I Yoannes 3:14 - Ashiri Aeuitaknup Iyohaichish Yona 1897

¹⁴ Chi utara anak ne iriwak utara omap gusu rai-i orowa no paye wa ishu-i otta ahup ash nisa ari an ambe chi eraman ruwe ne. Shomo omap ki gurʼanak ne rai-i otta riya ruwe ne.

I Yoannes 3:14 ပူးပေါင်းရင်းမြစ်များ

Iyohaichish 16:3

Moshiri kata okai ashkanne newa nupuru utara gusu, Kuani shiri enupetne ruwe ne.

Mattaios 25:40

Moshiri Shikkashima guru nei utara otta ese wa ene itak kusu ne-hi :— Son no echi otta Ku ye, tan Ku iriwak ne utara tumuge un shinen otta, iyotta ponbe poka echi ki nisa ruwe ne gusu, En otta aki nisa ruwe ne na.

Roukos 15:24

orowa, chi ibe ash wa nuchattek anro: inambe gusu ne yakun, tan ku po anak ne rai wa isam, awa, kanna shiknu wa an: aturainu wa an, awa, kanna apa nisa ruwe ne gusu ne na. Orowa, nei utara yainuchattek heashi ruwe ne.

Roukos 15:32

E akihi anak rai wa kanna shiknu, aturainu wa kanna-shui apa nisa ruwe ne, tambe gusu, nuchattek hemhem ki, yaikopuntek hemhem ki ambe anak ne, aki kunip ne ruwe tapan na.

Roukos 7:5

chi koro moshirʼun utara ko katairotke, orowa, chi utara gusu shine Uwekarapa chisei kan nisa ruwe ne gusu ne na, ari itak.

Yoannes 13:35

Echi utara anak ne utashpa uweomap shiri an yakun, Ku koro koikara utara echi ne sekoro utara obitta eraman ruwe ne kusu ne na.

Yoannes 15:12

Kuani echi omap ash korachi echi utara utashpa uweomap kuni ambe anak ne, tambe anak Ku ki ikashpaotte ne ruwe ne.

Yoannes 15:17

Echi utara utashpa uweomap gusu, tap okaibe echi kashpaotte ash na.

Yoannes 5:24

Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.

II Korintos 5:1

Chikoro kash ne toitoi oma chisei isam yakun, isam shomoki kando oshiketa Kamui orowa no akarape an, teke ani shomo akarape chisei an ari an ambe chi eraman ruwe ne gusu ne na.

Garatea 5:22

Koroka, Ramat hetukure ibehe anak ne tambe ne mwe ne; — Onrap-hi hene, akopuntek ambe hene, itomo hene, ramushiporore ambe hene, ramuhauge-hi hene, pirika-hi hene, eishokor-i atte ambe hene,

Epesos 1:15

Tambe gusu, kuani ne yakka, echi utara Utarapa ne Yesu otta eishokoro ki ambe hene, obitta no okai Ashkanne utara gusu echi ki ikip ku nu gusu,

Epesos 2:1

Kamui anak ne koro ouhaitap newa chikokatpak gusu rai okere echi utara kanna shiknure nisa ruwe ne;

Epesos 2:5

poro omap-i ani un omap poka hi hine, Kiristo tura un shiknure nisa ruwe ne (irenga ankushkerai gusu echi utara kashiaobiuki nisa ruwe ne),

Korosai 1:4

eeshiri echi otta ek pirika shongo oma son no arabe an itak ani echi nu kando otta echi utara gusu eumashnu wa an aechipachipa ambe gusu,

I Tessaronike 4:9

Koroka, iriwak utara otta omap ki ambe gusu anak, shomo echi orun kambi ku omande yak pirika ruwe ne: inambe gusu ne yakun, echi yaikota anak uwe-utashpa uwe-omap kuni ne Kamui orowa no aepakashnu wa an ruwe ne gusu ne na;

Hebraios 13:1

Iriwak utara koomap ambe ramma-kane an kuni ki yan.

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Petros 3:8

Orosama okeseketa, echi utara obitta keutum shineatkire, utashpa uwerampokiwen wa kore, uiriwak korachi omap ki, uweiyeramuhauge an keutum koro,

II Petros 1:7

orowa, Kamui ko-oripak ambe otta iriwak utara kokatairotke ambe iyo; orowa iriwak utara katairotke ambe otta omap ambe iyo yan.

I Yoannes 2:3

Shinuma ki ikashpaotte shikkashima ash yakun, tata ani chi utara Shinuma eamkiri ruwe ne sekoro chi eraman.

I Yoannes 3:23

Orowa, chi utara anak ne Shinuma koro Poho Yesu Kiristo kon reihei eishokoro, samata, un kashpaotte korachi utashpa uwe-omap kuni an ambe anak ne, tambe anak Shinuma sange ikashpaotte ne ruwe ne.

I Yoannes 4:12

Hembarata ne yakka Kamui nukara ainu isam: chi utara utashpa uweomap ki chiki, Kamui un oshiketa riya ruwe ne, orowa, un oshiketa Shinuma omap-hi aeramushinne an ruwe ne;

I Yoannes 5:13

Shiokere shomoki inotu echi koro koran ruwe ne a ambe echi eramande kuni ne Kamui poho kon reihei eishokoro utara gusu echi otta tap okaibe ku nuye nisa ruwe ne na.

I Yoannes 5:2

Kamui omap wa shinuma koro ikashpaotte chi ki chiki, tambe gusu chi utara anak ne Kamui poho utara omap ash sekoro chi eraman ruwe ne.