhaitap newa chikokatpak kari apkash; shui, tane okai itakkashi ki poho oshiketa iki ramat ne taskoro-mau un kiroro esapanep nei no teeda echi apkash nisa;

Korosai 2:15

samata, yaikota yai orowa no esapane ambe newa nrondum korobe soshpa okere chiki, anukan no nei ambe nukare hine, gusu nei ambe epeka yaiokkainere nisa ruwe ne na.

I Timoteos 3:16

Orowa, shomo aye a yakka, Kamui kooripak gusu an mukke ambe anak ne poro ruwe ne; Shinuma anak ne kam oshiketa anukara, ramat oshiketa oupekap ne aesanniyo, Kamui hau-turumbe orowa no anukara, moshiri uirup tumuge ta aeupaskuma, moshiri kata aeishokoro an, arakuru orun auk okere na.

Hebraios 2:14

Poho utara anak ne kem newa kam utura kon ruwe ne gusu, Shinuma yaikota ne yakka shem korachi nei ambe kon ruwe ne; tambe anak Shinuma rai ambe ani nitne kamui ari aye rai-i kiroro korobe isamka kuni gusu ne na;

Hebraios 9:26

Shinuma kanna-kanna yaiyange shomoki ruwe ne; shomo ne yakun, moshiri akara wano tane pakno Shinuma kanna-kanna ayairamshitnere nangoro: koroka, tane moshiri paha okese an paha ta Shinuma yaikota yaiyange wa kat-pak isamka kuni ne arashui no anukan nisa ruwe ne na.

II Petros 2:4

Inambe gusu ne yakun, Kamui anak ne katpak ki hauturumbe honnere shomoki koroka, akoipishi kuni gusu ashikkasmimare wa Tartaros otta an kunne shui orun okeuba chiki,

I Yoannes 1:2

(orowa, nei inotu anak ne anukara wa chi nukanʼnisa, gusu paweteshu chi ki, Michi tura no an, awa, un otta anukara, nei inotu, nei rai uina pakno shiknu an inotu orushpe gusu echi nure ash na);

I Yoannes 3:10

Tata otta Kamui poho utara hemhem nitnep koro poho utara hemhem anukan ruwe ne: nen ne yakka oupekap shomo ki guru hene, koro iriwak shomo omap guru hene, Kamui orowa no an ap shomo ne.

I Yoannes 3:5

Orowa, Shinuma anak ne katpak sei kuni gusu anukan nisa ruwe ne sekoro echi eraman; orowa, Shinuma oshiketa katpak isam ruwe ne.

I Yoannes 5:19

Chi utara anak ne Kamui orowa no okai utara chi ne sekoro chi eraman, orowa,

Youdas 1:6

Samata, yaikota koro esapane kuni ushike shomo shikkashima, koroka, okai kuni oshiroma-i ande uitek utara, Shinuma nei poro toho koipishi an-hi pakno kunne-i otta ramma pakno an tupep ani

Ekambakbe 20:10

Orowa, nei utara kokandama nitne kamui anak ne nei a abe newa iwau to oshike un aeyapkiri nisa, nei ushiketa nei a chikoikip newa shunge uweingara guru ne yakka okai ruwe ne; awa, tokap to ta ne yakka, kunne to ta ne yakka ramma otusashuishiri pakno aiuninkare kusu ne na.

Ekambakbe 20:15

Orowa inan guru ne yakka nei inotu oma kambi-sosh kata reihei shomo anuye wa an sekoro anukara chiki, nei abe to orota aeyapkiri nisa ruwe ne na.