I Yoannes 2:16 - Ashiri Aeuitaknup Iyohaichish Yona 1897

¹⁶ Inambe gusu ne yakun, moshirʼotta an obitta no okaibe, kam eikaunu ambe hene, shiki eikaunu ambe hene, ishu gusu pakesara ambe hene, Michi orowa no hetukup shomo ne, koroka, raoshiri orowa no an ambe ne ruwe ne gusu ne na.

I Yoannes 2:16 ပူးပေါင်းရင်းမြစ်များ

Iyohaichish 73:6

Tambe gusu, pakesara ambe anak ne uweorokkani korachi koro rekuchi ta an; Amip ami korachi niwen-buri anak ne nei utara kamure ruwe ne.

Iyohaichish 78:18

Orowa, ibeporore ki hine kam koramkoro gusu, Koro keutum ta Kamui koramnukan nisa ruwe ne.

Iyohaichish 78:30

Nei utara koro ibeporore ambe naa isam etokota, Kam anak ne koro paroho otta an rapoketa,

Mattaios 4:8

Shui, nitne kamui anak ne Yesu tura wa shi no ri nupuri orota paye wa ingi moshirʼotta okai chitomtep obitta nukare wa ene itak-hi :—

Mattaios 5:28

nen ne yakka wen-buri ki kuni rusui gusu shiwentep orun nutara gurʼanak ne keutura ta nei shiwentep tura omoinu koro okere ruwe ne.

Roukos 4:5

Orowa Shinuma tura wa hemesu hine arʼekushkonna-heta ingi-moshirʼun ebitta no okai

Roma 13:14

Koroka, Utarapa ne Yesu Kiristo yaimire wa kam gusu an kon rusuibe gusu iteki etokooiki yan.

I Korintos 10:6

Tap okaibe anak ne nei utara iki nei no chi utara iteki wenbe iki rusui kuni ne un gusu hetuku kochihi ne ruwe ne.

Garatea 5:17

Inambe gusu ne yakun, kara anak ne ramat gusu ibeporore ki, orowa, ramat anak ne kam gusu ki ruwe ne gusu ne na; nei okaibe utashpa uweepokba ruwe ne gusu, echi ki rusuibe echi kara eaikap ruwe ne.

Garatea 5:24

Orowa, Kiristo Yesu kore utara anak ne kam hene, kara gusu an ayairamshitnere ambe newa ibeporore ambe tura utasa chikuni otta kotukka nisa ruwe ne na.

Epesos 2:3

etokota echi utara ne yakka nei utara tumugeta okai wa kara gusu an ibeporore ambe koro, kara newa yainu-hi gusu an okaibe ki rusui wa moshima okai utara korachi shiko orowa no irushka gusu an poho echi ne nisa ruwe ne:— koroka,

Titus 2:12

aige, shomo Kamui kooripakbe newa kanna moshiri gusu an wenbe kon rusui keutum newa emaka wa keutum yaieashirikara hine, oupeka no, Kamui kooripak an no tam moshiri koapkash kuni gusu un epakashnu ruwe ne;

Titus 3:3

Inambe gusu ne yakun, chi utara ne yakka, etokoko wano ramu-sak utara chi ne, itakkashi, akokandama an, usa okai wenbe kon rusui keutum koro wa yaishiniupare, wenbe newa eyaitunnap ikichi, aetunne, uwe-enupitara chi ne nisa.

Yakob 3:15

Tapne an wayashnu-i anak ne rik orowa no ran ap shomo ne, koroka, moshiri umbe ne, rengaine an keutum umbe ne, nitne kamui umbe ne ruwe ne.

Yakob 4:16

Koroka, pakesara wa tane echi yaiomonnure ruwe ne: tap korachi yaiomonnure ambe anak ne wenbe ne ruwe ne na.

I Petros 1:14

itaknu poho utara korachi ki wa eramushkare ita ki korachi iteki ibeporore ambe otta yaikoropare yan;

I Petros 2:11

Aomap an utara, echi utara anak ne payekai utara ne, irukai reushi utara korachi echi ne wa gusu, ramat kotumikoro wa okai kam oma ibeporore ambe shomo echi ki kuni echi onishnishi ash na;

II Petros 2:10

makangane turu-ushbe kam eikaunu no apkash hene ki, enishpane ambe etunne hene ki utara otta kara katu Utarapa eraman ruwe ne. Wen rametok koro, keutum eikaunu no ki wa nupeki ambe koatcha wa shomo tusushke ruwe ne;

II Petros 2:18

Inambe gusu ne yakun, raka-sak ashipushkere wa an ambe sange hine, wenbe ki wa ishu utara orowa no ohaitare shiri okai utara, ramupekere ambe ani, kara oma ibeporore otta shiren ruwe ne gusu ne na;