I Yoannes 2:9 - Ashiri Aeuitaknup Iyohaichish Yona 1897

⁹ Pekere otta an ani ye wa koro iriwak etunne gurʼanak ne tane pakno poka kunne-i otta an ruwe ne.

I Yoannes 2:9 ပူးပေါင်းရင်းမြစ်များ

Iyohaichish 82:5

Nei utara erampeutek, ramepakari ka shomoki; Kunne-i otta ekeshinne no apkash: Toitoi koro obitta no okai asama shimoye ruwe ne na.

Yoannes 9:41

Nei utara otta Yesu ene itak-hi :— Echi utara anak ne shiknak chiki katpak echi koro shomoki kusu ne ap: koroka, tane anak ne chi nukara ash ruwe ne, sekoro echi ye: aine, echi koro katpak okai ruwe ne.

Apostoro ikip oma kambi 1:15

Orowa, nei toho ta Petros anak ne iriwak utara tumugeta ash wa ene itak-hi (nei ita inne utara uwekarapa wa okai, iwan hotne niu pakno ehange ruwe ne) :—

II Petros 1:9

shomo ibehe sak no echi kara an na Inam-be gusu ne yakun, tap okaibe sak guru anak ne shiknakbe ne, koro fushko katpak aashkannere-hi oira wa ouse ehange no an ambe nukan ruwe ne gusu ne na.

I Yoannes 1:6

Shinuma tura chi utara kookai ruwe ne sekoro chi itak wa, kunne-i otta apkash chiki, shunge chi ye, son no ambe shomo chi ki ruwe ne:

I Yoannes 2:11

Koroka, koro iriwak etunne gurʼanak ne kunne-i oshiketa an wa kunne-i otta apkash, orowa, ine un oman a shinuma erampeutek, kunne-i anak ne shinuma koro shikihi shiknakte nisa ruwe ne gusu ne na.

I Yoannes 2:4

Shinuma ku eamkiri ari ye wa koro ikashpaotte shomo shikkashima gurʼanak ne, shunge itak ki gunʼne, aige,

I Yoannes 3:10

Tata otta Kamui poho utara hemhem nitnep koro poho utara hemhem anukan ruwe ne: nen ne yakka oupekap shomo ki guru hene, koro iriwak shomo omap guru hene, Kamui orowa no an ap shomo ne.

I Yoannes 4:20

Koro iriwak etunne wa Kamui ku omap ari ye guru an chiki anak ne, shunge itak ki gunʼne: inambe gusu ne yakun, nukara a-hi iriwak shomo ko-omap chiki, shomo nukara Kamui omap eaikap ruwe ne gusu ne na.