I Yoannes 2:4 - Ashiri Aeuitaknup Iyohaichish Yona 1897

⁴ Shinuma ku eamkiri ari ye wa koro ikashpaotte shomo shikkashima gurʼanak ne, shunge itak ki gunʼne, aige,

I Yoannes 2:4 ပူးပေါင်းရင်းမြစ်များ

Yoannes 8:44

ruwe ne gusu ne na. Echi utara anak ne nitne kamui ne echi koro michi orowa no okai, orowa, echi koro michi ki rusui buri echi ki kuni echi ramu. Shinuma anak ne atpake wano keukbe ne, orowa, sonep otta ash shomoki, koro onnaigeta sonep isam ruwe ne gusu ne na. Shunge itak ki chiki yaikota kerobe ye: Shinuma anak shunge guru ne, shunge koro michi ne ruwe ne gusu ne na.

Titus 1:10

Inambe gusu ne yakun, inne no okai itakkashi utara, raka-sak itak sange wa kokandama ki utara okai, makangane okarituye-buri oma utara nei no okai,

Titus 1:16

Nei utara anak ne Kamui eamkiri ari itak; koroka, aetunnep ne, itakkashi utara ne, nep pirika ikip gusu ne yakka aemakbap ne wa gusu koro iki ikip ani Shinuma eshikeshke utara ne ruwe ne.

I Yoannes 1:10

Shomo katpak chi ki na sekoro chi ye chiki, Shinuma shungere ruwe ne, orowa, Shinuma korʼitak un oshiketa isam ruwe tapan na.

I Yoannes 1:6

Shinuma tura chi utara kookai ruwe ne sekoro chi itak wa, kunne-i otta apkash chiki, shunge chi ye, son no ambe shomo chi ki ruwe ne:

I Yoannes 1:8

Katpak chi sak sekoro chi itak chiki, yaikokandama ruwe ne, orowa, son-i anak ne un oshiketa isam ruwe ne na.

I Yoannes 2:3

Shinuma ki ikashpaotte shikkashima ash yakun, tata ani chi utara Shinuma eamkiri ruwe ne sekoro chi eraman.

I Yoannes 2:9

Pekere otta an ani ye wa koro iriwak etunne gurʼanak ne tane pakno poka kunne-i otta an ruwe ne.

I Yoannes 3:6

Shinuma oshiketa oshiroma gurʼanak ne shomo katpak ki ruwe ne; nen ne yakka katpak ki gurʼanak ne shomo Shinuma nukara, shomo Shinuma eamkiri nisa ruwe ne na.

I Yoannes 4:20

Koro iriwak etunne wa Kamui ku omap ari ye guru an chiki anak ne, shunge itak ki gunʼne: inambe gusu ne yakun, nukara a-hi iriwak shomo ko-omap chiki, shomo nukara Kamui omap eaikap ruwe ne gusu ne na.

I Yoannes 4:7

Aomap an utara, chi utara, anak ne utashpa uweomap anro: omap-hi anak ne Kamui orowa no an ambe ne ruwe ne gusu ne na; orowa, obitta no okai omap ki gurʼanak ne pishno Kamui orowa no hekature gunʼne,