I Yoannes 1:9 - Ashiri Aeuitaknup Iyohaichish Yona 1897

⁹ Koro katpak chi eyaipushi ash chiki, Shinuma anak ikipniukesh oupekap ne gusu chikoro katpak tusare hemhem ki, obitta no okai oupeka sak-i ashkannere hemhem ki ruwe ne.

I Yoannes 1:9 ပူးပေါင်းရင်းမြစ်များ

Iyohaichish 19:12

Yaikota koro haita buri eraman guru nen ne ruwe he an? Ku ki nuina wa okai wen-buri isamka wa en kore.

Iyohaichish 32:5

Ku katpak E orun ku eyaipushi nisa, ku goro wen-buri shomo ku eshina: Ehoba orun ku ohaitap ku pushpusu kusu ne, sekoro ku itak; Awa, ku goro katpak wenbe Aokai tusare nisa ruwe ne na.

Mattaios 3:6

Yoannes orota paye, orowa koro wen-buri eyaipushi wa Yorodan pet otta baptisma akore nisa ruwe ne.

Markos 1:5

Orowa, Yudea moshirʼebitta newa Yerusarem kotan un utara obitta Shinuma orota paye; orowa, chikokatpak eyaipushi hine Yorodan pet otta shinuma orowa no baptisma akore nisa ruwe ne.

Roukos 22:57

Koroka, shinuma eshina wa ene itak-hi :— Shiwentep, kuani nei guru ku eamkiri shomoki, ani itak.

Yoannes 17:25

Aa oupeka an Michihi! Moshiri anak ne Aokai eamkiri shomoki, koroka, Kuani anak ne E eamkiri nisa ruwe ne; orowa, tan okai utara anak ne Aokai En omande sekorʼambe eraman nisa ruwe ne:

Apostoro ikip oma kambi 19:18

Eishokoro okere utara poron no ne yakka araki, aige, eyaipushi hine koro iki ikip ye nisa ruwe ne.

Roma 3:26

tane an pakihi ta Shinuma koro oupeka ambe eramande kunip ne: Shinuma yaikota oupeka wa Yesu eishokoro guru oupekare kuni gusu an ambe ne ruwe ne na.

I Korintos 1:9

Kamui anak ne ikipniukeshbe ne, Shinuma ankushkerai koro Poho chikoro Utarapa ne Yesu Kiristo tura no iki kuni a un hotuyekara an na.

I Korintos 6:11

Echi sereke utara anak ne deeda nei no okai utara echi ne a koroka, tane echi ayashke okere, koroka, echi aashkannere an na, koroka, chikoro Kamui kon Ramat newa Utarapa ne Yesu Kiristo kon reihei otta echi utara aoupekare nisa ruwe ne na.

Epesos 5:26

Shinuma nei no ki ambe anak ne, itak ani wakka otta furaye wa nei karisia turu-sakte, aige, ashkannere hene ki wa,

I Timoteos 1:15

Kiristo Yesu anak ne katpak koro utara kashiobiuki gusu moshirʼotta ek nisa ruwe ne ari an itak anak ne son no ambe ne, utara shikkashima kuni an itak ne ruwe ne na; nei utara tumuge ta iyotta wenbe ku ne ruwe ne!

Titus 2:14

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na.

Hebraios 10:23

chi utara utumashi shomoki kuni ne aeyaipushi an chipa-chipa ambe yupke no shikkashima yanro; inambe gusu ne yakun, eitakamkire Kamui anak ne ikipniukeshbe ne ruwe ne gusu ne ruwe ne na:

Hebraios 11:11

Eishokor-i an gusu Sara poka yaikota poro shukup ita shinnaikat iyeunu kuni kiroro akore, eitakamkire guru sonep ne sekoro esanniyo nisa ruwe ne gusu ne na:

Hebraios 6:10

Kamui anak ne echi utara teeda ne yakka tane ne yakka ashkanne utara otta yaishieiwangere ani an ambe ani Shinuma kon reihei gusu echi iki ambe hene omap ambe hene oira kuni oupekasak Kamui shomo ne ruwe ne.

I Yoannes 1:7

koroka, Shinuma anak ne pekere otta an korachi chi utara ne yakka pekere otta apkash yakun uwe-utashpa uwekookai ruwe ne, orowa Shinuma koro poho Yesu koro kem anak ne obitta no okai chikoro katpak isamka wa un ashkannere ruwe ne.

Ekambakbe 15:3

Orowa, nei utara anak ne Kamui usshiune guru Mose koro shinotcha-ibehe newa nei Pon-hitsuji koro shinotcha-ibehe shinotcha ki wa ene itak-hi :— Aa Utarapa ne Kamui, Nep ne yakka ki eashkaibe, E iki ikip anak ne poro wa iyokunnurep ne; Otusashuishiri wano okai utara esapanep E ne wa E iki ambe anak ne oupeka newa sonep ne ruwe ne.