I Yoannes 2:17 - Ashiri Aeuitaknup Iyohaichish Yona 1897

¹⁷ Orowa, raoshiri hene, moshiri gusu eikaunu ambe hene aokere kusu ne; koroka, Kamui irenga ki gurʼanak ne ramma pakno okai kusu ne na.

I Yoannes 2:17 ပူးပေါင်းရင်းမြစ်များ

Iyohaichish 102:26

Nei ambe isam kusu ne, koroka, Aokai anak ne an kusu ne: Ruwe un, nei okaibe obitta amip korachi fushko ne; Amip korachi Aokai anak ne nei ambe itasare kusu ne, aige, nei ambe aitasare kusu ne na:

Iyohaichish 143:10

Aokai anak ne ku goro Kamui E ne ruwe ne gusu, E korʼirenga ku ki kuni ne en epakashnu wa en kore: E kon ramat pirika ruwe ne; oupeka moshiri ta en ani wa en kore.

Iyohaichish 39:6

Son no newa, obitta no an guru anak ne noka korachi apkash na: Son no un, raka sak no keutum kopoye ruwe ne: Ikoro eumashnu, koroka, okaketa nei ambe uina kusu ne a guru nen ne ruwe he an eramushkare.

Iyohaichish 90:9

Aokai un koirushka rapoketa chi ishu ash kuni toho isam: Shine heise hum korachi chikoro paha aokere na.

Mattaios 21:31

Tan tun ututta inan guru michi korʼirenga ki nisa ruwe he an? Nei utara :— Hoshiki an gunʼne, ari itak. Orota Yesu ene itak-hi :— Son no echi otta Ku ye, yaku-etaye utara newa ramupekere shiwentep utara anak ne echi etokota Kamui moshiri orun ahup ruwe ne.

Mattaios 24:35

Kando newa toi anak ne aisamka kusu ne, koroka, Ku itak anak aisamka shomoki kusu ne na.

Mattaios 7:21

En otta Utarapa, Utarapa, ani ye guru anak ne pishno kando moshirʼotta ahup shomoki; ouse kando otta an Ku goro Michi irenga nei no ki guru patek ahun kusu ne na.

Markos 3:35

ingara wa ene itak-hi :— Ku goro habo Ku goro ainu iriwak utara ingara yan! Inambe gusu ne yakun, nen ne yakka Kamui irenga ki gurʼanak ne, shinuma anak Ku okkai ainu iriwak ne, Ku mat ainu iriwak ne, Ku habo ne ruwe ne gusu ne na, ari itak nisa ruwe ne.

Yoannes 4:14

koroka, nen ne yakka Ku koropare wakka iku guru anak ne ramma pakno iku rusui shomoki; koroka, otta Ku kore wakka anak ne ramma okere shomoki inotu otta purupuruge wakka shimpui nei kusu ne na.

Yoannes 6:58

Tambe anak ne kando orowa no ran aep ne; ekashi utara ibe wa rai wa isam nei no an ambe shomo ne: tan aep ibe gurʼanak ne ramma pakno ishu kusu ne na.

Yoannes 7:17

Nen ne yakka Shinuma irenga ki kuni oshitchiu guru anak ne nei epakashi Kamui orowa no ekbe ne ya hene, Kuani yaikota orowa no sangep ne ya hene eraman kusu ne na.

Roma 12:2

Orowa, tane okai pakihi nei no iteki echi yaikara yan, koroka, nei pirika, aenupetne an, aeramushinne an Kamui keutum uwande wa eraman kuni ne, echi koro keutum ashinno akar-i ani oya kat ne yai akara wa okai yan.

I Korintos 7:31

hok utara shomo koro korachi ne; orowa, moshiri eiwange mashkin korachi ne kuni gusu an ap ne: inambe gusu ne yakun, tan moshiri katuhu auak ne isam kusu ne gusu ne na.

Korosai 1:9

Tambe gusu, chi utara ne yakka, nei orushpe nu toho orowa no echi utara anak ne obitta no okai ramat oma wayashnu ambe newa eraman-i otta Shinuma koro irenga eramanbe ani echi aeshikno an kuni hene,

Korosai 4:12

Echi tumuge wano an Kiristo Yesu koro usshiune guru ne Epapras anak ne echi ekap na, echi utara aeramushinne no roshki hine Kamui koro oma-irenga utumashi shomoki no eraman kuni ne, ramma kane shinuma shiyuppa no inonno-itak ruwe ne.

I Tessaronike 4:3

Kamui keutura anak ne ene ani ne, echi turu-sak wa shomo hoiyo ki;

I Tessaronike 5:18

inambe gusu ne yakun, echi epeka no tambe anak Kiristo oshiketa Kamui koro irenga ne ruwe ne gusu ne na.

Hebraios 10:36

Inambe gusu ne yakun, yaiyupupu ambe anak echi koro kunip ne, Kamui irenga echi ki okere chiki, nei eitakamkirep koro kuni gusu ne na.

Yakob 4:14

nishatta hetuku kusu ne okaibe nekon a ambe ne ya sekoro echi erampeutek ruwe ne gusu ne na. Echi koro inotu nekon a ambe ne ya? Echi utara anak ne irukai an, aige, ush wa isam paha echi ne ruwe ne gusu ne na.

I Petros 1:5

chikoro Utarapa ne Yesu Kiristo koro Michi newa Kamui anak ne airamye an na.

I Petros 4:2

tambe anak ne echi utara tewa no poka utara koro eikaunu ambe gusu kara otta shomo echi utara ishu, koroka, Kamui irenga nei no ki wa moshiri echi ko-ishu kuni gusu ne na.