I Yoannes 2:24 - Ashiri Aeuitaknup Iyohaichish Yona 1897

²⁴ Echi utara gusu atpake wano echi nu orushpe echi oshiketa oshironmre yan. Atpake wano echi nu orushpe echi oshiketa oshiroma chiki, echi utara poka Poho oshiketa hemhem, Michi oshiketa hemhem oshiroma kusu ne.

I Yoannes 2:24 ပူးပေါင်းရင်းမြစ်များ

Iyohaichish 119:11

Kuani ika E epeka no wen-be ku ki kuni ne, E koro itak ku keutum ta eumashnu wa an na.

Roukos 1:2

inne utara nei orushpe ene ene koracki nuye kuni yainu wa kambi nuye nisa ruwe ne gusu,

Roukos 9:44

Tan okai itak echi kisara otta ahunge yan: inambe gusu ne yakun, Ainu Poho anak ne utara tekehe otta aekoshi kusu ne gusu ne na.

Yoannes 14:23

Orota Yesu ese wa ene itak-hi :— Ainu En omap yakun Ku itak shikkashima kusu ne: orowa, Ku Michi anak ne nei guru omap kusu ne, orowa, nei guru otta chi araki ash wa tura no oshiroma ash kusu ne ruwe ne.

Yoannes 15:7

Echi utara En oshiketa okai, orowa, Ku itak anak echi oshiketa an chiki, nep ne yakka echi rengaine koramkoro yakka, echi gusu akara kusu ne na.

Yoannes 6:56

Ku kam ibe Ku kem iku gurʼanak ne En oshiketa oshiroma, Kuani ka shinuma oshiketa Ku oshiroma ruwe ne.

Yoannes 8:25

Tambe gusu, Aokai anak ne nen ne ruwe he an? sekoro nei utara Shinuma otta ye. Orota Yesu ene itak-hi :— Atpaketa echi otta Ku ye guru Ku ne ruwe ne.

Piripoi 4:15

Orowa, Piripoi un echi utara, pirika shongo eatpakeheta, kuani Makedonia kotan orowa no ku hopumba ita anak ne, echi utara moshima, kore hene ki akore hene ki orushpe gusu, en tura no ki karisia isam, sekoro, echi utara yaikota echi eraman;

Korosai 3:16

orowa, yaiiraige an no okai yan. Shi no wayashnu no nuye an no Kiristo korʼitak echi oshiketa oshironmre yan; iyobaichish ani hene, shinotcha ani hene, ramat oma yairap ani hene echi koro keutura ta irenga koro wa Kamui otta shinotcha ki wa utashpa uwe-epakashnu hemhem ki, uwe-onishnishi hemhem ki yan.

Hebraios 2:1

Tambe gusu chi utara anak ne anu okere orushpe gusu naa irammakaka ikokanu kunip ne, ikineipeka chi mom wa ehaita ruwe ne kusu ne na.

Hebraios 3:14

inambe gusu ne yakun, okese pakno chi utara anak ne shiyuppa no akoro aatte oibe shikkashima yakun, Kiristo tura no ukouina utara no akan ruwe ne na;

I Yoannes 1:3

chi nukarabe hemhem, chi nup hemhem echi otta ne yakka nure ash; echi utara ne yakka un tura no shine-ikinne okai kuni gusu ne na: ruwe newa, chi utara anak ne Michi tura hemhem, Michi koro poho Yesu Kiristo tura hemhem shine-ikinne okai ruwe ne:

I Yoannes 1:7

koroka, Shinuma anak ne pekere otta an korachi chi utara ne yakka pekere otta apkash yakun uwe-utashpa uwekookai ruwe ne, orowa Shinuma koro poho Yesu koro kem anak ne obitta no okai chikoro katpak isamka wa un ashkannere ruwe ne.

I Yoannes 2:7

Aomap an utara, echi utara gusu ashiri ikashpaot-te shomo ku nuye, koroka, atpake wano echi koro fushko ikashpaotte ku nuye na; nei fushko ikashpaotte anak ne echi nu okere itak ne ruwe ne.

I Yoannes 3:24

Orowa, shinuma sange ikashpaotte shikkashima gurʼanak ne Shinuma otta riya, orowa, Shinuma anak ne nei guru otta riya ruwe ne. Orowa, a un koropare Ramat ani gusu, chi utara anak ne shinuma un otta riya ruwe ne sekoro chi eraman.

I Yoannes 4:13

Shinuma anak ne kon Ramat un koropare gusu chi utara Shinuma oshiketa riya, Shinuma ka un oshiketa riya ari an ambe chi eraman ruwe ne.

I Yoannes 4:15

Nen ne yakka Yesu anak ne Kamui Poho ne sekoro pushpusu wa ye gurʼanak, nei guru oshiketa Kamui riya, orowa, Kamui oshiketa nei guru riya ruwe ne.

I Yoannes 4:16

Orowa, un gusu Kamui sange omap-hi ari an ambe chi eishokoro wa chi eraman ruwe ne. Kamui anak ne omap ambe ne; orowa, omap-hi otta riya guru anak ne Kamui otta riya, orowa, Kamui anak shinuma otta riya ruwe ne.

II Yoannes 1:2

tambe anak ne un oshiketa oshiroma wa ramma pakno un tura no okai sonep rengap gusu an ambe ne ruwe ne:

II Yoannes 1:9

Nen ne yakka iki wa Kiristo koro epakashi otta oshiroma shomoki gurʼanak ne, Kamui koro shomoki ruwe ne: Shinuma koro epakashi otta oshiroma gurʼanak ne, Shinuma anak Michi hemhem Poho hemhem kon ruwe ne na.

III Yoannes 1:3

Iriwak utara araki wa paweteshu ki korachi aokai anak ne sonep otta apkash koran sekoro en nure ita, poron no ku nupetne

Ekambakbe 3:11

Tunashino Ku ek ruwe ne: nenka ika e koro sapa-umbe uk kuni ne, shiarikiki no e koro wa an okaibe shikkashima yan.

Ekambakbe 3:3

Tambe gusu, nekon a echi akore hene ya, echi anure hene ya, eshkarun yan; orowa, shikkashima wa yaikokatpak yan. Tambe gusu, shomo e shiruwande kusu ne chiki, ikka guru korachi Ku ek kusu ne, aige, inan pakihi pakita e orun Ku ek ya e eramushkare kusu ne na.