I Yoannes 3:23 - Ashiri Aeuitaknup Iyohaichish Yona 1897

²³ Orowa, chi utara anak ne Shinuma koro Poho Yesu Kiristo kon reihei eishokoro, samata, un kashpaotte korachi utashpa uwe-omap kuni an ambe anak ne, tambe anak Shinuma sange ikashpaotte ne ruwe ne.

I Yoannes 3:23 ပူးပေါင်းရင်းမြစ်များ

Iyohaichish 2:12

Poho irushka wa ru otta iteki echi isamka kuni ne Shinuma chopchopsekara yan, Inambe gusu ne yakun, tunashino Shinuma irushka kusu ne. Nen ne yakka Shinuma gusu eyaikopashte gurʼ anak ne anunuke ne ruwe ne na.

Mattaios 22:39

Tutanu an ap anak ne tambe nei no an ruwe ne, Eani yaikota yaiomap korachi aota un guru ne yakka omap yan.

Markos 9:7

Orowa, nei utara enkashike kashi-kamu shine nishkuru ek: aige, nishkuru wano, — Tambe anak ne Ku omap an Poho ne; Shinuma echi nu yan, sekorʼan hawe an ruwe ne.

Yoannes 1:12

Koroka, obitta no okai Shinuma uk utara otta, Shinuma kon reihei eishokoro utara otta, Kamui Poho ne kuni mondum koropare nisa ruwe ne.

Yoannes 13:34

Echi utara utashpa uweomap kuni ashiri ikashpaotte echi kore ash na: Kuani echi omap ash korachi, echi utara ne yakka utashpa uweomap kuni gusu ne na.

Yoannes 14:1

Iteki echi sambe chiukopoye yan: Kamui eishokoro, samata En eishokoro yan.

Yoannes 15:12

Kuani echi omap ash korachi echi utara utashpa uweomap kuni ambe anak ne, tambe anak Ku ki ikashpaotte ne ruwe ne.

Yoannes 17:3

Orowa, nei utara anak ne patek shinen ne an sone an Kamui newa Aokai omande Yesu Kiristo eamkiri-i anak, tambe anak ne ramma okere shomoki inotu ne ruwe ne.

Yoannes 2:23

Kamakush marapto gusu Shinuma Yerusarem kotan ta an, awa, marapto uturuta, Shinuma ki shirosh nukara gusu, inne utara Shinuma kon reihei gusu eishokon nisa ruwe ne na.

Yoannes 3:18

Shinuma eishokoro guru anak ne shomo akoipishi ruwe ne, shomo Shinuma eishokoro guru anak akoipishi okere nisa ruwe ne, Kamui shinen ne Poho reihei eishokoro shomoki nisa ruwe ne gusu ne na.

Yoannes 6:29

Orota Yesu ese wa ene itak-hi :— Kamui aomande guru echi eishokoro kuni ambe anak ne, tambe anak Kamui ikip ne ruwe ne.

Apostoro ikip oma kambi 16:31

Orowa, nei utara ene itak-hi :— Utarapa ne Yesu eishokoro yan, yakun e kashichiobiuki kusu ne, eani newa e koro uni un utara tura, ari itak.

Epesos 5:2

Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

I Tessaronike 4:9

Koroka, iriwak utara otta omap ki ambe gusu anak, shomo echi orun kambi ku omande yak pirika ruwe ne: inambe gusu ne yakun, echi yaikota anak uwe-utashpa uwe-omap kuni ne Kamui orowa no aepakashnu wa an ruwe ne gusu ne na;

I Timoteos 1:15

Kiristo Yesu anak ne katpak koro utara kashiobiuki gusu moshirʼotta ek nisa ruwe ne ari an itak anak ne son no ambe ne, utara shikkashima kuni an itak ne ruwe ne na; nei utara tumuge ta iyotta wenbe ku ne ruwe ne!

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Petros 4:8

makangane ara uweomap ki yan; inambe gusu ne yakun, onrap ambe anak ne uwatte no okai katpak

I Yoannes 2:7

Aomap an utara, echi utara gusu ashiri ikashpaot-te shomo ku nuye, koroka, atpake wano echi koro fushko ikashpaotte ku nuye na; nei fushko ikashpaotte anak ne echi nu okere itak ne ruwe ne.

I Yoannes 3:11

Atpake wano echi nu okere shongo anak ne ene ani ne, chi utara utashpa uweomap ki kuni an ambe ne:

I Yoannes 4:15

Nen ne yakka Yesu anak ne Kamui Poho ne sekoro pushpusu wa ye gurʼanak, nei guru oshiketa Kamui riya, orowa, Kamui oshiketa nei guru riya ruwe ne.

I Yoannes 4:21

Kamui omap guru anak ne koro iriwak ne yakka omap kuni sekorʼan ipawetenge Shinuma orowa no a un kore nisa ruwe ne na.

I Yoannes 5:13

Shiokere shomoki inotu echi koro koran ruwe ne a ambe echi eramande kuni ne Kamui poho kon reihei eishokoro utara gusu echi otta tap okaibe ku nuye nisa ruwe ne na.