I Yoannes 3:20 - Ashiri Aeuitaknup Iyohaichish Yona 1897

²⁰ Shinuma tek-samata chikoro keutura ratchi wa okai ruwe ne; Kamui anak ne chikoro keutura kasu no pase wa nep ne yakka eraman ruwe ne gusu ne na.

I Yoannes 3:20 ပူးပေါင်းရင်းမြစ်များ

Iyohaichish 90:8

Aokai anak ne chikoro wen-buri E kotchaketa ande, Chi ki nuina na okai katpak E shik-samata aande nisa ruwe ne.

Yoannes 21:17

Re otutanu shui orota, — Yoannes poho Simon, aokai En omap ya? ari itak. Re shuine aokai En omap ya? ani an itak ani orota ye gusu, Petros anak ne oknatara ruwe ne. Awa, orota ene itak-hi :— Utarapa, Aokai anak ne nep ne yakka E eraman; Kuani E omap ash shiri Aokai eraman ruwe ne, ani itak. Orota, Ku hitsuji ibere yan, ani an itak ani Yesu itak.

Yoannes 8:9

Orowa, okai utara anak ne nei itak nu chiki, ekashi wano heashi wa iyotta upen guru pakno shinen range soine nisa ruwe ne: orowa, noshike un ushiketa an shiwentep hemhem Yesu hemhem yai-tura no aande nisa ruwe ne.

Apostoro ikip oma kambi 5:33

Koroka, nei utara anak ne tambe nu chiki, sambe aotte gusu, ronnu kuni yainu nisa ruwe ne.

Roma 8:34

Nei utara oupekare Kamui ne ruwe he an? Katpak kore guru nen ne ruwe? Rai, shui, makangane hetopo-shiknu wa Kamui shimon-tek samata an hine un eikotchanne ne yakka ki Kiristo ne ruwe he an?

I Korintos 4:4

Inambe gusu ne yakun, ani yaikota yaieiyon-nupbap ku nukara shomoki ruwe ne; yakka, tambe gusu kuani aoupekare shomo ne ruwe ne: koroka, en koipishi guru anak ne Utarapa ne ruwe ne.

Titus 3:11

nei no an guru oheuge wa chikokatpak an hine aeyaiesanniyo okere ruwe ne ari eraman yan.

Hebraios 4:13

Orowa, Shinuma shik-samata shomo anukara okaibe ara isam ruwe ne: koroka, gusu chi iki ambe koro shiki kotchaketa nep okaibe ne yakka obitta atusa hine asarare wa an na.

Hebraios 6:13

Inambe gusu ne yakun, Kamui anak ne Abraham otta eitakamkire ita, naa kasu no pasep epeka shiyuppa no ye eaikap gusu,

I Yoannes 3:19

Tata otta chi utara anak ne son-i orowa no oka-hi chi eraman, orowa, nep gusu ne yakka chikoro keutura anak un katpakte yakka,

I Yoannes 3:21

Aomap an utara, chikoro keutura anak ne un katpakte shomoki chiki Kamui gusu chi rametokkon ruwe ne;

I Yoannes 4:4

Nokan utara, echi utara anak ne Kamui orowa no an okaibe echi ne, nei utara annokara okere echi ki nisa ruwe ne: echi oshiketa okaibe anak ne moshiri oshiketa okaibe kasu no naa porobe ne ruwe ne gusu ne na.

Ekambakbe 2:23

Orowa, rai ambe ani nei shiwentep koro poho utara Ku ronnu kusu ne; aige, Kuani anak ne kinop newa sambe chimichimi guru Ku ne ruwe ne ari an ambe obitta no okai karisia utara eraman kusu ne: samata, echi ikip an nei no pishno okai echi utara orota Ku kore kusu ne na.