I Yoannes 1:3 - Ashiri Aeuitaknup Iyohaichish Yona 1897

³ chi nukarabe hemhem, chi nup hemhem echi otta ne yakka nure ash; echi utara ne yakka un tura no shine-ikinne okai kuni gusu ne na: ruwe newa, chi utara anak ne Michi tura hemhem, Michi koro poho Yesu Kiristo tura hemhem shine-ikinne okai ruwe ne:

I Yoannes 1:3 ပူးပေါင်းရင်းမြစ်များ

Iyohaichish 2:7

Ekambakbe Ku ashte: Ehoba en orun ene itak-hi, —Aokai anak ne Ku poho e ne ruwe ne, Tanto e hetukure ash na.

Iyohaichish 22:22

Ku iriwak utara otta E reihei ku nure kusu ne; Uwekari tumugeta E iramye ash kusu ne na.

Yoannes 17:11

Orowa, naa moshiri otta Ku an shomo ne, tan utara anak ne moshiri otta okai, orowa, E otta Ku ek. Ashkanne Michi, Chi utara shinep ne korachi, nei utara shinep ne an kuni gusu En otta Aokai koropare utara E reihei otta shikkashima wa En kore.

Yoannes 17:21

obitta no okai nei utara anak ne shinep ne kuni gusu ne; Aokai, Ku Michi En oshiketa an, orowa, Kuani E oshiketa an korachi, nei utara ne yakka un oshiketa okai kuni gusu ne: Aokai anak ne En omande nisa ruwe ne, sekoro moshiri eishokoro kuni gusu ne na.

Yoannes 17:25

Aa oupeka an Michihi! Moshiri anak ne Aokai eamkiri shomoki, koroka, Kuani anak ne E eamkiri nisa ruwe ne; orowa, tan okai utara anak ne Aokai En omande sekorʼambe eraman nisa ruwe ne:

Yoannes 17:3

Orowa, nei utara anak ne patek shinen ne an sone an Kamui newa Aokai omande Yesu Kiristo eamkiri-i anak, tambe anak ne ramma okere shomoki inotu ne ruwe ne.

Yoannes 19:35

Orowa, nukan nisa guru anak ne paweteshu ki nisa ruwe ne, orowa, nei guru ki paweshu-i anak ne son no ambe ne: shinuma son no ambe ye-hi shinuma eraman, echi utara ne yakka eishokoro kuni gusu ne na.

Apostoro ikip oma kambi 13:32

Orowa, Kamui anak ne Yesu hetopo-shiknure gusu ekashi otta aki eitakamkire ambe chikoro po utara gusu Shinuma uweomare ruwe ne, sekorʼan pirika shongo echi nure ash na;

Apostoro ikip oma kambi 13:41

Etunne ki utara; ingara hine iyokunnure wa isam yan; Inambe gusu ne yakun, echi okai toho ta shine ikip Ku ki, Nei iki ikip nen ka echi otta nure yakka, oara echi eishokoro shomoki kusu ne na.

Apostoro ikip oma kambi 2:42

Awa, nei utara ramma-kane Apostoro epakashi koro hine tura no ukopoye, aine, nei pan meshpa hemhem ki nei inonno-itak hera hem ki shiriki okai nisa ruwe ne na.

Apostoro ikip oma kambi 20:27

kotchaketa tan an to paweteshu ku ki na. Inambe gusu ne yakun, Kamui esanniyop obitta no echi nure

Apostoro ikip oma kambi 4:20

sekorʼambe echi esanniyo yan: inambe gusu ne yakun, chi utara anak ne nukarape hene inu ambe hene moshima ye eaikap ruwe ne gusu ne na.

Roma 15:27

ruwe un, tambe anak nei utara pirika irenga ne; aige, nei utara ashosere utara ne ruwe ne. Inambe gusu ne yakun, Oya un utara anak ne tura no nei utara koro kuni ramat gusu an okaibe akore utara ne akan nisa yakun, itasa netobake gusu an okaibe shinuma utara gusu ka eiwangere kuni utara ne ruwe ne na.

I Korintos 1:30

Koroka, Shinuma ankushtapne echi utara anak ne Yesu Kiristo oshiketa okai hine un gusu Kamui orowa no wayashnu ambe, oupeka ambe,

I Korintos 1:9

Kamui anak ne ikipniukeshbe ne, Shinuma ankushkerai koro Poho chikoro Utarapa ne Yesu Kiristo tura no iki kuni a un hotuyekara an na.

I Korintos 15:1

Orowa, iriwak utara, echi otta eupaskuma ki a pirika shongo echi eramande ash na, nei ambe echi koro;

II Korintos 13:14

Utarapa ne Yesu Kiristo korʼirenga hemhem Kamui omap-i hemhem, Ashkanne Ramat ukopoyege-i hemhem obitta no okai echi utara tura no an kuni akoramkon na.

Epesos 3:6

Oya utara anak ne pirika shongo gusu uko eikeshkoro utara ne, ukotura shine netobake un awehe ne, Kiristo Yesu koro eitakamkire ambe uko-uina utara ne ruwe ne;

Piripoi 1:7

tambe gusu, ku eishokon ruwe ne: obitta echi utara gusu tap korachi poka ku esanniyo ambe anak ne pirikap ne, inambe gusu ne yakun, ku goro tupep otta hene, pirika shongo gusu kikikara wa ashte ambe otta hene, echi utara obitta en tura irenga koro utara echi ne pakno, echi koro keutura ta en eshkarun ruwe ne gusu ne na.

Piripoi 2:1

Tambe gusu, Kiristo otta aomaoma ambe an, omap-i gusu keutura ratchire ambe an, Ramat gusu ukopoyege ambe an, kuroma newa rampokiwen wa akore ambe an chiki, echi utara shine yainu-hi ki,

Piripoi 3:10

ambe ku koro kuni gusu an ambe ne: orowa, kuani anak ne Shinuma newa Shinuma hetopo-shiknu ambe gusu an kiroro newa Shinuma tura ayairamshitnere ambe ki hine ku eraman wa Shinuma ki rai ambe nep koro korachi a en kara;

Korosai 1:13

Shinuma anak ne kunne kiroro orowa no un ohaitare wa, koro omap an Toho koro moshiri orun un ahupte nisa ruwe ne;

I Tessaronike 1:10

Kamui anak ne rai i orowa no Shinuma hetopo-shiknure nisa ruwe ne, tambe anak, ek kusu ne irushka-i orowa no un ohaitare Yesu ne ruwe ne na.

I Timoteos 6:2

Orowa, eishokor-i atte nishpa utara koro utara anak ne, iteki nei utara pange yak pirika, iriwak utara ne ruwe ne gusu ne na; torota, makangane otta yaishieiwangere yak pirika, inambe gusu ne yakun, nei pirika ikip koro utara anak ne eishokoro utara ne, omap ki utara ne ruwe ne. Tap okaibe epakashnu wa onishnishi yan.

Hebraios 2:12

ani porose kuni yainikoroshma shomo ki; ene itak-hi :— Ku iriwak utara otta E reihei ku nure kusu ne; Karisia tumugeta E orun ramye shinotcha ku ki kusu ne na.

Hebraios 3:1

Tata otta ashkanne iriwak utara, kando orowa no ahotuyepakara utara, chi eishokoro ash okaibe nei

Hebraios 3:14

inambe gusu ne yakun, okese pakno chi utara anak ne shiyuppa no akoro aatte oibe shikkashima yakun, Kiristo tura no ukouina utara no akan ruwe ne na;

I Petros 5:1

Tura no iki ekashi, samata, Kiristo iki yairamshitnere-hi gusu paweteshu ki, samata anukara kusu ne nupeki ne yakka tura no koro guru ku ne anak ne, tambe gusu,

II Petros 1:16

Inambe gusu ne yakun, echi utara anak ne chikoro Utarapa ne Yesu Kiristo koro kiroro newa ek an-i echi nure ash ita, ashkai no aoshke uwepekere koro wa ki shomoki, koroka, chi utara anak ne Shinuma koro poro pase ambe shiki ari nukara utara chi ne ruwe ne gusu ne na.

I Yoannes 1:1

Atpake wano an, chi utara nu, shikihi ani chi nukara, ingara wa koro teke ani chi tomooshma inotu an Itak gusu an ap;

I Yoannes 1:5

Samata, Shinuma orowa no chi nu wa echi nure ash shongo anak ene ani ne, — Kamui anak ne pekere ne, Shinuma otta pon no kunne-i ka isam ruwe ne.

I Yoannes 1:7

koroka, Shinuma anak ne pekere otta an korachi chi utara ne yakka pekere otta apkash yakun uwe-utashpa uwekookai ruwe ne, orowa Shinuma koro poho Yesu koro kem anak ne obitta no okai chikoro katpak isamka wa un ashkannere ruwe ne.