I Timoteos 6:2 - Ashiri Aeuitaknup Iyohaichish Yona 1897

² Orowa, eishokor-i atte nishpa utara koro utara anak ne, iteki nei utara pange yak pirika, iriwak utara ne ruwe ne gusu ne na; torota, makangane otta yaishieiwangere yak pirika, inambe gusu ne yakun, nei pirika ikip koro utara anak ne eishokoro utara ne, omap ki utara ne ruwe ne. Tap okaibe epakashnu wa onishnishi yan.

I Timoteos 6:2 ပူးပေါင်းရင်းမြစ်များ

Mattaios 23:8

Koroka, echi utara anak ne iteki Rabbi ani aye yan: inambe gusu ne yakun, echi koro epakashnu guru anak ne shinen ne, aige, echi utara obitta uiriwak ne ruwe ne.

Mattaios 25:40

Moshiri Shikkashima guru nei utara otta ese wa ene itak kusu ne-hi :— Son no echi otta Ku ye, tan Ku iriwak ne utara tumuge un shinen otta, iyotta ponbe poka echi ki nisa ruwe ne gusu, En otta aki nisa ruwe ne na.

Mattaios 6:24

Tu sapane guru orota yaishieiwangere eashkai guru isam: inambe gusu ne yakun, shinen kowen, shinen omap; shinen kopuri pirika, shinen kopuri wen nangoro; Echi okai utara Kamui newa ikoro newa tup ne kane orota yaishieiwangere eaikap ruwe ne.

Apostoro ikip oma kambi 1:15

Orowa, nei toho ta Petros anak ne iriwak utara tumugeta ash wa ene itak-hi (nei ita inne utara uwekarapa wa okai, iwan hotne niu pakno ehange ruwe ne) :—

Roma 11:17

awehe ne yakka ne ruwe ne na. Koroka, okai sereke awehe okayepa hine, aige, nupuri ta an kanran chikuni ne aokai anak ne nei uturuta aukonishishkere wa tura no nei kanran gusu an shinrit oma mimi echi koro yakun;

Roma 8:29

Inambe gusu ne yakun, Kamui anak ne etoko wano eraman utara, inne no okai uiriwak tumugeta iyotta kiyanne guru ne kuni gusu, koro Poho nokaha nei no akatkore kuni etoko wano esanniyo poka ki nisa ruwe ne:

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Epesos 1:1

Kamui rengaine an gusu Kiristo Yesu koro Apostoro ne Pauros anak ne Epesos kotan ta okai aashkannere utara newa Kiristo Yesu gusu ikipniukesh utara otta kambi omande:

Epesos 1:15

Tambe gusu, kuani ne yakka, echi utara Utarapa ne Yesu otta eishokoro ki ambe hene, obitta no okai Ashkanne utara gusu echi ki ikip ku nu gusu,

Epesos 3:6

Oya utara anak ne pirika shongo gusu uko eikeshkoro utara ne, ukotura shine netobake un awehe ne, Kiristo Yesu koro eitakamkire ambe uko-uina utara ne ruwe ne;

Korosai 1:2

Korosai kotan ta oshiroma Kiristo oshiketa okai ashkanne utara newa ikipniukesh uiriwak utara orun kambi omande na: chikoro Michi ne Kamui orowa no irenga newa itomo echi gusu anro.

Korosai 1:4

eeshiri echi otta ek pirika shongo oma son no arabe an itak ani echi nu kando otta echi utara gusu eumashnu wa an aechipachipa ambe gusu,

Korosai 4:1

Nishpa ne utara, echi koro usshiune utara otta oupeka newa oupak an ambe kore yan; aige, echi utara ne yakka kando oshiketa Nishpa kon ruwe ne kunak eramu yan.

II Tessaronike 1:3

Iriwak utara, oupak an no korachi ramma-kane echi utara gusu Kamui koyaiiraige ash kunip ne, echi iki eishokor-i nuye an no shukup, samata, uwe-utashpa pishno echi iki omap arabe echi obitta gusu aporore wa an ruwe ne gusu ne na;

I Timoteos 4:11

Tap okaibe kashpaotte hemhem ki, epakashnu hemhem ki yan.

I Timoteos 5:1

Ekashi ne chiki iteki kopashirota, koroka, michi korachi onishnishi yan;

Titus 2:1

Koroka, eani anak ne nei nisashnu an epakashi kopakeatbe ye yau:

Titus 2:15

Ikashpaotte an korachi tap okaibe ye hemhem ki, onishnishi hemhem ki, pakashnu hemhem ki yan. Inan guru ne yakka iteki e pange kuni ne ki yan.

Titus 3:8

Nei itak ambe sonep ne, orowa, tap okaibe gusu anak, Kamui eishokoro okere utara anak ne esanniyo hine pirika moni iki kuni ne, yupke no e ye kuni ku kon rusui ruwe ne. Tapan okaibe anak ne ainu utara gusu pirika newa pirikare ambe ne: koroka,

Hebraios 3:1

Tata otta ashkanne iriwak utara, kando orowa no ahotuyepakara utara, chi eishokoro ash okaibe nei

Hebraios 3:14

inambe gusu ne yakun, okese pakno chi utara anak ne shiyuppa no akoro aatte oibe shikkashima yakun, Kiristo tura no ukouina utara no akan ruwe ne na;

I Petros 5:1

Tura no iki ekashi, samata, Kiristo iki yairamshitnere-hi gusu paweteshu ki, samata anukara kusu ne nupeki ne yakka tura no koro guru ku ne anak ne, tambe gusu,

II Petros 2:10

makangane turu-ushbe kam eikaunu no apkash hene ki, enishpane ambe etunne hene ki utara otta kara katu Utarapa eraman ruwe ne. Wen rametok koro, keutum eikaunu no ki wa nupeki ambe koatcha wa shomo tusushke ruwe ne;

Youdas 1:8

Yakka, tan utara ne yakka nei no korachi wendarap ki wa kam turu-ushte, orowa, esapane ambe esapse hene ki, nupeki ambe koatcha hene ki ruwe ne.