I Yoannes 3:5 - Ashiri Aeuitaknup Iyohaichish Yona 1897

⁵ Orowa, Shinuma anak ne katpak sei kuni gusu anukan nisa ruwe ne sekoro echi eraman; orowa, Shinuma oshiketa katpak isam ruwe ne.

I Yoannes 3:5 ပူးပေါင်းရင်းမြစ်များ

Mattaios 1:21

Nei shiwentep anak ne okkai po hekature kusu ne na; orowa, Shinuma anak ne koro utara koro katpak isamka kuni gusu ne aiai ne gusu, Yesu ani an reihei ani kore yan, sekoro itak.

Roukos 23:41

Chi utara anak ne oupeka no apanakte wa an, chikoro ki buri gusu an akore kunip chi uk ruwe ne: koroka, tan guru anak ne nep oheugep ne yakka ki shomoki nisa ruwe ne, ani itak.

Roukos 23:47

Orowa, hetuku okaibe nei tumi-koro utara esapane guru nukara chiki, Kamui kooripak wa ene itak-hi :— Son no newa tan guru anak ne oupeka guru ne ruwe ne, sekoro itak.

Yoannes 1:29

Nei shimge toho ta orota Yesu ek-i shinuma nukara, awa, ene itak-hi :— Ingarʼan, Moshiri katpak sei Kamui Pon-hitsuji!

Yoannes 1:31

Orowa, Shinuma ku eamkiri shomoki; koroka, Shinuma Israeru un utara orota anukare kuni ne, tambe gusu, ku ek wa wakka ani baptisma ku kore nisa ruwe ne, ari itak.

Yoannes 14:30

Te wano poron no echi tura Ku koitak shomoki, inambe gusu ne yakun, moshiri esapanep ek: orowa, En otta shinuma nep ka koro shomoki ruwe ne;

Yoannes 8:46

Echi utara tumugeta katpak an sekoro En esanniyo guru anak ne nen ne ruwe he an? sonep Ku ye yakun, hemanda gusu echi En eishokoro shomoki ya?

II Korintos 5:21

Chikokatpak eramushkare guru anak ne chi utara gusu akokatpakbe ne akara; tambe anak ne chi utara shinuma oshiketa Kamui oupeka ambe ne akara kuni gusu ne na.

I Timoteos 1:15

Kiristo Yesu anak ne katpak koro utara kashiobiuki gusu moshirʼotta ek nisa ruwe ne ari an itak anak ne son no ambe ne, utara shikkashima kuni an itak ne ruwe ne na; nei utara tumuge ta iyotta wenbe ku ne ruwe ne!

I Timoteos 3:16

Orowa, shomo aye a yakka, Kamui kooripak gusu an mukke ambe anak ne poro ruwe ne; Shinuma anak ne kam oshiketa anukara, ramat oshiketa oupekap ne aesanniyo, Kamui hau-turumbe orowa no anukara, moshiri uirup tumuge ta aeupaskuma, moshiri kata aeishokoro an, arakuru orun auk okere na.

Titus 2:14

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na.

Hebraios 1:3

Shinuma anak ne Kamui nupeki oma tomtep ne, Kamui katuhu oma son no nokaha ne, koro kiroro an itak ani obitta no okaibe nitatpa ruwe ne; Shinuma anak ne chikoro katpak gusu furaye ambe ki okere chiki, rik un pasep shimon samata a nisa ruwe ne;

Hebraios 4:15

Inambe gusu ne yakun, chikoro katchakbe nu wa eramu eaikap Kamui otta yaishieiwangere guru un otta isam; koroka, nep ne yakka chi utara korachi akoramnukara nep a yakka chikokatpak isam ruwe ne.

Hebraios 7:26

Inambe gusu ne yakun, nei no an, ashkanne, wen-buri isam, turu-sak, chikokatpak utara wano shinnai no aande wa kando kasu no eetasa ri no akara Kamui otta yaishieiwangere iyotta pase guru un gusu aatte ruwe ne;

Hebraios 9:26

Shinuma kanna-kanna yaiyange shomoki ruwe ne; shomo ne yakun, moshiri akara wano tane pakno Shinuma kanna-kanna ayairamshitnere nangoro: koroka, tane moshiri paha okese an paha ta Shinuma yaikota yaiyange wa kat-pak isamka kuni ne arashui no anukan nisa ruwe ne na.

Hebraios 9:28

tap korachi Kiristo ne yakka inne utara koro katpak sei gusu arashui no ayange, awa, Shinuma katpak sei shomoki no echipachipa wa okai utara otta kanna-shui anukare hine kashiobiuki kusu ne na.

I Petros 1:18

ishitoma an on teda oshiroma yan: aige, tambe onnere yan, echi utara anak ne echi koro ekashi epakashnu raka isam no an ki buri orowa no, munin kuni shirokani ani hene kongani ani hene echi kikiaraye shomo ne,

I Petros 1:20

Shinuma anak ne moshiri asama aande etoko wano aeramu ambe ne, koroka, echi utara gusu pakihi okeseketa anukare nisa ruwe ne;

I Petros 2:22

Shinuma anak ne katpak seenne ki, koro paro otta kokandama ambe ne yakka anukara shomoki nisa ruwe ne:

I Petros 2:24

Shinuma yaikota kon netobake oshiketa chikoro chikokatpak koro hine chikuni otta sei wa arapa, nei ambe anak ne chi utara katpak otta rai wa oupekap otta shiknu gusu ne a ambe ne; Shinuma akore shirikik-hi gusu echi utara aiwangere nisa ruwe ne.

I Petros 3:18

Inambe gusu ne yakun, Kiristo anak ne Kamui otta un tura kuni ne arashui no katpak gusu ramshitnere nisa ruwe ne, tambe anak oupeka sak utara shirine oupeka an guru aeyairamshitnere ambe ne; Shinuma anak ne kara gusu araige, koroka,

I Yoannes 1:2

(orowa, nei inotu anak ne anukara wa chi nukanʼnisa, gusu paweteshu chi ki, Michi tura no an, awa, un otta anukara, nei inotu, nei rai uina pakno shiknu an inotu orushpe gusu echi nure ash na);

I Yoannes 1:7

koroka, Shinuma anak ne pekere otta an korachi chi utara ne yakka pekere otta apkash yakun uwe-utashpa uwekookai ruwe ne, orowa Shinuma koro poho Yesu koro kem anak ne obitta no okai chikoro katpak isamka wa un ashkannere ruwe ne.

I Yoannes 2:1

Ku goro nokair utara, echi utara anak ne iteki katpak ki kuni ne tap okaibe echi gusu ku nuye ruwe ne. Orowa, nen ne yakka katpak ki guru an chiki, Michi otta chi utara gusu eikotchanep an, oupeka Yesu Kiristo ne;

I Yoannes 2:2

Shinuma anak ne chikoro katpak gusu an imommuyep ne ruwe ne; ouse chikoro katpak gusu patek shomo ne, koroka, ingi-nroshiri gusu an ap gusu ne yakka ne ruwe ne na.

I Yoannes 2:29

Orowa, Shinuma oupeka ambe ne sekoro echi eraman chiki, nen ne yakka oupekap ki guru anak ne Shinuma orowa no hetu-kurep poka onnere yan.

I Yoannes 3:8

oupekap ne ruwe ne; katpak ki guru anak ne nitnep orowa no an ambe ne; atpake wano nitnep anak katpak ki ruwe ne gusu ne na. Tambe gusu, Kamui poho anukan ruwe ne, nitnep ki ikip isamka kuni gusu ne na.

Ekambakbe 1:5

orosama, ikipniukesh paweteshu ki, rai guru orowa no hoshiki no ahetukure, moshiri shikkashima utara epungine Yesu Kiristo orowa no hemhem, echi utara gusu irenga newa itomo an na. Un omap hemhem ki, koro kem ani chikoro katpak gusu un furayepa hemhem ki: