I Timoteos 6:9 - Ashiri Aeuitaknup Iyohaichish Yona 1897

⁹ Koroka, yaieoteknure rusui utara anak ne, isamka ambe newa wen ushike ta utara esumba wa aronnu korachi an akoramnukara ambe newa akbe newa inne no okai ohaita iwende ibeporore ambe oro-oshma ruwe ne.

I Timoteos 6:9 ပူးပေါင်းရင်းမြစ်များ

Iyohaichish 11:6

Wen utara kata Shinuma akbe sange: abe newa iwau, orowa, abe o ashitoma rera nei utara otta akoeimek kusu ne.

Mattaios 13:22

Orowa, ai-ush ni an ushiketa aetoita gurʼanak ne, tambe anak nei itak nu; orowa, kanna moshiri gusu an nishomap ambe hene, aeoteknu ambe gusu an kokandama ambe hene gusu, nei itak ateye, aige, ibehe shomo hetukure gunʼne.

Mattaios 19:22

Koroka, nei upen guru tan itak nu chiki, oknatara wa oman, poro ikoro koro guru ne ruwe ne gusu ne na.

Mattaios 26:15

Kuani Shinuma echi otta ekoshi yakun, nei pakno echi en kore kuni aramu ya? ari itak. Orowa no nei utara shirokani wanbe e tu hot pakno pakari wa kore nisa ruwe ne.

Mattaios 6:19

Shish newa shikopopbe gusu aisamka, ikka guru opattekka wa ikka tan moshirʼotta iteki ikoro eumashnu yan:

Markos 4:19

orowa, moshiri gusu an nishomap hene, ikorobe kokandama ambe hene, orowa, moshima okai ambe ibeshikashure-hi ahup wa itak eteye hine ibe-o shomoki ruwe ne na.

Roukos 12:21

Yaikota gusu aeoteknup eumashnu wa Kamui epeka oteknu shomo ne an gurʼanak ne nei no korachi ne ruwe ne na.

Roukos 21:35

inambe gusu ne yakun, moshirʼebitta no okai utara uwesamamba gusu nei ambe anak ne nei no korachi ek kusu ne na.

Apostoro ikip oma kambi 8:20

Koroka, shinuma orota Petros ene itak-hi :— E koro shirokani eani tura no munin na, eani anak ne ichen ari Kamui korarape hok eashkai ani an arabe ani e yainu nisa ruwe ne gusu ne na.

Epesos 4:22

nei ambe tapne ne, kokandama oina iki rusuibe gusu awende wa an fushko ainu etoko an buri tura oyakta ande hine,

I Timoteos 1:9

tambe ka chi eraman, tuitak anak ne oupeka utara gusu akarape shomo ne, koroka, ihaita keutura koro utara newa itakkashi utara gusu Kamui kooripak shomoki utara newa chikokatpak utara gusu, turu-ush utara newa momok utara gusu, michihi raige utara newa unuhu raige utara gusu, keweuk utara gusu,

I Timoteos 3:7

Naa moshima, soita okai utara anak shinuma gusu pirika paweteshu ambe koro kunip ne; ikineipeka shinuma aesapse wa nitne kamui koro akbe oro-oshma kusu ne na.

I Timoteos 6:10

Inambe gusu ne yatun, ichen omap ambe anak ne usa okai wenbe koro shinrit ne ruwe ne: sereke okai utara anak ne nei ambe epa kuni iki hine eishokor-i wano ashiren, aige, inne no okai shirikirap ani yaiotke kushna nisa ruwe ne na.

I Timoteos 6:17

Tan moshiri ta okai wa oteknu utara anak ne iteki yaiesanniyorire hene ki, iteki autumotne an ikoro eyaikopashte hene ki, koroka, ani eyainupetnere kuni gusu nuye an no obitta no okaibe un kore Kamui eyaikopashte kuni ikashpaotte yan;

II Timoteos 2:26

nei utara yaieashirikara hine nitne Kamui atte akbe aohaitare, aine, Kamui irenga ankushkerai shinuma ani auk kuni gusu ne na.

Titus 2:12

aige, shomo Kamui kooripakbe newa kanna moshiri gusu an wenbe kon rusui keutum newa emaka wa keutum yaieashirikara hine, oupeka no, Kamui kooripak an no tam moshiri koapkash kuni gusu un epakashnu ruwe ne;

II Petros 2:3

Orowa, yaikoshipuinere ki wa shiwayashnure itak ani echi iraugetupa kusu ne; nei utara gusu an aesanniyop anak ne fushko wano tane poka tere shomoki, koro aisamka-i mokoro shomoki ruwe ne.

Youdas 1:11

Nei utara yaisambepokash humi! Kain koro michi kari apkash, pummaha gusu Baraam koro ohaitap gusu vaiemaka, Kora Ainu ki tasa itak gusu aisamka nisa ruwe ne.