I Yoannes 2:28 - Ashiri Aeuitaknup Iyohaichish Yona 1897

²⁸ Orowa, tane nokan utara, Shinuma oshiketa oshiroma yan; Shinuma anukara chiki, chi utara rametok-koro, orowa, Shinuma ek ita chi utara shomo yainikoroshma kusu ne gusu okai yan.

I Yoannes 2:28 ပူးပေါင်းရင်းမြစ်များ

Mattaios 16:27

Inambe gusu ne yakun, Ainu Poho anak ne koro Michi nupekihi hemhem, koro uitekbe hemhem tura no ek tusu ne; nei ita anak ne Shinuma obitta no okai utara pish no ikichi buri an-i korachi kore ruwe ne kusu ne na.

Mattaios 16:28

Son no echi otta Ku ye, teda okai utara tumugeta roshki utara anak ne Ainu poho koro moshiri tura wa ek shiriki-hi nukara pakno, oara rai ambe sapke shomoki kusu ne na.

Markos 8:38

Inan guru ne yakka tane okai hoiyo newa wen ainu ikiri ta Ku goro orushpe newa Ku goro itak eyainikoroshma gurʼanak ne, Ainu poho ne yakka ashkanne hauturumbe tura no koro Michi arakuru koro wa ek ita, nei guru eyainikoroshma kusu ne.

Roukos 17:30

Ainu Poho anukare toho ta ne yakka nei no korachi an kusu ne na.

Roma 9:33

ene chieshinnuye wa an korachi ne, Ingarʼan, Zion otta ureepetchiure kuni shuma, epetchiure kuni watara Ku ande kusu ne: Orowa, nei ambe eishokoro gurʼanak ue shomo ayainikoroshmare kusu ue ua.

I Korintos 1:7

tambe gusu, nep eikrap gusu ne yakka shomo echi ehaita ruwe ne; chikoro Utarapa ne Yesu Kiristo anukara kuni ambe echi untere wa okai ruwe ne;

I Korintos 15:23

Koroka, utara ebitta nei ikiri an korachi ne: hoshiki no Kiristo; orowa no, Shinuma ek ita,

Epesos 3:12

chi utara anak ne Shinuma eishokoro gusu rametok koro wa ehonnai shomoki no Kamui otta karange no araki ruwe ne na.

Korosai 3:4

Kamui otta anuina wa an ruwe ne. Chikoro inotu ne Kiristo anak ne anukara kusu ne ita, nei ita anak echi utara ne yakka Shinuma tura no nupeki otta anukara kusu ne na.

I Tessaronike 2:19

Gusu aechipachipa arabe hene, aenupetnep ne hene, aeyaiomonnure sapaumbe hene nekon a arabe ne ruwe he an? Ek kushki chikoro Utarapa ne Yesu kotchaketa echi utara shomo ne arabe ne ruwe he an?

I Tessaronike 3:13

tambe anak ne chikoro Utarapa ne Yesu obitta no okai koro ashkanne utara tura no ek ita, Shinuma anak chikoro Kamui newa Michihi kotchaketa ashkanne arabe gusu oheuge-sak no echi koro sambe ashte kuni gusu an arabe ne.

I Tessaronike 5:23

Orowa, itomo irenga koro Kamui yaikota anak echi ebitta ashkannere kusu ne; samata, (chikoro Utarapa ne Yesu Kiristo ek pakno) echi kon ramat newa keutum newa netobake anak ne turu-sak no ramne no akoshiratki kuni akoramkoro.

I Timoteos 6:14

chikoro Utarapa ne Yesu Kiristo anukara pak no, echi sak no, aekot kuni ushike isam no,

II Timoteos 4:8

oupeka no koipishi ki Utarapa nei toho ta nei ambe en kore kusu ne: orowa, en otta patek shomo ne, koroka, Shinuma ek kuni ambe omap obitta no okai utara, otta ne yakka akore kusu ne ruwe ne.

Titus 2:13

orowa, nei a shinnunuke an aechipachipa ambe newa chikoro pase Kamui newa un kashiobiukip ne Yesu Kiristo koro arakuru hetuku ambe ehuye ash ruwe ne;

Hebraios 9:28

tap korachi Kiristo ne yakka inne utara koro katpak sei gusu arashui no ayange, awa, Shinuma katpak sei shomoki no echipachipa wa okai utara otta kanna-shui anukare hine kashiobiuki kusu ne na.

I Petros 1:7

inne no okai auwande ambe an gusu echi oknatara yakka, poron no chi utara nupetne ruwe ne.

I Petros 5:4

Orowa, nei esapane reshpa guru anukara ita echi utara anak ne nin shomoki nupeki oma sapa umbe echi akore an kusu ne na.

I Yoannes 2:1

Ku goro nokair utara, echi utara anak ne iteki katpak ki kuni ne tap okaibe echi gusu ku nuye ruwe ne. Orowa, nen ne yakka katpak ki guru an chiki, Michi otta chi utara gusu eikotchanep an, oupeka Yesu Kiristo ne;

I Yoannes 3:2

Aomap an utara, tane anak ne chi utara Kamui poho chi ne ruwe ne, koroka, nekon a okaibe chi ne kusu ne ya sekorʼambe naa shomo anukare ruwe ne. Shinuma anak ne anukara chiki, chi utara Shinuma koheraye kusu ne sekorʼambe chi eraman; Shinuma an korachi chi nukara ash kusu ne gusu ne na.

I Yoannes 3:21

Aomap an utara, chikoro keutura anak ne un katpakte shomoki chiki Kamui gusu chi rametokkon ruwe ne;

I Yoannes 4:17

Chi utara anak ne akoipishi toho ta rametok koro wa okai kuni gusu, tambe otta un tura omap ambe eramuashinnere an ruwe ne; inambe gusu ne yakun, Shinuma an korachi, chi utara ne yakka tam-moshirʼotta

I Yoannes 5:14

Orowa, Shinuma gusu chi utara rametok koro ki a ambe anak ne tapne ne: Shinuma korʼirenga an korachi nep ne yakka chi koramkoro yakka,

Ekambakbe 1:7

Ingarʼan, Shinuma nishkuru ani ek shiri ki obitta no okai shikihi pishno Shinuma nukara, Shinuma otke utara Shinuma nukara kusu ne; orowa, obitta no okai moshiri uirup Shinuma gusu rayaise kusu ne na. Ruwe un, Amen.