I Yoannes 2:8 - Ashiri Aeuitaknup Iyohaichish Yona 1897

⁸ Shui, ashiri ikashpaotte echi gusu ku nuye na, nei ambe anak ne Shinuma oshiketa ne yakka echi oshiketa ne yakka son no ambe ne; inambe gusu ne yakun, kunne-i okere koran, orowa, son no pekere nupeki atte wa an ruwe ne gusu ne na.

I Yoannes 2:8 ပူးပေါင်းရင်းမြစ်များ

Iyohaichish 27:1

EHOBA anak ne ku pekere ne, en kashiobiukip ne ruwe ne; en ishitomarep nen ne ruwe? Ehoba anak ne ku inotu un kiroro ne; inan guru gusu ku kimatek ruwe be an?

Iyohaichish 36:9

Inambe gusu ne yakun, E otta inotu motoho an ruwe ne: E koro nupeki gusu nupeki chi nukarʼash kusu ne na.

Iyohaichish 84:11

Inambe gusu ne yakun, Ehoba ne Kamui anak ne chup ne, kikhumbe ne ruwe ne: Ehoba anak ne irenga newa nupeki koropare kusu ne: Oupeka no apkash utara gusu nep pirikap ne yakka koropare kusu ne ruwe ne.

Mattaios 4:16

Nei utara otta pekere hetuku nisa ruwe ne na, sekoro uweingara guru ne Isaya ye itak auweomare kuni gusu an ambe ne ruwe ne na.

Roukos 1:79

Mo an ru otta chikoro kema aomande kuni ne, Rai kurihi otta hene, kunne-i otta hene rok wa okai chi utara gusu atte pekere ruwe ne, ari Zakarias itak.

Yoannes 1:9

an gunʼne. Moshirʼotta ek nen ne yakka otta pekere atte son no pekere an ruwe ne.

Yoannes 12:35

Tambe gusu, nei utara otta Yesu ene itak-hi :— Naa irukai pekere anak ne echi tumta an. Shirikunne echi oshkoni shomoki kuni gusu pekere echi koro rapoketa apkash yan; shirikunne ta apkash gurʼanak ne ine un oman shiri erampeutek ruwe ne.

Yoannes 12:46

En eishokoro guru anak ne iteki kunne-i ta oshiroma kuni gusu moshirʼotta ek pekere Ku ne ruwe ne.

Yoannes 13:34

Echi utara utashpa uweomap kuni ashiri ikashpaotte echi kore ash na: Kuani echi omap ash korachi, echi utara ne yakka utashpa uweomap kuni gusu ne na.

Yoannes 8:12

Tambe gusu, shui Yesu nei utara otta itak wa ene ye-hi :— Kuani anak ne moshiri pekere Ku ne: En osh ek guru anak ne kunne-i otta apkash shomoki no, ishu un pekere koro kusu ne na.

Apostoro ikip oma kambi 17:30

Tambe gusu Kamui nei eramsak an pakihi emoshma no ande nisa; koroka, tane anak neita okai yakka obitta no okai utara yaikokatpak kuni kashpaotte ruwe ne:

Apostoro ikip oma kambi 26:18

aige, nei utara kunne-i wano pekere otta hene, Satan koro kiroro wano Kamui otta hene ahosarire, aine, koro chikokatpak atusare hine En eishokoro ankushkerai gusu aashkannere utara tumta eikeshkorobe akore kuni ne ruwe ne gusu ne na, ari itak.

Roma 13:12

Kunne-to naanihungo aokere, tokap-to tane an kushki: tambe gusu, kurokok buri shirairaye wa pekere hayokbe yaimire anro.

II Korintos 8:9

Chikoro Utarapa ne Yesu Kiristo koro irenga echi eraman ruwe ne gusu ne na; Shinuma anak ne oteknu ruwe ne a yakka, echi utara gusu oteksakbe ne akara, tambe anak ne Shinuma ki oteksak-hi ankushkeraipo echi utara aeoteknure kuni gusu ne na.

Epesos 5:8

inambe gusu ne yakun, teeda echi utara kurokokbe echi ne a koroka, tane anak Utarapa otta pekerebe echi ne ruwe ne gusu ne na:

II Timoteos 1:10

aige, nei ambe anak ne chikoro un Kashiobiukip ne Kiristo Yesu ek-hi ani anukare nisa ruwe ne; Shinuma anak ne rai ambe isamka wa pirika shongo ankushkerai inotu newa shomo muninbe sarare nisa ruwe ne;

I Petros 1:21

echi utara anak ne Kamui otta eishokoro hene ki chipachipa hene ki kuni ne, Shinuma rai-i orowa no hetopo-shiknure wa otta nupeki koropare Kamui otta, Shinuma gusu eishokor-i ki utara echi ne ruwe ne.

I Yoannes 3:23

Orowa, chi utara anak ne Shinuma koro Poho Yesu Kiristo kon reihei eishokoro, samata, un kashpaotte korachi utashpa uwe-omap kuni an ambe anak ne, tambe anak Shinuma sange ikashpaotte ne ruwe ne.

I Yoannes 4:11

Aomap an utara, nei i oro pakno Kamui un omap yakun, chi utara ne yakka utashpa uweomap ki kuni utara chi ne ruwe ne.

I Yoannes 4:21

Kamui omap guru anak ne koro iriwak ne yakka omap kuni sekorʼan ipawetenge Shinuma orowa no a un kore nisa ruwe ne na.