I Yoannes 3:2 - Ashiri Aeuitaknup Iyohaichish Yona 1897

² Aomap an utara, tane anak ne chi utara Kamui poho chi ne ruwe ne, koroka, nekon a okaibe chi ne kusu ne ya sekorʼambe naa shomo anukare ruwe ne. Shinuma anak ne anukara chiki, chi utara Shinuma koheraye kusu ne sekorʼambe chi eraman; Shinuma an korachi chi nukara ash kusu ne gusu ne na.

I Yoannes 3:2 ပူးပေါင်းရင်းမြစ်များ

Iyohaichish 16:11

Ishu oma ru Aokai en eramande kusu ne: E tek samata aeyainuchattekbe anak aeshik ruwe ne; E koro shimon teke otta otusashuishiri pakno an pirikap okai ruwe ne na.

Iyohaichish 17:15

Kuani anak ne oupeka wa E nanuhu ku nukara kusu ne: Ku mosh ita E katuhu ku nukara wa ku eramushinne kusu ne na.

Iyohaichish 31:19

Utara poho utara shiksamata Aokai gusu eyaikopashte, E koishitoma utara gusu Aokai eumashnu pirika ambe anak ne nep poro humi!

Mattaios 5:8

Keutum turu-sak utara anak ne anunuke ne; nei utara Kamui nukan ruwe ne kusu ne gusu ne na.

Roukos 17:30

Ainu Poho anukare toho ta ne yakka nei no korachi an kusu ne na.

Roukos 20:36

orowa, shui nei utara anak ne naa rai eaikap: Kamui hauturumbe nei no okaibe ne; orowa, hetopo-shiknu poho ne gusu Kamui poho ne ruwe ne.

Yoannes 1:12

Koroka, obitta no okai Shinuma uk utara otta, Shinuma kon reihei eishokoro utara otta, Kamui Poho ne kuni mondum koropare nisa ruwe ne.

Yoannes 11:52

nei utara shirihine patek shomo ne, moshiri kata chichari wa okai Kamui poho utara shineanda uwekarapare kuni gusu ne na.

Yoannes 17:24

Michi, Aokai En kore utara anak ne Ku an ushiketa nei utara ne yakka En tura no okai kuni Ku kon rusui; nei utara anak ne Aokai En kore arakuru nukara kuni gusu ne na: Aokai anak ne moshiri heashi etokota En omap nisa ruwe ne gusu ne na.

Roma 8:16

Ramat yaikota chikon ramat tura chi utara anak ne Kamui poho ne sekorʼan paweteshu ambe ki ruwe ne: orowa, poho ne chiki,

Roma 8:18

Tane okai ayairamshitnere ambe anak ne un otta anukare kusu ne a arakuru otta aukopa gusu uweepeka shomo ne kuni ku esanniyo.

Roma 8:19

Akara okaibe earikinne echipachipap anak ne Kamui poho utara anukara-hi etere ruwe ne.

Roma 8:29

Inambe gusu ne yakun, Kamui anak ne etoko wano eraman utara, inne no okai uiriwak tumugeta iyotta kiyanne guru ne kuni gusu, koro Poho nokaha nei no akatkore kuni etoko wano esanniyo poka ki nisa ruwe ne:

I Korintos 13:12

Inambe gusu ne yakun, tane anak ne homanno yaikunnukarabe ani chi nukara; koroka, nei ita anak ne uwenitomom no nukan kusu ne ruwe ne: tane anak ne nimara ani ku eraman; koroka, nei ta anak kuani ka ara a en aeraman korachi, ara ku eraman kusu ne.

I Korintos 15:49

Orowa, toi-ush guru koro nokaha chi koro wa sei korachi, kando un guru koro nokaha ne yakka a sei kusu ne na.

I Korintos 2:9

koroka, chieshinnuye wa an korachi, Shikihi shomo nukara, kisaraha shomo nu, Ainu keutum ta shomo ahunbe anak, I-omap utara gusu nep ne yakka Kamui etokooiki okaibe ne.

II Korintos 3:18

Koroka, obitta no okai chi utara anak ne nankamup isam no yaikunnu-karape otta an nei no Utarapa koro nupeki nukara hine Ramat ne Utarapa orowa no an korachi poka nupeki wano nupeki otta nei shinep ne an noka nepkoro a un ekarakara an ruwe ne na.

II Korintos 4:17

Inambe gusu ne yakun, irukai patek an kushki chikoro koshne aeramchuptekbe anak ne chi utara gusu naa kasu no kasu no an aokere shomoki pase arakuru kan ruwe ne;

Garatea 3:26

Inambe gusu ne yakun, obitta no okai echi utara anak ne Kiristo Yesu otta eishokor-i an gusu Kamui poho echi ne.

Garatea 4:6

Orowa, echi utara poho echi ne wa gusu, Kamui anak ne koro Poho kon Ramat chikoro keutura ta ahunge wa, Abba, Michihi, yere nisa ruwe ne.

Piripoi 3:21

Shinuma anak ne ani obitta no okaibe yaikota otta itaknure eashkai iki-hi nei no an no chikoro aeoripakka an netobake ashinno kara hine koro nupeki an netobake korachi kara kusu ne na.

Korosai 3:4

Kamui otta anuina wa an ruwe ne. Chikoro inotu ne Kiristo anak ne anukara kusu ne ita, nei ita anak echi utara ne yakka Shinuma tura no nupeki otta anukara kusu ne na.

Hebraios 9:28

tap korachi Kiristo ne yakka inne utara koro katpak sei gusu arashui no ayange, awa, Shinuma katpak sei shomoki no echipachipa wa okai utara otta kanna-shui anukare hine kashiobiuki kusu ne na.

II Petros 1:4

tambe gusu, Shinuma anak ne koro aoshkoro newa shi no poro uitaknup un koropare nisa; tap okaibe ani, echi utara anak ne ibeporore ambe gusu moshiri otta okai muninbe orowa no ohaita okere wa, Kamui oma oibe echi orota akoropare kuni gusu an ambe ne ruwe ne.

I Yoannes 2:28

Orowa, tane nokan utara, Shinuma oshiketa oshiroma yan; Shinuma anukara chiki, chi utara rametok-koro, orowa, Shinuma ek ita chi utara shomo yainikoroshma kusu ne gusu okai yan.

I Yoannes 2:7

Aomap an utara, echi utara gusu ashiri ikashpaot-te shomo ku nuye, koroka, atpake wano echi koro fushko ikashpaotte ku nuye na; nei fushko ikashpaotte anak ne echi nu okere itak ne ruwe ne.

I Yoannes 3:1

Chi utara anak ne Kamui Poho ne aporose kuni ne Michi un koropare omap ambe nekon a okaibe ne ya sekoro ingara yan: ene ani ka chi ne ruwe ne. Tambe gusu, moshiri anak ne un eamkiri shomoki, shomo Shinuma eamkiri nisa ruwe ne gusu ne na.

I Yoannes 3:10

Tata otta Kamui poho utara hemhem nitnep koro poho utara hemhem anukan ruwe ne: nen ne yakka oupekap shomo ki guru hene, koro iriwak shomo omap guru hene, Kamui orowa no an ap shomo ne.

I Yoannes 3:21

Aomap an utara, chikoro keutura anak ne un katpakte shomoki chiki Kamui gusu chi rametokkon ruwe ne;

I Yoannes 5:1

Nen ne yakka Yesu anak ne Kiristo ne ari an ambe eishokoro gurʼanak ne Kamui orowa no hekatu ruwe ne; shui, hekaturep omap gurʼanak ne Shinuma gusu hekatup ne yakka omap ruwe ne.

Ekambakbe 2:28

orowa, kunne-nisat nochiu nei guru orota Ku kore kusu ne na.

Ekambakbe 22:4

aige, nei utara anak ne Shinuma koro nanuhu nukara kusu ne; shui, Shinuma kon reihei nei utara koro keputuru ta an kusu ne na.